Bizkaiko Foru Aldundia - Diputación Foral de Bizkaia

Honako oinarri hauek arautuko dute "Pedro Mª Unanue" Bilbo-Bizkaia XV. Nazioarteko Kantu Lehiaketa, 2014. urteari dagokiona:

1. Lehena:

   "Pedro Mª Unanue" Bilbo-Bizkaia Nazioarteko Kantu Lehiaketa irekita dago honako hauentzat, nazionalitatea edozein delarik ere:

   1. 18 eta 35 urte bitarteko emakumezko kantarientzat, adin horiek 2014an bete badituzte betiere.
   2. 20 eta 35 urte bitarteko gizonezko kantarientzat, adin horiek 2014an bete badituzte betiere.

   Ez da salbuespenik emango adin mugan.

2. (Eskatzaileek maiatzaren 31ko 5/2005 Foru Arauaren 12. artikuluan ezarritakoa bete behar izango dute; foru arau hori 2005/6/16ko 114. zenbakiko BAOn argitaratu zen eta haren bitartez Foru Administrazioak ematen dituen diru-laguntzen araubide juridiko orokorra arautzen da).

3. Bigarrena:

   Ez da eskatzailerik onartuko, baldin eta Bilboko Nazioarteko aurreko Kantu Lehiaketako lehenengo saria eskuratu badu edo "Pedro Mª Unanue" Bilbao-Bizkaia Nazioarteko gaur egungo Kantu Lehiaketako lehenengo saria, 2014. urte honetako deialdiaren aurretiko txapelketetan.

4. Hirugarrena:- Izena emateko kuota

   Izena emateko kuota 60,00€ garbikoa da (hirurogei euro garbi), eta lehiakidearen pentzura izango da bankuko komisioen edo bestelako gastuen zenbatekoa.

1. Hirugarrena.- Izena emateko kuota

   • Banku transferentziaren bidez ordainduko da izena emateko kuota kontu honetan:
     1. Bankua: KUTXABANK
     2. Titularra: Bizkaiko Foru Aldundia. Kultura Foru Saila: Kultura Zabalkundea. Hainbat gastu
     3. Kontu zenbakia: 2095 0611 07 2016029399
     4. IBAN: ES40 2095 0611 07 2016029399
     5. BIC: BASKES2BXXX
   • Ordainketa modura ez dira onartuko ez taloiak ez banku txekeak; halaber, behin izena eman eta inskripzioa onartu eta gero, ez da inskripzio kuotaren zenbatekoa itzuliko.
   • Era berean, ez da partaidetza eskabiderik onartuko, baldin eta eskatzaileak entregatu beharreko inskripzioaren banku agirian agertzen den kuota bat ez badator ezarritako diru kopuruarekin. Hau da, 60,00€ garbi, transferentzi gastuak hortik kanpo egonik.

2. Laugarrena.- Izena ematea

   1.- Oinarri hauen inskripzio atalean agertzen den "Izena emateko buletina" inprentako hizkiekin eta mendebaldeko hizkuntzetako karaktererekin beteta egingo da; gauzak horrela, izena emateko buletina webgune hauetan izango da eskuragarri:

   1. www.bizkaia.eus/concursocantobilbao
   2. www.bizkaia.eus/kulturadirulaguntzak

1. Laugarrena.- Izena ematea

   • Izena emateko buletinarekin batera, ondorengo dokumentazio hau ere erantsi behar izango da:

     1. Lehiakidearen nortasun agiriaren edo pasaportearen kopia edo lehiakidearen adina eta nazionalitatea dakartzan agiri ofiziala.

     2. Lehiakidearen curriculum vitae laburra. Hauexek bilduko ditu: Eginiko musika ikasketak, eta zentroa, irakasleak, lorturiko sariak, lanbide jarduerak eta interesekotzat jotako beste batzuk zehaztuko dira.

     3. Berriki eginiko argazkiak, 3,00 X 12,00 cm-koak (300 pp-ko bereizmena).

     4. Xede horretarako ezarritako foru kontuan izena emateko kuota ordaindu izana egiaztatzen duen agiria (60,00€ gastuak kanpoan).

