Horixe da Errenta 2023 kanpainako zerbitzuen erabiltzaileen iritzia jasotzeko Bizkaiko Foru Aldundiak egin dituen 9.517 inkesten emaitzen ondorio nagusia. Inkesta horietan argi geratu da zergadunak geroz eta pozago daudela PFEZen aitorpena egiten laguntzeko zerbitzuekin.

Izan ere, Foru Ogasunak zabaldutako arreta-zerbitzuaren balorazioa, guztira, 9,03 puntukoa izan da 10etik. Horrek erakusten du bilakaera positiboa izan dela azken kanpainetan, eta, historian lehen aldiz, bikaina izan dela.

Zergadunek jasotako arretari buruzko iritzia emateko erabili duten modua kontuan hartzen bada, telefonoa erabili duten erabiltzaileen batez besteko nota 9,25 izan da, aurrez aurreko arreta jaso duten pertsonena 9,27 eta kanal digitalen bat erabili duten pertsonena 8,51.

Telefono bidezko arreta:  erabiltzaileen % 97 erabat pozik edo pozik daude jasotako arretarekin

2022ko kanpainan lortutako datu bikainak errepikatzen dituen zifra. Erantsitako grafikoan ikus daitekeenez, Foru Ogasunarekin harremanetan jarri ziren pertsonen % 80 erabat pozik geratu ziren, eta % 17, berriz, nahiko pozik. Izan ere, 100 pertsonatik 3 bakarrik geratu ziren zertxobait pozik, gutxi edo batere ez, eta horrek erakusten du telefono bidezko arreta-zerbitzuak bikaintasuna lortu zuela Errenta 2023 kanpainan.

Oro har, inkestari erantzun dioten pertsonek esan dute erraz aurkitu dutela errentaren kanpainako telefono bidezko arretarako zenbakia (% 97). Kasuen % 65etan deiaren helburua errentari buruzko informazioa eskatzea edo galdera bat egitea izan da; gainerako kasuetan (% 35) herritarrek PFEZen aitorpena telefonoz aurkezteko deitu dute. Gainera, 10 kasutik 8tan, kontsulta edo kudeaketa behar bezala konpondu zen dei horretan bertan.

Halaber, nabarmendu behar da inkestatuen % 91 pozik geratu zirela arreta eman zien pertsonak emandako arretarekin eta tratuarekin.

Datu horiek biltzeko, 1.500 elkarrizketa egin dira telefonoz.

Aurrez aurreko arreta:  erabiltzaileen % 98 oso pozik edo  daude jasotako arretarekin

Ondoko taulak erakusten duenez, Bizkaiko Foru Ogasunaren bulegoetara joan diren ia 10 erabiltzailetik 9k esan dute erabat pozik daudela jasotako arretarekin. Beraz, iritzi horretako zergadunen ehunekoa Errenta 22 kanpainakoa baino 11 puntu portzentual handiagoa izan da. Gainera, % 9k esan dute nahiko pozik daudela arretarekin, eta % 2k baino ez dute esan zerbitzuarekin ez daudela batere pozik edo oso pozik. Pozik egon direnak % 98 izan direnez, puntu portzentual bateko gehikuntza egon da Errenta 2022 kanpainarekin alderatuta. Era berean, azpimarratzekoa da Foru Ogasunaren bulegoetara joan ziren pertsonen batez besteko nota 9,3 izan zela, hau da, aurreko kanpainan lortutako kalifikazio handiarekin alderatuta, igoera txiki bat egon da.

Telefonoa izan da hitzordua eskatzeko erabili den baliabide nagusia, batez ere 55 urtetik gorakoen artean. Aldiz, gazteenek internet erabili dute batik bat.  Hitzordua lortzeko zailtasuna dela eta, inkestari erantzun diotenen % 95ek esan dute oso erraza izan dela eskaera egiteko prozedura. Nabarmentzekoa da, halaber, 10 pertsonatik 8k ez zirela inoiz Ogasunarekin harremanetan jarri, edo % 95ek bisita bakar batean konpondu zutela kontsulta edo kudeaketa. Hala ere, 10 aurrez aurreko arretatik ia 8 erabiltzaileek zituzten zalantza fiskalen ondorio izan ziren.

Guztira 2.016 elkarrizketa pertsonal egin dira Bizkaiko Foru Aldundiaren bulegoetan.

Arreta telematikoa:  erabiltzaileen % 83 oso pozik edo pozik daude jasotako arretarekin

Iritzi-tarteko honetako herritarren ehunekoa 4 puntu portzentual igo da Errenta 2022 kanpainaren aldean (% 83). Arreta telematikoarekin erabat pozik dauden herritarren ehunekoa ere nabarmen hobetu da (7 puntu portzentual), % 64 izan baitira. Guztizkoaren % 23 nahiko pozik geratu ziren, eta 100etik 4 bakarrik ez zeuden oso pozik edo batere pozik. Ehuneko hori 2 puntu jaitsi da Errenta 2022 kanpainarekin alderatuta.

Errenta 2023 kanpainan arreta telematikoa jaso dutenen batez besteko nota 8,5 izan da; 2022ko kanpainan 8,2 izan zen.

Mota honetako arreta jaso dutenen kopurua (% 4) murrizten doa horrelako kasuetan normala den mailara iristeko. Elkarrizketatuek planteatzen dituzten hobekuntzen artean, nabarmentzekoa da 100 kasutik 4tan eskatu dela gaiari buruzko informazio gehiago eta hobea (tutorialak, betetzeko azalpenak...). Azkenik, erabiltzaileen % 66 ez dira izan gauza zer hobetu behar litzatekeen esateko. Horrek esan nahi du pozik daudela jasotako arretarekin.

Guztira 6.001 elkarrizketa egin dira online.

Hamar pertsonatik zortzik aurkezpen digitala aukeratu dute

Zergadunek hiru bide izan dituzte aitorpena aurkezteko: aurrez aurrekoa, telefono bidezkoa eta digitala. Azken hori aukeratu dute gehienek: 10 aurkezpenetik 8.  Telefonoz aitorpenen % 15,6 egin dira eta bulegoetan % 6,4 (ia Errenta 2022an baino puntu erdi gehiago).

Ehuneko horiek Errenta 22 kanpainakoak antzekoak dira. Beraz, aitorpen gehiago aurkeztuta ere, hiru kanal aurreko urteko antzeko proportzioetan erabili dira. Argi eta garbi, herritarrek kanal telematikoen alde egin dute, malguagoak izanik kanpaina osoan zehar erabil daitezke eta. Zergadunek aurkeztutako aitorpenei itzuli beharreko emaitza izan duten 52.579 aitorpen gehitzen zaizkie, eta Foru Ogasunak automatikoki izapidetu ditu, zergadunak ezer egin beharrik izan barik.

Errenta 23 kanpainan PFEZen 670.086 aitorpen aurkeztu dira. 503.484 aitorpenetan emaitza zergadunari dirua itzultzea izan da, guztira 557,5 milioi euro. Gainerakoetan (166.602) zergadunak dirua ordaindu behar izan du, guztira 436,9 milioi euro. Kanpainaren amaierako saldoa negatiboa izan da (itzultzeak) Bizkaiko Foru Ogasunarentzat: 120.6 milioi euro.