Ohiko galderak Identifikazio zenbakia: 900000455
Menpekotasun larri edo menpekotasun handiko arriskua estaltzen duten aseguruak. Oinarria murrizteko aukera emateko baldintzak eta mugak.
Baldintzak:
- Estalitako arriskua
Ordaindutako primek menpekotasun larriko edo menpekotasun handiko arriskua bakarrik estali behar dute.
- Nortzuek murriztu ditzakete ekarpenak
- Zergadunak berak.
- Zergadunarekin zuzenean edo zeharka ahaidetasun-harremana —laugarren gradura artekoa (hori barne)— duten pertsonek, edo bere ezkontide edo izatezko bikoteak eta pertsona tutoretza- edo, harrera-araubidean beren kargupean hartuta edo hari dagokionez ordezkaritza-ahalmena duen kuradoretza egiten dutenek ere.
- Muga
Zergadun berberaren alde primak ordaintzen dituzten pertsona guztiek egindako murrizketa guztiak, zergadunak berarenak barne, ezingo dira urtean 5.000 eurotik gorakoak izan. Ondore horietarako, zergadun berberaren alde zenbait prima elkartzen direnean, murriztu egin beharko dira zergadunak berak ordaindutako primak; eta aipaturikoak adierazitako 5.000 euroko mugara iritsiko ez balira bakarrik murriztu ahal izango dira beste pertsona batzuek horien zerga-oinarri orokorrean haren alde ordaindutako primak. Murrizketa hori, dagokionean, proportzionalki egingo da.
Loturak
- Arautegi aplikagarria egun honetara: 2013/12/31. 72.7 artikulua 6/2006 Foru-Araua
- Arautegi aplikagarria egun honetatik: 2014/01/01. PFEZari buruzko 13/2013 FAren 70.7 art.
Informazio gehiago
Lotutako orrialdeak
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.