www.bizkaia.eus/guregida

Ohiko galderak Identifikazio zenbakia: 900000263

Pertsona batzuek Sondikako udalerrian dagoen higiezin bat lortu nahi dute, euren ohiko etxebizitza izateko. Higiezin hori dagoen zonan, agian, hirigintza-prozedura bat hasiko da, eta, horren ondorioz, lortu nahi den etxebizitza hori duen eraikina, beharbada, eraitsi egingo da. Eraispen hori konpentsatzeko, eraikin berri bat emango diete zona horrexetan. Hauxe jakin nahi dute: 1) Higiezin hori eskuratu eta hiru urte igaro baino lehen utzi behar badute (lehen azaldutakogatik), ea etxebizitza horrek ohiko etxebizitza izaera galduko lukeen. 2) Ea lehenengo etxebizitzarako eskaturiko mailegua mantenduz gero ohiko etxebizitza eskuratzearen ziozko kenkaria jasotzen jarraitu ahal izango duten, kontuan hartuta mailegu hori trukaketan lorturiko etxebizitza berria ordaintzeko izango litzatekeela.



Etxebizitza bat ohikotzat jotzeko, bertan gutxienez 3 urtez jarraian bizi behar da. Hala ere, betekizun hori salbuets daiteke, baldin eta bizilekua aldatzera behartzen duen zirkunstantziaren bat sortzen bada, interesdunaren borondatea gorabehera. Eraikinaren nahitaezko eraispenaren kasuan, egoera hori etxebizitzaz aldatzea eskatzen duen arrazoitzat har daiteke, eraispen hori etxebizitza erosteko unean ezagutzen denean izan ezik.

Bigarren galderari erantzunez, jatorrizko etxebizitza eraitsi eta beste bat jasotzen bada, etxebizitza berriagatiko kenkari-oinarria bereizita kalkulatu behar da, eraitsi beharreko etxebizitza erosteari dagokion oinarria alde batera utzita, eta kreditu fiskalaren mugak errespetatuz. Trukea eginez gero, hasierako maileguak etxebizitza berria ere finantzatu ahal izango du, eta mailegu hori amortizatu ahala aplikatuko da kenkaria.

Loturak

Oharra

Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.

Itzuli

 

e-mailez bidali