Ohiko galderak Identifikazio zenbakia: 900000039
Nola operatzen dute kuota likidoaren gaineko muga duten kenkarien mugek sozietateen gaineko zergaren aplikazioan?
Aplikazioak kenketa-bloke bakoitzean aplika daitekeen gehieneko kenkaria zein den adierazten du, eta errore bat adierazten du muga horietatik gorako kenkariak aplikatzen saiatuz gero.
Gainera, muga bat dago zerga-oinarriari eta kuota efektiboari dagokienez: gutxieneko tributazioa. Kasu orokorrean, 11/2013 Foru Arauaren 59. artikuluaren arabera, blokeko kenkariak kuota likidoaren % 35eko mugarekin aplikatzeak ezin du ekarri kuota efektiboa zerga-oinarriaren % 15 baino txikiagoa izatea. Beraz, bi mugek batera jarduten dute. Ehuneko desberdinak daude mikroenpresentzat, kooperatibentzat eta tributazio-mota desberdina duten beste erakunde batzuentzat, baita erakundeak enplegu egonkorraren batez bestekoa jaisten duen ala ez kontuan hartuta ere. Ehuneko horiek sozietateen gaineko zergaren Foru Arauaren 59. artikuluan jasota daude. Aplikazioak kontuan hartuko ditu muga horiek, erabiltzaileak pantailetan markatu dituen ezaugarrien arabera.
Erabiltzaileantzako laguntza gisa, muga duten kreditu fiskalak aplikatzeko pantailek autolikidazio horretako kenkarietatik aplika daitezkeen gehieneko zenbatekoak zehazten dituzte.
"Gutxieneko tributazioaren % 59. artikulua aplikatzen da" izeneko partida bat ere badugu, eta aplikazioak automatikoki markatuko du muga hori aplikatzen denean.
Oharra
Galdera/Erantzun honek ez du ondore loteslerik Bizkaiko Foru Ogasunarentzat; informazio hutsa besterik ez da.