Berriak

Bizkaiko Foru Aldundiak antolatutako Bizkaiko udalerri eta mankomunitateetako herritarren eta gizartearen parte-hartzeari buruzko II. Topaketa Euskalduna Jauregian egin da. Topaketa honen xedea partaidetzaren arloko esperientziak partekatzea eta Bizkaiko Lurralde Historikoan herritarren parte-hartzea sustatzeko lan-ildo komunak identifikatzea izan da.

Ekitaldiari esker Nafarroako Gobernuaren partaidetza-prozesu integralen kudeaketa-esperientziak ezagutu ahal izan dira, baita Derion eta Mundakan garatu diren tokiko proiektuak ere. Gainera parte hartu duten udalek aukera izan dute partaidetzaren arloko euren proiektu berriak eta arlo horretan dituzten beharrak partekatzeko eta bateratzeko.

Honelako bigarren topaketa da eta joan den ekainean 1.600 pertsona eta gizarte-eragileren proposamenekin onartuta zen 2024-2027 aldirako Herritarren eta Gizartearen Partaidetzarako III. Foru Planaren barruan kokatzen da. Topaketa honetan, Bizkaiko toki-erakundeetan parte-hartzea sustatzeko dirulaguntzen ildoari eusteaz gain partaidetzaren arloan Bizkaiko toki-erakundeen arteko lankidetza eta ikaskuntza partekatua bultzatu nahi duen neurri espezifiko bat  sartu da.

Ekitaldiaren buru Ager Izagirre, Herri Administraziorako eta Erakunde Harremanetarako foru diputatua, izan da eta bere esku-hartzean honako hau nabarmendu du:  parte-hartzea funtsezko tresna da demokrazian errealagoan eta Bizkaiko Foru Aldundia horretarako garatzen ari den elementuetan sakontzeko; elementu horien artean, besteak beste, batez ere udalekiko lankidetzaren bidez garatzen den ume eta nerabeen parte-hartzea sustatzeko ekimen berria dago, eta parte-hartze sakonagoa eta kualifikatuagoa ahalbidetzen duten eztabaida-foroak egitea .

Beste alde batetik, Imanol Landak, Udal Harremanen foru zuzendariak, Aldundiak Bizkaiko udalerrietan Gobernu Irekiaren garapena bultzatzeko duen konpromisoa azpimarratu du.

Hitzordu honetan, halaber, herritarren eta gizartearen parte-hartzea sustatzeko 2025eko deialdiari begira Bizkaiko udalerri eta mankomunitateentzako dirulaguntzei buruz aurreikusitako berrikuntzak azaldu dira.  Bizkaiko Foru Aldundiak guztira 50 prozesu finantzatu ditu aurten Bizkaiko hainbat udalerritan herritarren parte-hartzearen arloan, 300.000 eurotik 400.000 eurora igo den inbertsioarekin.