2025(e)ko urriaren 10(a) 14:15

Alberto Palomerak eta Rober Garayk "Urdaibai Incógnito" aurkezten dute, zonalde honen ikuspegi artistikoa

Euskara, Kultura eta Kirol Saila

Ereño Museoak "Urdaibai Incógnito" aurkeztu du gaur, LePatafisic Cabinet (Alberto Palomera eta Rober Garay) bikote artistikoaren lan berria, Urdaibai ikuspegi sortzaile eta original baten bidez ezagutzera gonbidatzen duena, ordezkari kultural eta instituzionalek eta mundu artistikoko figura nabarmenek lagunduta.

Ereño Museoa1

Alberto Palomerak eta Rober Garayk osatutako LePatafisic Cabinet bikote sortzaileak bere azken argitalpena aurkeztu du gaur Ereño Museoan, "Urdaibai Incógnito": naturagune berezi honi buruzko begirada ezberdin eta sakon artistikoa eskaintzen duen proposamena.
 
Ekitaldian izan dira Leixuri Arrizabalaga Euskara, Kultura eta Kirol Foru Diputatua, Alberto Palomera eta Rober Garay egileak, eskualdeko hainbat alkate eta arte munduko hainbat pertsona ospetsu, tartean Kepa Junkera musikaria. Amiatzerakoan, Danny Merchan musikariaren pieza batekin gozatu zuten bertaratutakoek.
 
Leixuri Arrizabalagak honako hau azpimarratu zuen: " Gure historian oinarritutako paisaia-eraldaketaren adibide bat. Rober Garay eta Alber Palomeraren lan artistiko bikaina, eskualde honi egindako ekarpen guztia biltzen dauena eta Durangoko hurrengo azokan aurtengo barrikuntzetako bat lez aurkeztuko doguna."
 
Sortzaileek azaldu dutenez, liburuak "sormenezko murgiltze bat eskaintzen du irudimenezko mundu liluragarri batean, baina aldi berean erreala, substratuan garatzen dena, zapaltzen dugun ur edo lurraren gainazalaren azpian. Gure geografia modelatu zuten beste garai bateko elementu eta izakiekin elkarrizketa ".
 
Testu-kodex hau osatzen duten piezak ingurunearekin entzuteko eta hitz egiteko jarrera batetik sortzen dira. "Urdaibai Ezezaguna" zeharkatzen duten lanak dira, lurraldearen mapa sentikorra ehunduz eta Urdaibaiko zortzi udalerritan ("LePatafisic Cabinet" ek bere esku-hartze artistikoak garatu dituen udalerrietan) egindako sormen-proiektuak — gauzatuak edo oraindik prozesuan daudenak — bilduz.
 
Lan horiek historiarekin eta lurraldearekin hitz egiten dute, Sintonía Arrecifal arte eta lurralde proiektuaren esparruan. Dagoeneko humanizatuta dauden espazio naturaletako instalazioak dira, elementu grafiko, piktoriko eta eskultorikoak dituztenak, hiru dimentsioko egitura bakarrak eratuz.
 
"Esku-hartze bakoitza antena sortzailea da, paisaia bere geruza fosil, historiko eta emozionaletatik sintonizatzeko modu murgiltzailea", adierazi dute egileek. "Oraindik formarik ez duen baina presentzia duen horrekin ere sintonizatzen du. Prozesu honetan, artea pertzepzio hedaturako bitarteko bihurtzen da, ikusezina dena ikusgarri egiteko tresna, adin guztientzako espazio ireki eta bisitagarriak sortuz ".
 
Bizkaiko Foru Aldundiak argitaratuta, Urdaibai Incógnito izango da aurten erakundeak Durangoko Azokan aurkeztuko duen liburu nobedadeetako bat.
 