     5. Abestu beharreko lanen egitaraua; ezin izango da aldatu Lehiaketaren Batzorde Antolatzaileak onartutakoan.

        1. A TALDEA: Oratorio, Kantata, Lied edo kontzertu-abestiari dagozkien sei konposizio (estilo desberdineko lanak nahas daitezke).
        2. B TALDEA: Sei opera, zarzuela edo opereta aria.

     6. Ahots mota zehaztu beharko dute hautagaiek izena emateko buletinean: Sopranoa, mezzo-sopranoa, kontraltoa, kontratenorea, tenorea, baritonoa edo baxua.

     7. Espainiako estatuko hautagaiek Zerga Agentziak eta Gizarte Segurantzak emandako egiaztagiriak aurkeztu behar izango dituzte, eskatzaileak zerga betebeharrak eta Gizarte Segurantzakoak ordaindu dituela ziurtatzeko.

     8. Atzerriko herrialdeetako parte-hartzaileei dagokienez, zinpeko adierazpena aurkeztu behar izango dute eta horretan egiaztatuko dute ez dutela zerga zorrik Zerga Agentziarekin ez eta haien jaioterrian Espainiako Gizarte Segurantzaren baliokidea den organismoen zorrik ere.

1. Laugarrena.- Izena ematea

   • 2.- Inskripzioak modu honetara egin ahal izango dira:

     1. K1 eranskin gisa erantsitako eredu ofizialean aurkeztu behar izango da; harekin batera, eskatutako eta interesdunak izenpetutako dokumentazioa erantsiko da. Hori guztia Bizkaiko Foru Aldundiaren Kultura sailaren Kultura Ekintza Zerbitzuan aurkeztuko da; zerbitzu hori Bilboko Zumarkaleko 30. zenbakiko 2. solairuan dago (astelehenetik ostiralera, 8:30etik 13:30era bitartean); halaber, inskripzioa modu honetara ere aurkeztu ahal izango da: Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30(1992 Legearen 38.4. artikuluak ezarritako moduan, hain zuzen ere.

     2. Aipatutako dokumentazioa epe barruan postaz edo mezulari zerbitzu bitartez aurkeztu gero, honako helbide honetara igorri behar izango da:

        • BIZKAIKO FORU ALDUNDIA

        • KULTURAKO FORU SAILA

        • KULTURA EKINTZAKO ZERBITZUA

        • "PEDRO Mª UNANUE" BILBAO-BIZKAIA NAZIOARTEKO KANTU LEHIAKETA

        • Errekaldeko zumarkalea, 30. zenb., 2. solairua

        • 48009 BILBO (Espainia)

     3. Ezinbesteko kasuetan eskatzaileak izena emateko dokumentazioa on-line igorriko balu "Pedro Mª Unanue" Bilbao-Bizkaia Nazioarteko Kantu Lehiaketaren webgunea erabiliz (www.bizkaia.eus/concursocantobilbao), aipatutako dokumentazio hori formalizatu behar izango da inskripzio buletina "in situ" izenpetuz lehiaketaren antolaketa bulegoetan, betiere Bilbora lehiaketan parte hartzera iristen den egunean.

   • 3.- Gehienez 140 inskripzio izango dira, eta horretarako, zorrozki izango da kontuan izena emateko bidalketari dagokion den data (bai postaz, bai on-line), eta lehiakideak igorritako dokumentazioa sartu deneko erregistro zenbakia esleituko zaie.

   • 4.- Izena emateko epea 2014ko ekainaren 6an amaituko da 14:00etan (GMT ordua: Greenwich).

1. Laugarrena.- Izena ematea

   • 5.- Baldin eta izena ematen bada eta aurkeztu beharreko agiriren bat falta bada (honako oinarri honen 1. puntu horretan aipatuak), hamar egun balioduneko epea emango zaie partaideei, eskatzen zaienaren arabera jardun dezaten. Emandako epea bukatutakoan, ez da kontuan hartuko eskaturiko dokumentazioa ez dakarren inskripziorik; baztertu eta interesatuari jakinaraziko zaio.

