Seed Capital Bizkaiak 61 eragiketa egin du, guztira, eta horrela itxi du 2023ko ekitaldia, 4,3 milioi eurotik gorako zenbatekoarekin, finantzazio-funts eta -tresna desberdinetatik sustatutako programa eta funts hauen bitartez: I Funtsa, Bi Funtsa, FEIS, BAF, Start Bizkaia Funtsa, Konfekoop Seed Bizkaia, MicroEurope, Seed Capital Bizkaia Mikro eta Crowdfunding Bizkaia. Seed Capital Bizkaia, mota itxiko inbertsioen erakundeak kudeatzeko sozietatea, Bizkaiko Foru Aldundiko Ekonomia Sustatzeko Sailari atxikitako sozietate publikoa da, eta hainbat finantzaketa-tresna administratu eta kudeatzeko erabiltzen da.

I Funtsa hasiera-faseko hazi-funtsa da, eta horren bidez 450.000 euro inbertitu dira, guztira 4 eragiketatan. Zorroaren inbertsio-sektoreak honako hauek dira: energia ( % 20,2), IKTak ( % 18,4), industria ( % 14), metal-mekanika ( % 11,4) eta healthcare ( % 9,5). 2023ko ekitaldian 2 desinbertsio egin dira. Funtsak partaidetzapeko 27 enpresa  ditu gaur egun.

Bi Funtsa garapen-faseko hazi-funtsa da, eta horren bidez 1.040.000 euro inbertitu dira, guztira 4 eragiketatan. Zorroko 16 enpresen ehuneko handiena biltzen duten sektoreak industria-sektorea ( % 62,5) eta biotech sektorea ( % 11,2) dira. 2023ko ekitaldian desinbertsio bat egin da.

2023. urtean, Ekintzailetzaren eta Inpaktu Sozialaren Europako Funtsak -FEIS- 250.000 euroko 2 eragiketa erlatibotan hartu du parte, guztira. Honako GJH hauen alde egiten da gehien bat lagundutako proiektuen bidez: osasuna eta ongizatea, kalitatezko hezkuntza, lan duina hazkunde ekonomikoari lotuta eta ekoizpena kontsumo arduratsuaz batera.

2022. urtean Bizkaiko Foru Aldundiak bultzatutako BAF Funtsen Funtsak  5 eragiketarekin  itxi du guztira 2023ko ekitaldia, eta 1.040.000 euroko zenbatekoa egiten duten inbertsioak burutu ditu. Funts horrek funts espezializatuak erakarri nahi ditu arlo hauetan: zibersegurtasuna, food tech, energia berriztagarriak eta fintech.

Start Bizkaia Funtsa ere 2022an sortu zen Seed Capital Bizkaiaren eskutik, asmo berritzaile argia duten eta hasierako faseetan dauden ekimenak bultzatzeko. 2023ko ekitaldian, 3 eragiketa onartu dira guztira,  280.000 euroko zenbatekoaz. Bultzatutako sektoreak fintech ( % 35,7), industria-sektorea ( % 35,7) eta silver economy ( % 28,6) dira, gehien bat.

Konfekoop-ek eta Seed Capital Bizkaiak bultzatutako finantza-tresna berria, Konfekoop Seed Bizkaia izenekoa, 2023ko ekitaldian lurraldeko kooperatibak finantzatzera bideratu da, partaidetza-maileguen bidez.

2022ko otsailean, Bilbon MicroEurope ekimena sortu zen. Ekimen horrek mikrofinantzen sektoreko Europako hainbat erakunde biltzen ditu, eta ikuspegi sozialaz gain inklusio-bokazio argia du. 2 inbertsio onartu dira.

2023. urtean Seed Capital Bizkaia Mikrok 39 mailegu eman ditu guztira, 828.000 euroko zenbatekoaz, eta enpresa bakoitzeko batez besteko mailegua 21.231 eurokoa izan da. Lagundutako enpresen % 70 45 urtetik gorako pertsonen gidaritzapean daude. Eta % 44 enpresak ez du beste finantzazio-iturririk.

Bestalde, Crowdfunding Bizkaiak ekitaldia 2 finantzaketa-txanda itxirekin amaitu du, plataformaren bidez, eta 145.300 euro mobilizatzea lortu du.