2024(e)ko martxoaren 27(a) 10:00

Bizkaiak 88.000 euro erabiliko ditu lehen sektoreko profesionalen eta enpresen elkarteen jarduna sustatzeko

Ingurune Naturala eta Nekazaritza Sustatzeko Saila

Aldundiak honako gastu hauek finantzatzen lagunduko du: entitate horien jardunaren gastu arruntak eta ordezkaritza-gastuak, jarduera bultzatzeko eta hobetzeko azterlan eta jarduera esperimentalak, eta azpisektoreak sustatzeko gastuak. Dirulaguntzak norgehiagoka-araubidean emango dira, eta entitate bakoitzak gehienez ere 35.000 euro jaso ahal izango ditu.

Bizkaiko Foru Aldundiak onetsi du 88.000 euro ipintzea lehen sektoreko profesionalen eta enpresen elkarteei beren jarduna sustatzen laguntzeko. Laguntzak norgehiagoka-araubidean emango dira, eta entitate bakoitzak gehienez ere 35.000 euro jaso ahal izango ditu.

Diru-kopuru horrekin honako gastu hauek finantzatuko dira:

  • Elkarteen jardun-gastu arruntak eta ordezkaritza-gastuak, beren helburu sozialak behar bezala bete ahal izateko. Dirulaguntzak gastu horien % 80 finantzatu ahal izango du gehienez.
  • Sektoreko profesionalen lana sustatzeko eta beren jarduna eta azpisektoreen inguruabar sozioekonomikoak hobetzeko azterlan eta jarduera esperimentalen gastuak. Dirulaguntzak horrelakoak egiteko aurrekontu osoa (% 100) hartu ahal izango du, baldin eta entitate bakoitzak gehienez jaso dezakeena gainditzen ez bada.
  • Ekoizpen-azpisektoreak sustatzeko gastuak, entitate hauekin lotutako nekazaritzako ustiategietako kideentzako prestakuntza-jardueren gastuak, ezagutza teknikoak eskuratzeko eta gero zabaltzeko egiten diren ostera teknikoen gastua, eta laguntza teknikoak eta zerbitzuek eragiten dituzten gastuak. Gastu horien %80 finantzatu ahal izango da gehienez (prestakuntzako gastuen, bidaien gastuen eta ekitaldietako gastuen % 50); ostera teknikoen gastuak osorik (%100) finantzatu ahal izango dira.

Laguntza hauen helburua da elkarte horietako kideen ordezkaritza, babesa eta interes profesional eta ekonomikoen koordinazioa bultzatzea, eta pertsona horien jarduna garatzeko eta hobetzeko jarduketak abian jartzea. Horren ildotik, ezinbestekoa da elkarte horiek bideak ezartzea atxikita dauden nekazaritzako ustiategietako kideak profesionalizatzeko eta prestatzeko, eta horretarako laguntza teknikoak eduki behar dituzte, zerbitzuak eskaini behar zaizkie, eta laguntza eman behar zaie eraberritzeko eta produktu onak eskuratzeko ingurumena babesten duten teknikez baliatuz.

Egin zaitez Bizkaia Denontzat newsletter-en harpideduna

Hileroko buletina, Bizkaiko Foru Aldundiaren zerbitzuko albisteekin eta informazio nabarmenarekin.

Egon egunean Bizkaiko berrikuntza eta proiektu guztien inguruan: kultur jarduerak, azpiegitura berriak, laguntzak eta askoz gehiago.

(*) duten esparruak nahitaez bete behar dira

Sartu balio duen e-mail bat, adibidez: adibidea@adibidea.com

Datuak Babesteko Lege ofiziala onartu behar duzu

Harpidetza hau bat dator DBEOarekin, eta datu pertsonalen tratamenduari buruzko informazioa honako hau da:

TRATAMENDUAREN ARDURADUNA ETA KONTAKTUA:

Komunikazio Zuzendaritza Nagusia

Gran Vía, 25 – 48009 Bilbao

TRATAMENDUAREN HELBURUA:

Bizkaitarren Egiten: newsletter.

ESKUBIDEAK EGIKARITZEA:

interesdunak tratamenduaren arduradunaren aurrean erabil ditzake datuetan sartzeko, datuak zuzentzeko, datuen aurka egiteko, datuak ezabatzeko, datuen tratamendua mugatzeko eta banakako erabaki automatizatuak ez hartzeko eskubideak, Aholkularitza Juridikoaren, Informazioaren Segurtasunaren eta Datuen Babesaren Atalari zuzendutako idazki baten bidez. Honako helbide honetan aurkez daiteke:

  • Bizkaiko Foru Aldundiaren egoitza elektronikoa: https://www.ebizkaia.eus.
  • Bizkaiko Foru Aldundi Erregistro Nagusia (Laguntza Erregistro eta Herritarrentzako Arreta Bulegoa: Diputazio kalea 7, 48008 Bilbao).
  • Bizkaiko Foru Aldundiaren Herritarrei Arreta emateko Eskualdeko Bulegoak.
  • Bizkaiko Foru Aldundiaren sailetako erregistro orokorrak.
  • 39/2015 Legean aurreikusitako gainerako tokiak

Datu pertsonalen tratamenduari buruzko informazio zehatza eskura dezakezu hemen

Kargatzen...