XVI. CNIS 2026 sarietan  Bizkaiko Foru Aldundiak zerga eta administrazio arloan egindako kudeaketa berritzailea aintzatetsi da. Sariak Berrikuntzaren eta Zerbitzu Publikoen Kongresu Nazionalaren esparruan ospatu dira Madrilen. Foru erakundeak Burokraziarik Gabeko Administrazio Publikoaren kategorian jaso du saria, 11 kategoriatan aurkeztutako 226 hautagairen artean.

Epaimahaiak bi proiektuek, Batuzek eta Errenta Bizkaiak, herritarrengan duten benetako eragina, administrazioa sinplifikatzeko egindako ekarpena eta digitalizazioaren, datuen erabilera estrategikoaren eta zerbitzu publikoen hobekuntzaren aldeko apustua nabarmendu ditu. Aintzatespen hau Ogasuneko zuzendari nagusiak, Antonio Pérezek,  jaso du Foru Erakundearen ordezkari gisa.

Batuz  Bizkaian iruzurraren aurkako borroka indartzen duen kontrol fiskaleko sistema integrala da, enpresen eta autonomoen fakturazioa behar bezala erregistratzen dela bermatuz. Sistemak TicketBAI, Eragiketa Ekonomikoen Erregistro Liburua (EEEL) eta zergadunek bidalitako informaziotik abiatuta BEZ edo sozietateen gisako zergetan zirriborroak egitea konbinatzen du.

Errentaren kanpaina Ogasunak egiten duen zirriborro erabat osotua eskaintzeagatik bereizten da. Zirriborro horrek aukera ematen die zergadunei aitorpena modu errazean berrikusteko eta berresteko, automatizazio maila handiarekin eta itzulketa azkarrarekin.

Gainera, Bizkaiko Foru Aldundia finalista izan da, halaber, Datuak eta IA kategorian administrazio publikoarentzat, IA generatiboa erabiltzeagatik, herritarrei hobeto entzuteko.