Datorren martxoaren 21ean, Nagusi Intelligence Center – NIC zentroak Zaintza eta Adimen Lehiakorreko Zerbitzuaren 8. monografikoa aurkeztuko du —2024ko lehenengoa—, izenburu honekin: "Osasun mentala adineko pertsonetan".

Osasuna funtsezkoa da erabateko ongizaterako, eta osasun fisikoa, mentala eta soziala barne hartzen ditu. Ezinbestekoa da adineko pertsonen osasun mentalari heltzea, bereziki, biztanleria geroz eta zaharragoa dela aintzat hartuta. Horrek esan nahi du aurrez aurre dituzten erronkak ulertu behar direla; dementzia, Alzheimerra, antsietatea, depresioa, estresa, adikzioak eta suizidio-arriskua bezalako egoerak.

Monografikoa aurkezteko, Mauricio Bonillaren ikuspegi aditua izango dugu, Osasun Publikoko mediku espezialista eta Saluta startupeko CEO. Osasun mentala ez da bakarrik gaixotasunik eza bezala definitzen, pertsonei beren gaitasunak garatzea, estresari aurre egitea eta komunitatean laguntza ematea ahalbidetzen dien ongizate-egoera ere baita. Hori dela eta, beharrezkoa da berau funtsezko eskubide gisa sustatzea, prebentziorako eta arretarako programetan inbertitzea, eta bizitzako esparru guztietan inguru osasuntsuak sortzea.

Jardunaldiarekin amaitzeko, beti bezala, lan-dinamika bat antolatuko dugu.