Egileak
Alberto Palomera eta Rober Garay sortzaile plastikoak dira, duela hamahiru urte Urdaibaiko natura ezkutua Artearen ikuspegitik interpretatzen hasi zirenean beren sormen ibilbidea batu zutenak. Eszenografia- eta erakusketa-lan batzuen ondoren, 2016an Muga Hirukoitzaren Domo Custodio bat gauzatu zuten Urdaibain, eta horrek Sintonía Arrecifal proiektuaren hasiera ekarri zuen, 'LePatafisic Cabinet' bikote artistiko gisa, Artearen eta Naturaren bidez Urdaibaiko ilunpetan ezkutatutako mundu bat argiztatu baitzuen.
 
Alberto Palomera artearen teorikoa da, artikulugilea, hizlaria, Arte Ederretako irakaslea, margolaria, Marrazketa Teknikoan aditua eta Arte Plastikoetako irakaslea, komisarioa eta pintura erakusketen sortzailea. Ehun baino gehiago egin ditu. Erretaulen, hirugarren eta laugarren dimentsioen eta jatorrizko estetiken zale amorratua, nazioko eta nazioarteko Arte Aldizkari ospetsuekin kolaboratzen du gaur egun.
 
Rober Garay Komikien ilustratzaile eta marrazkilaria, Diagramazio eta Publizitate sailetan hainbat hedabidetan lan egin du, eta berrogei liburu ilustratu eta komiki-album argitaratu ditu hainbat argitaletxerekin. Ingurune naturaletan, LandArt eta instalazioan esku hartzen zuen. Istorioak hizkuntza narratiboen bidez kontatzeko duen grinak (komikia, adibidez) aukera ematen dio benetako agertokietan oinarritutako kontakizun berriak askatzeko.

Argazkiak

Bideoak

itzuli albiste guztietara

Egin zaitez Bizkaia Denontzat newsletter-en harpideduna

Hileroko buletina, Bizkaiko Foru Aldundiaren zerbitzuko albisteekin eta informazio nabarmenarekin.

Egon egunean Bizkaiko berrikuntza eta proiektu guztien inguruan: kultur jarduerak, azpiegitura berriak, laguntzak eta askoz gehiago.

(*) duten esparruak nahitaez bete behar dira

Sartu balio duen e-mail bat, adibidez: adibidea@adibidea.com

Datuak Babesteko Lege ofiziala onartu behar duzu

Harpidetza hau bat dator DBEOarekin, eta datu pertsonalen tratamenduari buruzko informazioa honako hau da:

TRATAMENDUAREN ARDURADUNA ETA KONTAKTUA:

Komunikazio Zuzendaritza Nagusia

Gran Vía, 25 – 48009 Bilbao

TRATAMENDUAREN HELBURUA:

Bizkaitarren Egiten: newsletter.

ESKUBIDEAK EGIKARITZEA:

interesdunak tratamenduaren arduradunaren aurrean erabil ditzake datuetan sartzeko, datuak zuzentzeko, datuen aurka egiteko, datuak ezabatzeko, datuen tratamendua mugatzeko eta banakako erabaki automatizatuak ez hartzeko eskubideak, Aholkularitza Juridikoaren, Informazioaren Segurtasunaren eta Datuen Babesaren Atalari zuzendutako idazki baten bidez. Honako helbide honetan aurkez daiteke:

  • Bizkaiko Foru Aldundiaren egoitza elektronikoa: https://www.ebizkaia.eus.
  • Bizkaiko Foru Aldundi Erregistro Nagusia (Laguntza Erregistro eta Herritarrentzako Arreta Bulegoa: Diputazio kalea 7, 48008 Bilbao).
  • Bizkaiko Foru Aldundiaren Herritarrei Arreta emateko Eskualdeko Bulegoak.
  • Bizkaiko Foru Aldundiaren sailetako erregistro orokorrak.
  • 39/2015 Legean aurreikusitako gainerako tokiak

Datu pertsonalen tratamenduari buruzko informazio zehatza eskura dezakezu hemen

Kargatzen...