Foru Aldundia - Diputación Foral

"Itzultzekoak" (kolore berdea). Berrikusi ondoren, proposamenarekin ados bazaude, ez duzu beste izapiderik egin behar izango proposamen hori 2018ko zure Errenta-aitorpena bihur dadin.

Kasu horretan, maiatzeko lehenengo egunetan sartuko dizute aitorpenaren emaitza, proposamenean adierazitako kontuan.

Daturen bat ezeztatu edo aldatu behar baduzu, apirilaren 24ra arteko epea duzu; horretarako, 94 608 3000 telefono-zenbakira deitu behar duzu, astelehenetik ostiralera, 08:30etik 19:00etara.

94 608 3000 telefono-zenbakira deituz:

• Aldatu ahal izango duzu:
  • Proposamenean ageri den helbideratze-kontua.
  • Zerga-esleipenaren xedea (eliza katolikoari laguntzea, beste helburu batzuk, biak edo bat ere ez).
  • Errenta-aitorpena euskaraz jasotzea.
• Deuseztatu ahal izango duzu proposamena, eta, gero, Ogasun eta Finantza Sailak eskura jartzen dizun beste sistemetakoren bat erabili ahal izango duzu zure Errenta-aitorpena aurkezteko
  • Finantza-entitateetan egitea.
  • Errenta eta Ondarearen laguntza-programarekin egitea.

Egin nahi dituzun aldaketak ez badira goian azaldutakoak:

• Apirilaren 24era arte: Ogasun eta Finantza Sailaren bulegoetatik edozeinetara joan zaitezke. Bilboko instalazioetara joan nahi baduzu, aurretik ordua eskatu behar izango duzu, 94 608 3000 telefono-zenbakiaren bidez edo Zuzenketak atalean.
• Apirilaren 24aren ondoren, jasotako proposamenaren daturen bat aldatu nahi baduzu, Errenta-aitorpenak egiten dituzten finantza-entitateetatik edozeinetara edo Ogasun eta Finantza Sailaren bulegoetatik edozeinetara joan zaitezke, maiatzaren 2tik aurrera.

Errenta-aitorpenak egiten dituzten finantza-entitateetara joanez gero, ekainaren 17ra arte baino ezin izango dira egin aldaketak.

Zuzenketak atalean edo 94 608 3000 zenbakian adieraziko zaizu nola jardun behar duzun.

Kontsultatu ea Errenta-aitorpenaren proposamenik duzun

Gogoratu 94 608 3000 telefono-zenbakiaren bidez argituko dizutela Errenta eta Ondare kanpainari buruzko edozein zalantza.