www.bizkaia.eus/guregida

Ohiko galderak Identifikazio zenbakia: 900000248

Kontsultagileak ohiko etxebizitza izango dena erosi du Castro Urdialesen. Hala eta guztiz ere, oraindik ezin du hura hartu, lana dela-eta Ortuellan bizi behar duelako, Bigarren Hezkuntzako Institutuari atxikiriko etxebizitza batean. Jakin nahi du ea aplika dezakeen ohiko etxebizitzaren inbertsioaren ziozko kenkaria, baita zein den Castro Urdialesko etxebizitzan bizi izaten hasten deneko data ere.



PFEZaren araudiak, oro har, 12 hilabeteko epea ematen du kenkariak aplikatu nahi direneko etxebizitzetan bizi izaten hasteko.

Printzipioz, etxebizitza erosi edo obrak amaitzen diren egunetik aurrera hasten da zenbatzen esandako epe hori. Hala eta guztiz ere, arau orokor horren salbuespen gisa, baldin eta zergadunak ohiko etxebizitza hartzen badu karguagatik edo lanagatik eta erositako etxebizitza ez bada erabiltzen, aurreikusitakoaren arabera, karguari edo lanari uzten zaion egunetik aurrera hasiko da zenbatzen epea, baina arau orokorraren salbuespen hori soilik aplika daiteke ohiko etxebizitza erabiltzea zergadunak betetzen duen karguari edo lanari datxekionean. Hain zuzen ere hala justifikatzen da kasuaren salbuespena.

Hori dela bide, etxebizitza hartzeko 12 hilabeteko epea karguari uzten zaionetik aurrera hasiko da zenbatzen.

Adibidea:

Mungian duela zenbait urtetik destinatutako militarra udalerri horretako kuartelean bizi da. Duela bi urte bere jaioterrian etxebizitza erosi zuen, baina oraindik ez da bertara bizitzera joan. Aplikatu al dezakezu ohiko etxebizitzagatiko kenkaria zure etxebizitza berriagatik? Noiztik aurrera bizi beharko luke modu eraginkor eta iraunkorrean etxebizitza berriak?

Bai, PFEZren araudiak salbuesten baititu karguagatik edo enpleguagatik ohiko etxebizitza duten zergadunak, etxebizitza eskuratu edo eraikitze- edo birgaitze-lanak amaitu eta gehienez ere hamabi hilabeteko epean bertara lekualdatzeko baldintzatik; eta zehaztu du kenkaria baliatzeko beharrezkoa dela familia-unitateaz kanpoko pertsonek etxebizitza ez erabiltzea.

Etxebizitza modu eraginkorrean eta iraunkorrean okupatzeko 12 hilabeteko epea kargua edo enplegua uzten denetik hasiko da zenbatzen.

 

 

Oharrak: 12 hilabeteko epea sei hilabetez luzatuko da, baldin eta epe hori 2020ko martxoaren 16tik 2021eko abenduaren 31ra bitartean amaitzen bada.

Loturak

PFEZko 47/2014 FDren 67.2 eta 3. art.


Oharra

Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.

Itzuli

 

e-mailez bidali