Bizkaiko Foru Aldundiak bat egiten du Basauriko Udalak deitutako gaitzespen-kontzentrazioarekin. Gainera, herritarrak gonbidatzen ditugu krimen matxista honen aurka agertzera.

Era berean, emakumeen aurkako edozein desberdintasun- eta indarkeria-mota desagerrarazteko apustua berretsi nahi dugu. Matxismoaren gehiegikeriei eremu guztietan aurre egin behar zaie, arlo pribatutik publikoraino, emakumeen bizitza, askatasuna eta duintasuna ezin baitira negoziatu.
Era berean, doluminak ematen dizkiegu eraildako emakumearen senideei, lagunei eta hurbileko pertsonei, biktimei arreta, laguntza eta babesa emateko gure zerbitzu guztiak haien eskura jarriz.

Krimen horren ondoren, 39 emakume erail dituzte Bizkaian 2004. urteaz geroztik, indarkeria matxistaren ondorioz. Indarkeria estrukturala da, eta erakundeek eta gizarte osoak erantzun irmoa eta iraunkorra ematea eskatzen du.