Ohiko galderak Identifikazio zenbakia: 900000460
Noiz hartzen da gertaturikotzat erretiro-gertakizuna? Zein da ezar daitekeen arautegia?
Erretiroaren kontingentzia bazkide arruntak Gizarte Segurantzaren Erregimen Orokorrean eta antzekoetan aurreikusitako erretiroa hartzen duen une horretan gauzatuko da, edo eskumena daukan organoak erabakitzen duenean. Ondorio horietarako, aurreratutako erretiroa, malgua, partziala eta Gizarte Segurantzak kasuan kasu aitortzen dituen horien pareko beste formulak, denak ere, erretiroa izango dira.
Ezinezkoa baldin bada aurreko lerrokadan aipatutako erretiro hori lortzea, kontingentzia erakundearen estatutuetan zehaztutako adinean gertatu dela joko da –inoiz ez hirurogei urtetik behera–; betiere, bazkidea jada ez badabil lan-jardueran edo jarduera profesionalean edo horri utzita badago, eta ez baldin bada ari erretiroko kontingentziarako kotizatzen Gizarte Segurantzako inongo erregimenetan.
Halaber, autonomoak edo kooperatiba- eta lan-elkarteetako bazkide langileak edo laneko bazkideak biltzen dituzten enpleguko borondatezko gizarte-aurreikuspeneko erakundeek beren esku dute erretiroko prestazioa eskuratzeko arauak jartzea, hirurogei urtetik aurrera, betiere, langilea lan-jardueran edo jarduera profesionalean ez badabil jada edo horri utzita badago.
5/2012 LEGEA, Borondatezko Gizarte Aurreikuspeneko Erakundeenaren 24.1a) artikulua. (EHAA 2012/03/6) eta 47/2014 Foru Decretua (PFEZaren erreglamendua) 62. artikulua
Loturak
- Zergei Buruzko Informazioa: Kontsultak, idizpideak eta ebazpenak
- Arautegi aplikagarria egun honetatik: 2014/01/01. PFEZaren 13/2013 FAren 18 eta 19. artikuluak.
Informazio gehiago
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.