Ohiko galderak Identifikazio zenbakia: 900001503
Irabazpidezko ondasunen eraentza eratu duten bi senar-emaztek osatutako sozietate zibila. Bazkide bakoitzak kapitalaren %25eko partaidetza dauka, baina bazkide bakarrak lan egiten du sozietatean. Nola sailkatzen dira egotzi beharreko etekinak?
Hizpide darabilgun auzian, sozietatean bazkide bakar batek lan egiten badu eta bazkide horrek bakarrik gauzatzen badu ohikotasunez, modu pertsonalean eta zuzenean jarduerari atxikitako ekoizpen-baliabide eta giza baliabideen antolamendua, bazkide horri baino ezin zaizkio oinarriak egotzi ekonomia-jardueren etekin gisa.
Gainerako bazkideentzat, bakoitzari egotzitako zenbatekoa kapital higigarriaren etekintzat hartuko da eta sozietatearentzat kengarria izango da.
Loturak
Arautegi aplikagarria egun honetatik: 2014/01/01. Abenduaren 5eko 13/2013 Foru Arauaren 11, 12 eta 24. artikuluak
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.