B Founders Clubaren aurkezpen publikoa eta lehen bilera gaur goizean egin da BAT B Accelerator Towerren. Komunitate berri hau tokiko ekintzailetzaren erreferenteak startupen beste sortzaile batzuekin konektatzeko, ezagutzaren transferentzia sustatzeko eta Bizkaiko berrikuntza-ekosistemaren lehiakortasuna indartzeko sortu da.

Klubaren eta bere jarduera publikoaren hasiera ofiziala markatzen duen ekitaldi honetan Lurraldeko hogeita hamar bat enpresa eta startup finkatuen fundatzailek parte hartu dute. Ekitaldiko burua Ainara Basurko, Bizkaiko Foru Aldundiko Ekonomia Sustatzeko diputatua, izan da eta, era berean,  bertan izan da Kontxi Claver, Bilboko Udaleko Ekonomia Sustatzeko zinegotzia.

"B Founders Club Bizkaian maila gorenean ekin, hazi eta lehiatu daitekeela erakusteko jaio da. Datuek hala erakusten dute: azken hamar urteetan Bizkaian 431 startup sortu ditugu eta horietatik 332k aktibo jarraitzen dute, % 77ko biziraupenarekin; 3.033 enplegu sortu dituzte eta 754 milioi euroko fakturazio metatua izan  dute", adierazi du Basurkok eta, gaineratu duenez, "klub honek, hain zuzen ere, falta zitzaigun pieza osatzen du: erreferenteen komunitate bat, beste ekintzaile batzuk inspiratzeko eta gure lurraldean ekintzailetza aurreratua bultzatzeko euren esperientzia partekatuko dutenak".

B Founders Club zazpi pertsonaz osatutako talde eragile batek bultzatuta sortu da. Talde horretako kideen ibilbide arrakastatsuari esker ekintzailetza bide profesional sendo eta Bizkaian inpaktu handiko gisa ikus daiteke. Kideak hauek dira: Fernando Bacaicoa, Educaedu Taldearen sortzailea; Unai Extremo, Virtualware-ko sortzaile eta CEOa; Eneko Knörr, serieko ekintzailea (Hostalia, Ideateca, Ludei, Stabolut) eta startupetako inbertitzailea; Gurutz Linazasoro, VIVEbiotech-eko sortzaile eta presidente exekutiboa; Ander Michelena, Acurio Ventures-eko bazkide sortzailea eta Ticketbis-eko sortzailea; Oier Urrutia, Lookieroko sortzaile eta CEOa; eta Iratxe Zuluaga, Ariadna Grid eta Merytronic-eko CEOa

B Founders Clubaren egitura

Klubak bi parte-hartze maila ditu etapa desberdinetan dauden ekintzaileen arteko lankidetzarako espazioa sortzeko.  Talde sustatzailea, startupen sortzaileek osatzen dutena, eta founderren taldea, gutxienez 500.000 euroko inbertsio profesionaleko txanda egin duten edo azken hiru urteetan fakturazioan milioi bat euro gainditu duten ekintzaileek osatua.

Klubaren barruan ezagutza transferitzeko lehen ariketa gisa Oier Urrutiak Lookiero-k azken hamar urteetan izan duen bilakaeraren gakoak azaldu dituen hitzaldia eskaini du: moda pertsonalizatuko Europako erreferente gisa sendotzea, hazkundeari lotutako erronkak, finantzaketa-prozesua eta digitalizaziora eta jasangarritasunera bideratutako ikuspegi estrategikoa. Bere istorioaren bidez eredu izatea itxaroten du, berari balio izan zion aukera bera eskainiz: "Nik asko ikasi dut ni egiten ari nintzen bidea egina zuten beste pertsona batzuengandik".

BAT B Accelerator Towerrek bultzatzen duen ekimena

B Founders Club BAT B Accelerator Towerrek, Bizkaia Dorrean kokatuta dagoen Bizkaiko Nazioarteko Ekintzailetza Zentroak,  sustatzen du eta Bizkaiko Foru Aldundiaren eta Bilboko Udalaren laguntza jasotzen du, Eusko Jaurlaritzaren lankidetzarekin. Zuzendariak, Eriz Sainzek, azpimarratu duenez "gure helburu nagusia fundatzaileen arteko harremana sustatzea da, ekintzailetzan ibilbide luzeagoa dutenetatik hazkunde-faseetan daudenetara ezagutzaren transferentzia erraztuz eta bideratuz. Protagonistak ekintzaileak izango diren espazioa sortu nahi dugu, topaketa horiek modu natural eta aberasgarrian gertatzeko pentsatutako ingurunea. Gainera Klubak ekintzailetza bultzatzea ahalbidetuko duten palankak identifikatzeko gune gisa balio behar du, betiere ikuspegi praktikoarekin eta emaitzetara bideratuta".

BATek 214 erakunderekin konektatzen du gaur egun, horietatik 114 startupak dira, eta inkubazio- eta azelerazio-programak, networking-jarduerak, korporazio handiekin irekitako berrikuntza-ekimenak, finantzaketarako sarbidea eta mundu osoan ekintzailetzako 140 hub-tik gorako nazioarteko konexioa eskaintzen ditu.

Bizkaian ekintzailetza aurreratua sustatzeko komunitatea

B Founders Clubaren zazpi sustatzaileek esperientzia handia dute berrikuntzan, enpresa-hazkundean eta enplegu-sorreran, eta funtsezko erreferenteak dira tokiko ekintzailetza-ekosistema aurreratua osatzen dutenentzat.  Kide hauen arrakasta-kasuekin Klubak lankidetza-guneak sortu nahi ditu eta ekosistemarako hazkunde-palankak identifikatu, eragile publiko eta pribatuei proposamenak helarazi eta enpresa-ekimen berriak inspiratu.

B Founders Clubek gaur hasten du Bizkaian ekintzailetza aurreratuaren katalizatzaile bihurtzeko ibilbidea, eta egutegian martxoaren 26rako ezarri du hurrengo hitzordua tokiko sustraitzea, nazioarteko anbizioa eta lurraldearen garapen ekonomikoarekin konprometitutako komunitatea uztartzen dituen ekosistema indartuz.