   • 6.- Parte hartzeko eskaeren aurkezpen epea amaiturik eta 2014ko ekainaren 20a baino lehenago, Bizkaiko Aldizkari Ofizialean argitara emanez eta "PEDRO Mª UNANUE" BILBAO-BIZKAIA NAZIOARTEKO KANTU LEHIAKETAren www.bizkaia.eus/concursocantobilbao webgunean jakinaraziz, onartutakoen eta baztertutakoen zerrenda argitara emango da, bai eta, halakorik egonez gero, aurkeztutako dokumentazioaren akatsak ere; gauzak horrela, akatsok zuzentzeko hamar (10) egun balioduneko epea emango da eta ohartaraziko da, akatsak zuzendu ezean, parte hartzeko egindako eskabidea ezetsiko dela.

     Aldi berean, piano-jotzailearen izen-abizenak jakinaraziko dira laguntza hori behar duten hautagaiei dagokienez.

     Ezetsitzat hartutako pertsonei behin-behinean adjudikatu ahal izan zaizkien onarpen plazak behin-behinean ere emango zaizkie baztertutakoen lehen postuan agertzen diren pertsonei, betiere aurkeztutako eskabideari sarrera erregistro dataren arabera emandako inskripzio zenbakiarekin bat etorriz.

     Mota honetako kasu bat baino gehiago egonez gero, berdin jokatuko da, harik eta gorago aipatutako 5. ataldean ezarritako inskripzioen gehieneko kopurua osatu arte.

     Horren ondoren, epemuga 2014ko uztailaren 11a izanik eta Bizkaiko Aldizkari Ofizialean argitara emanez eta "PEDRO Mª UNANUE" BILBAO-BIZKAIA NAZIOARTEKO KANTU LEHIAKETAren www.bizkaia.eus/concursocantobilbao webgunean jakinaraziz, onartutako eta baztertutako pertsonen azken zerrenda emango da argitara.

2. Bosgarrena.- Proba hauek izango ditu lehiaketak

   • Kanporaketa-proba

   • Finalaurrekoa

   • Finala

   Bizkaiko Foru Aldundiaren Kulturako Foru Sailean notarioaren aurrean egingo den zozketaren bidez zehaztuko da lehiakideek proba bakoitzean parte hartzeko ordena, eta ezin izango da aldaketarik egin ezarritako ordenan.

1. Ondoren agertuko den moduan egingo dira proba bakoitzeko jarduketak:

   Kanporaketa-proba:

   Lehiakideak epaimahaian aukeratutako 2 (bi) lan abestuko ditu, lehenengoa A taldekoa izango da eta bigarrena B taldekoa.Lehiaketaren antolakuntzak onartutakoak izango dira lan horiek.

   Probaren iraupena 10 minutukoa izango da gehienez, lehiakide bakoitzeko.

   Nazioarteko Kantu Lehiaketako epaimahaiak honako eskubide honi eutsiko dio: interpretatu beharreko lanen interpretazioa kentzeko edo murrizteko eskubideari, baldin eta lanak ezarritako denbora gainditzen duela uste badu.

   Finalaurrekoa:

   Epaimahaiak lehiakidearen egitarautik aukeraturiko bi (2) lan abestu behar izango ditu lehiakideak.Lehiaketaren antolakuntzak onartutakoak izango dira lan horiek.

   Lehenengoa A taldekoa izango da, eta bigarrena B taldekoa. Nazioarteko Kantu Lehiaketako epaimahaiak honako eskubide honi eutsiko dio: interpretatu beharreko lanen interpretazioa kentzeko edo murrizteko eskubideari, baldin eta lanak ezarritako denbora gainditzen duela uste badu.

   Probaren iraupena 20 minutukoa izango da gehienez, lehiakide bakoitzeko.

