Nagusi Intelligence Center (NIC) lankidetzan aritu da London School of Economics (LSE) unibertsitateko Care Policy and Evaluation Centre (CPEC) zentroarekin eta ekitaldi hau antolatu dute bizitza luzerako ekonomiaren eta zainketaren ekonomiaren esparruko profesionalei zuzenduta.

NIC Bizkaiko Foru Aldundia buru duen lankidetza publiko pribaturako espazioa da eta biztanleen zahartzearen erronka garapen ekonomiko eta sozialerako aukera bihurtzeko asmoa du.

Care Policy and Evaluation Centre (CPEC) nazioarteko ikerketa zentro bat da, gehien bat honako esparru hauetan egiten du lan: epe luzerako zainketan, osasun mentalean, desgaitasunean eta osasunarekin lotutako beste gai batzuetan. 2009az geroztik, 130 ikerketa proiektu baino gehiago garatu ditu, guztira 67 milioi libera esterlina izan dira. Era berean, CPEC zentroak oinarrizko politikak eta praktikak garatzen eta ezartzen ditu.

Bizkaitarrak gero eta urte gehiago bizi gara. Erronka demografikoa aintzat hartuta, Bizkaiak bizitza luzerako ekonomiaren aldeko apustua egingo du adinekoen premiei erantzuteko, ekonomia garapena laguntzeko eta bizitza zoriontsua bermatzen duten epe luzerako zainketa eskaintzeko.

Tokiko gobernuek lidergo eginkizun garrantzitsua dute horri dagokionez, eta sektore publikoa eta pribatua, enpresa eremua, profesionalak, mundu akademikoa, boluntariotzaren sektorea eta komunitatea mugiarazi behar dira, bizi luzetasuna mundu osorako oparotasun inklusibo berri baten testuinguru elementu bihurtzeko.

Informazio gehiago

Hizkuntza: Gaztelania eta ingelesa (aldi bereko interpretazio zerbitzuarekin).

Programa

Programara sartzeko esteka.

Ekitaldian izena ematea

Jardunaldian izena emateko, esteka honetan sartu