• Ondare Eskualdaketak eta EJD
• Ondare-eskualdaketa
• Zerga oinarria, Balioen egiaztapena eta peritu-tas
• Peritu-tasazio kontrajarria

www.bizkaia.eus/guregida

Ohiko galderak Identifikazio zenbakia: 900001140

Zein da Kontraesanezko Aditu-Tasazioaren prozedura?

KATen prozedura eskatuz gero, OE-EJDen Atalak jakinarazpen hauetako bat bidaliko du:

1. Balioaren egiaztapena adituaren irizpena ez den beste bideren batez egin bada,

   KAT prozedura hasi dela jakinarazten da (informazio gisa).

2. Aditu-egiaztapena aditu baten irizpenaren bidez egin bada, irizpena berriro jakinarazten da.

   Aurreko kasu bietan, aditu-irizpenaren jakinarazpena (lehenengo aldiz edo bigarren aldiz) dela medio, alderdiak bi hilabeteko epea dauka beste tasazio bat aurkezteko (balioztatu beharreko ondasunen araberako titulua daukan aditu batek egindakoa).

   2 hilabeteko epea igarota, alderdiak aditu-tasaziorik aurkeztuko ez balu, KAT aurkezteko eskubideari uko egiten diola ulertuko da eta prozedura amaitutzat emango da; hala, baleko baliotzat hartuko da Administrazioak egindako azkena: aditu-irizpena.

Orduan ematen den likidazioak ondoko balioetako bat hartuko du kontuan:

1. Aditu-irizpenaren balioa egiaztatutako balioa eta aitortutako balioa baino handiagoa bada, “reformatio in peius” debekua nagusitzen da eta likidazioak egiaztatutako balioa aintzat hartuko du.
2. Aditu-irizpenaren balioa egiaztatutako balioa baino txikiagoa eta aitortutako balioa baino handiagoa bada, likidazioak aditu-irizpenaren balioa aintzat hartuko du.
3. Aditu-irizpenaren balioa egiaztatutako balioa eta aitortutako balioa baino txikiagoa bada, aitortutako balioa erabiliko da zerga-oinarri gisa.

Alderdiak bi hilabeteko epearen barruan tasazioa aurkezten badu, ondokoak erkatu beharko dira:

1. Administrazioaren adituak egindako tasazioa zerga-obligaziodunarenak egindakoa baino %10 handiagoa ez bada eta 120.000 € baino handiagoa ez bada, alderdiaren tasazioak balioko du.
2. Administrazioaren adituak egindako tasazioa aurreko mugetatik gorakoa bada, derrigorrez jo behar da hirugarren adituarenera.

Itzuli