   Finala:

   Partaideek B taldeko bi aria abestuko dituzte lehiaketaren epaimahaiak onartutako lan egitarautik. Epaimahaiak izendatu beharreko lan horiek ez dira aurreko probetan aukeraturikoak izan behar. Epaimahaiak berekin gordetzen du probarako aukeraturiko egitaraua aldatzea eskatzeko eskubidea, betiere haren errepertorioaren barruan; era berean, eskubide honi ere eutsiko dio: interpretatu beharreko lanen interpretazioa kentzeko edo murrizteko eskubideari, baldin eta lanak ezarritako denbora gainditzen duela uste badu.

   Bilboko Orkestra Sinfonikoaren (BOS) laguntza izango du abestu beharreko laneko arietan, eta lehiaketaren antolakuntzak izendaturiko maisuak zuzenduko du Orkestra.

   Kantu eta piano partiturak edukiko behar dituzte lehiakideek, eurek interpretatzeko obren barruan aurkezturiko eskabidean azaltzen diren eta lehiaketaren epaimahaik onartu dituen lanen egitarauari dagozkionak. Halaber, hala behar den kasuetan, lehiakideak honako baimena izan beharko du: interpretatu nahi dituen obren egile eskubideen jabe diren konposatzaileen, enpresen edo partikularren baimena, hain zuzen ere.

   Lehiaketaren antolakuntzak emango du lehiakideek finalean abestu beharreko opera ariaren orkestrako materiala.

1. Seigarrena:

   Data hauetan egingo dira probak:

   Kanporaketa-proba:

   2014ko azaroaren 22an (larunbata), 23an (igandea), 24an (astelehena) eta 25ean (asteartea), 16:00etatik aurrera, Bilboko Ibarrekolanda Plazako 1. zenbakian dagoen "Juan Crisóstomo de Arriaga" Musikako Kontserbatorio Profesionaleko Auditorioan.

   Finalaurrekoa:

   2014ko azaroaren 26an (asteazkena, 16:00etatik aurrera, Bilboko Ibarrekolanda Plazako 1. zenbakian dagoen "Juan Crisóstomo de Arriaga" Musikako Kontserbatorio Profesionaleko Auditorioan.

   Finala:

   2014ko azaroaren 29an (larunbata), 19:30ean, Bilboko Euskalduna Jauregiko auditorioan.

2. Zazpigarrena:

   Nazioarteko Musika Lehiaketen Munduko Federazioari atxikitako Nazioarteko Kantu Lehiaketaren batean lehen saria lortu duten partaide guztiak zuzenean igaroko dira finalaurrekora, betiere saria lortu izana adierazten badute eta dokumentazioarekin batera hala egiaztatzen badute.

3. Zortzigarrena:

   Data hauetan egingo dira lehiakideek interpretazio probetan parte hartzeko zozketak:

   • 2014ko irailaren 19an, 12:00etan, kanporaketa probako emanaldiak zehazteko.

   • 2014ko azaroaren 26an, 10:00etan, finalerdian parte hartzeko (lehiaketaren finalerdian parte hartzeko aukeratuak izan diren lehiakide guztien asistentzia derrigorrezkoa izango da).

   • 2014ko azaroaren 27an, 10:00etan, finalean parte hartzeko eta piano-jotzaile laguntzailearekin eta Bilbao Orkestra Sinfonikoa zuzenduko duen maisuarekin entseguak egiteko ordena zehazteko (finalera iritsi diren lehiakide guztien asistentzia derrigorrezkoa izango da).

   FINALERDI eta FINALeko probetan parte hartzeari begirako ordena zehazteko zozketetan, bertan izan beharko dute partaide interesatu guztiek.

1. Bederatzigarrena:

   Zozketa bakoitza egin eta berehala, piano-jotzaile ofizial laguntzailea jarriko du lehiaketaren antolakuntzak lehiakide bakoitzaren eskura; proba bakoitza baino lehen entsegua egiteko eskubidea izango dute. Epaimahaiaren aurrean jarduteko ordenaren arabera egingo dute entsegua partaideek.

   Hala ere, lehiakidea bere piano-jotzailearekin etor daiteke probara, hala irizten badio.

