Bizkaiko Foru Jauregiak herritarren eta atzerritarren jakin-mina erakartzen jarraitzen du 125. urteurrenaren urte honetan. Aurten jada 4.430 lagunek bisitatu dute eraikina bisita gidatuen bidez, horregatik iaz izandako 7.078 bisiten datua gainditzea aurreikusten da.

Foru Jauregiaren 125. urteurrena ospatzen den urte honetan ohiko dinamikarekin apurtzen ari da, maiatza eta ekaina bitartean 1.666 pertsonak bisitatu zuten eraikina, udaren ondorioz tokiko bisiten kopurua nabarmen jaisten ari den garai batean.

Eraikin enblematiko hau ezagutzera hurbiltzen diren gehienak bizkaitarra dira (%80a), eta batez ere era indibidualean egiten dute bisita; dena dela, nabarmentzekoa da Polonia, Alemania edo Estatu Batuetatik datozen nazioarteko bisitarien hazkundea, mota horretakoak hilean 80 bisitari baino gehiago izaten direlako.

Bisita gidatuen ekimenak hazten jarraitzen du urtez urte: 2022ko 1.712 bisitetatik 2.423ra igaro zen 2023an, eta 2024an 7.078 bisitara iritsi ziren. 2025ean dagoeneko 4.400 bisita baino gehiago izan dira, eta uztailean jende asko biltzea aurreikusi da; izan ere, 547 pertsonak erreserba egin dute historiaz eta ondarez betetako eraikina gertutik ezagutzen jarraitzeko.

Bisitak 2022tik aurrera egiten dira, astelehenetik ostiralera, gehienez 20 laguneko taldeetan eta euskaraz, gaztelaniaz, frantsesez edo ingelesez. Erreserbak doakoak dira eta www.bizkaia.eus webgunean, 94 608 35 37/673 000 238 telefonoetan, whatsapp bidez edo bisitak@bizkaia.eus helbidean egin daitezke.

Bisita hauen xedea Bizkaiko gizarteak eta gure lurraldetik kanpokoek eraikin enblematiko hau ezagutzea da, lurraldearen ondare arkitektoniko eta instituzionalaren ikono gisa betetzen duen eginkizuna indartuz.

Datorren urteari begira, eta ikasleen bisitak indartzeko eta erakargarriago egiteko, foru erakundea material didaktiko espezifikoa lantzen hasi da eskola-taldeentzat eta Kahoot Quiz jolasa prestatu du bigarren hezkuntzako ikasleentzat, eraikinaren historiari buruzko informazioa barneratzen laguntzeko.

125. urteurrena ospatzeko kanpaina

Bisiten gorakada Jauregiaren inaugurazioaren 125. urteurrena ospatzeko kanpainaren hasierarekin batera gertatu da. Kanpainan, besteak beste, Bizkaiko gizarteko hainbat esparrutako pertsona ospetsuekin egindako bideo hunkigarri baten dibulgazioa edo Moyuako metro-geltokiaren dekorazioa sartzen dira.

Laster kanpaina honi Foru Jauregiari buruzko argitalpen berezi bat gehituko zaio, bai eta dibulgaziozko podcasten sorrera ere, eraikinaren historian, balio arkitektonikoan eta Bizkaiko bizitza instituzionalean izan duen eginkizunean sakonduko dutenak. Foru erakundeak 2028ra arte ospatuko dituen beste efemeride batzuen zeharkakoa izan nahi duen ikus-entzunezko produktua.

Era berean, Foru Jauregia Ondarearen Europako Jardunaldiak 2025 ekitaldiaren programazioan sartuko da. Jardunaldi horiek aurten 25. urteurrena betetzen dute eta ondare arkitektonikoari lotuta garatuko dira. Eraikinaren xehetasunak eta historia ezagutzeko aukera berri bat.