Ohiko galderak Identifikazio zenbakia: 900000463
Pertsona batek pentsio-plan baten zati bat berreskuratu du kapital eran, 61 urterekin partzialki erretiratzeagatik. Berreskuratze hori egotz al daiteke %60an eta, behin betiko erretiratu eta gainerakoa berreskuratzen duenean, berriro ere egotz al daiteke %60an?
Erretiro partzialarengatik pentsio-plan batetik jaso diren zenbatekoak behin betiko erretiro-zioz kobratu direla joko da, pentsio-plan horretan horrela ezarrita baldin badago. Hori dela eta, lehen %60ko erreskatea aplikatu ondoren, ezin izango da berriro aplikatu, behin betiko erretiroa hartzen denean, kontingentzia hori jada gertatu dela joko baita.
Hala eta guztiz ere, 2014/01/01etik kapital eran jasotako erreskateari %60ko integrazio-portzentajea aplikatu ahal izango zaio, urte hori baino lehen erretiro-prestazioak jaso izan arren.
%60ko integrazio-portzentajea ezarri ahal zaien etekinen zenbatekoa ezin izango da urtean 300.000,00 eurotik gorakoa izan. Zenbateko horren gaindikia %100ean integratuko da.
- Arautegi aplikagarria egun honetatik: 2014/01/01. PFEZaren 13/2013 Foru Arauaren 19. artikulua (561 KB)
- Arautegi aplikagarria egun honetatik: 2014/01/01. 175/2013 Foru Arauaren Xedapen gehigarri bakarra (1,1 MB)
Informazio gehiago
Lotutako orrialdeak
- Erretiroa
- Gertakizun batzuk aldi berean
- Pertsona batek pentsio-plan baten zati bat berreskuratu du kapital eran, 61 urterekin partzialki erretiratzeagatik. Berreskuratze hori egotz al daiteke %60an eta, behin betiko erretiratu eta gainerakoa berreskuratzen duenean, berriro ere egotz al daiteke %60an?
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.