   Kanporaketa-proban jarduteko entseguak gehienez 20 minutukoak izango dira.

2. Hamargarrena:

   Jatorrizko hizkuntzan eta buruz abestuko dira lanak, eta ez da onartuko tonalitate transposiziorik. Osorik abestu beharko dira errezitatiboa eta cabaletta dakarten opera ariak. Hala ere, epaimahaiak berekin gordetzen du joaldia mugatu ahal izateko eskubidea.

   Ez da egitarau elebakarrik onartuko. Lehiakide bakoitzak lehiaketan duen bere izen-ematearekin batera nahitaez bidali beharreko egitarauaren barruan bi hizkuntza bizietan abestu beharko du gutxienez.

3. Hamaikagarrena:

   Bilbao-Bizkaia Nazioarteko Kantu Lehiaketaren antolakuntzak lehiakideen jardunak ebaluatzeko eta epaitzeko ardura duen epaimahaia izenduko du, eta lirikaren arloan nazioarteko ospea duten kideek osatuta egongo da; haren erabakiak apelaezinak izango dira.

4. Hamabigarrena:

   Nahitaezkoa izango da saridunek sariak emateko saioetan parte hartzea. Saridunei saria emateko saioan ez agertzeak berekin dakar lehiakideak lortutako sariari uko egitea.

5. Hamahirugarrena:

   Musika Kritikarien Batzordea sortuko da, deitutako Kritikaren Aparteko Sariaren irabazlea izendatzeko.

1. Hamalaugarrena:

   Lehiakideek baimena ematen dute beren abestien soinu edo ikus-entzunezkoen edozein finkapen Bizkaiko Foru Aldundiaren alde; izan ere, Aldundiak, horien ekoizlea izanik, abestiak ustiatzeko nahiz erreproduzitzeko, jende-aurrean erakusteko, banatzeko eta aldatzeko eskubide guztiak izango ditu, modu esklusiboan eta denbora edo lurralde arloko mugarik gabe eta egun dauden eta ezagunak diren baliabide guztiak erabiliz, lehiakide abeslariei egokitu dakizkiekeen eskubide moralei nahiz berdintasunezko ordainketarako eskubide utziezinei kalterik egin barik. Ez da beste ondare edo banaketa konpentsaziorik izango, eta baimena izenpetuta dagoela ulertuko da baimena ematearekin batera.

2. Hamabosgarrena.- Hotelerako laguntzak

   Epaimahaiak ebatziko ditu lehiaketak iraun bitartean gerta litezkeen gorabeherak, epaimahaia eratuta badago, edo osterantzean antolakuntzak, epaimahaia eratu baino lehen gertatzen badira.

3. Hamaseigarrena.- Gorabeherak eta beste batzuk

   Lehiaketaren antolakuntzaren pentzura izango da kanporaketa-proba gainditu eta finalaurrekora igarotzen diren lehiakideen ostatua eta gosaria, kanporaketa-proba gainditu duten partaideen zerrenda jende-aurrean erakusten denetik lehiaketatik kanpora gelditzen diren egunera arte.

   Opera antzerkiko ordezkariak eta lirika munduko eragileak edo pertsonalitateak gonbidatu ahal izango ditu antolakuntzak lehiaketaren finalera, profesional horiek finalistei entzun diezaieten.

4. Hamazazpigarrena:

   Bestalde, lehiakideak "Pedro Mª Unanue" Bilbao-Bizkaia Nazioarteko Lehiaketan izena emateak berekin dakar oinarri hauek onartzea, baita epaimahaiaren erabakiak ere.

5. Hamazortzigarrena:

   "Pedro María Unanue" Bilbo-Bizkaia XV. Nazioarteko Kantu Lehiaketaren oinarri arautzaileak eta deialdia Bizkaiko Foru Aldundiaren 22/2014, 2014ko martxoaren 11koa, Foru Dekretu bidez onartu dira. Edozein zalantza, auzi edo erreklamazio aipatutako Foru Dekretuaren bitartez ebatziko da.