saltatu edukira

Aldundiaren Logoa
 

Hemen zaude:

Ezagutu gaitzazu

Informazioa

Bizkaiko Foru Aldundiak, udaleko suteak itzaltzeko beraien ekipoen hornidurari, Tokiko Araubidearen Legeari jarraiki, eusteko behar diren baliabide ekonomikoak eskuratzeko udalek zuten ezintasuna ikusirik, Bizkaiko Lurraldean suteak itzaltzeko aferan zerbitzu zenbait egitea bere gain hartu zuen. Horrela, 1965. urtetik, Aldundiak suhiltzaile-parke lehenengoak martxan jartzeko giza eta baliabideko azpiegitura eratzea ahalbideratuko zituzten beharrezko azterketei eta izapideei ekin zien. Bost urte beranduago, 1970. urtean, Gernikako, Durangoko eta Trapagako instalazioak martxan jarri ziren, bertan 50 suhiltzaile, bi sarjentu eta zerbitzu buru bat eguneko lan-txanda bitan lanean hasi ziren.

Lau urte beranduago Galdakaoko, Getxoko eta Zallako parkeak martxan jarri ziren, beste berrogeita hamalau suhiltzailerekin eta ezbeharretan laguntza hobeto ematea bermatzen duten baliabide tekniko berriekin.
Zerbitzu honen egituraren bilakaera itxuragarriari jarraiki, Herri Administrazio sailaren menpe, 1985. urtean Markinako Parkean martxan jarri eta urtebete beranduago Mungiako Parkearen ateak ireki ziren.

Suhiltzaile-Parkeen osoko sarea Lekeitioko, Urduñako, Karrantzako eta azkenez, 1993. urtean, Otxandioko Borondatezko Suhiltzaileen Parkeak instalatzean amaitu zen. Suhiltzaile-Parkeen sare honen arrazoi nagusia izan zen, gehienez jota, 20 minutuko epean Bizkaiko edozein udalerritara iristeko ahalmena izatea.

Bizkaia osoan Su Itzaltzeko eta Salbamenduko Foru Zerbitzuaren Lehenengo jartze hori burututa, Aldundiak konpromiso hartu zuen, zegoeneko instalazioak eraikita eta gure lurraldean zerbitzuan dauden komunikazio bide berriei, gehienbat, autobiei egokitzeko eta lekualdatzeko. Horrela, 1992. urtean, Trapagako parke zaharrean Uriosteko instalazio nagusia jarri eta 1997. urtean Getxoko parkea gaur egun dagoen tokira, Artazara (Leioa), aldatu zen.

Bizkaiko Foru Aldundiak gaur egun 398 suhiltzaile eta 70 ibilgailuak ditu eta hiri ataletan banatzen den egitura antolatzaileaz osatuta dago: Sute-Itzaltzea, Prebentzioa eta Tekniko-Administratiboa, Zerbitzu Burutza baten pean.

1994. urtean Komunikazio Zentroa sortu zen eta era horretan Su Itzaltzeko eta Salbamenduko Foru Zerbitzua egin beharreko jarduera guztien argibidea eta koordinazioa zentralizatu zen. Zentro horretatik jarduera bakoitzean erabili beharreko baliabideen proposamena egiten da eta Parkeei ondorengo komunikazioa. Zentrotik ere, baliabide gehiagoz hornitzeko beharra badaezpada dagoen, uneko jarduerak kontrolpean daude eta behin hauek amaituta itxiera aurrera eramateko.

Uriosteko Parkean dago (Urtuella). Txandaka lan egiten duten eta Guardiako Buruaren lana egiten duen Subofizialordearen gainbegiratzea duten hamar operadorez osatuta dago.

Baditu bi lanpostu Parkeek egin beharreko jarduerak kontuan hartzeko. Lanpostu horiek badute:

  • Nexux eta Zutabe aplikazioak dituzten ekipo informatikoak.
  • Komunikazio-Ekipoak (telefonoak, irratiak, faxa).
  • Dei-grabagailua.
  • Hornidura elektrikoa bermatuko duen etengabeko elikadura-sistema (EES).

Lanpostuak diseinatu dira zenbait irizpide ergonomikoei aurre egiteko. Gainera, Komunikazio Zentroak behar diren lanak egiteko argiztapen eta klimatizazio egokia ditu.

 
 

e-mailez bidali