saltatu edukira

Aldundiaren Logoa
 

Hemen zaude:

Errenta-aitorpenak finantza-entitateetan egitea

Informazioa

Uztailaren 1etik irailaren 30era bitartean, zure errenta-aitorpena modu pertsonalizatuan eta doan egin ahal izango duzu, ondoren adierazten diren finantza-entitateen sukurtsaletan.

Gainera, zure aitorpena prestatzearekin batera, aitorpena egiten ari zaren bitartean, Bak gakoa lortzen lagunduko dizute. Bak Bizkaiko Foru Aldundiaren egoitza elektronikoan identifikatzeko aukera ematen duen gako bat da. NAN edo AIZ zenbakia eta pasahitza ditu, doakoa da eta hainbat izapide Internet bidez egiteko aukera ematen du, besteak beste, Ogasunarekin zerikusia duten guztiak.

Finantza-entitateak Aurretiko hitzordua Sucurtsalak
Kutxabank
  • 902 540 505 (euskaraz)
  • 902 540 888 (gaztelaniaz)
  • www.bbk.es
Kutxabank sukurtsalak
Laboral Kutxa 901 101 122 Laboral Kutxa sukurtsalak
BBVA Bere bulegoetan BBVA sukurtsalak
Banco Santander Bere bulegoetan Banco Santande r sukurtsalak
CaixaBank 944 012 280 CaixaBank sukurtsalak
Banco Sabadell 94 401 22 79 Banco Sabadell sukurtsalak

Aurretik ordua eskatu behar da aitorpena finantza-entitateetan egiteko

Finantza-entitateetan, errenta gakoaz gain, NANa edo AIZa eta beharrezko agiri guztiak aurkeztu behar dituzu finantza-entitatean: frogagiri ekonomikoak, identifikazioa, baimena (hirugarren batzuen aitorpenak egitera joanez gero)...

Oro har, jasotako Errenten zenbatekoa edozein dela ere, honelako Errentak soilik jaso dituzten zergadunei baino ez zaie Errenta-aitorpena egingo finantza-entitateetan:

  1. Lan-etekinak.
  2. Kapitalaren etekinak.
  3. Nekazaritza, abeltzaintza eta arrantzako ekonomia-jardueren zein ikastaro eta hitzaldien etekinak (salbu eta jarduerari afektatutako elementuen eskualdaketen ondoriozko ondare-irabaziak edo -galerak badaude), zuzeneko zenbatespenaren modalitate erraztukoak.
  4. Ondare-irabaziak edo -galerak. Hauek izan ezik:
    • Dohainik eskuratutako higiezinen eskualdaketetatik datozenak.
    • Ondare-eskualdaketako 5 eragiketa baino gehiago.

Ez da aitorpenik egingo baldin eta aurreko ekitaldietako konpentsatzeko partidarik badago (salbu eta 2018ko ekitaldiari dagozkionak badira eta datu fiskaletan badaude).

Aitorpena finantza-entitate batean egin ezin baduzu, Ogasun eta Finantza Sailak zure esku jartzen dituen sistemetako edozein erabili ahal izango duzu (Errenta eta Ondarearen laguntza-programarekin egitea).

Gogoratu 94 608 3000 telefono-zenbakiaren bidez argituko dizutela Errenta eta Ondare kanpainari buruzko edozein zalantza.

 
 

e-mailez bidali