Bizkaialde Fundazioak urteroko hamaseigarren topaketa egin du, lurraldeko kirol-arloko ordezkari nabarmenak elkartuta. Fundazioaren parte aktibo diren 21 enpresa, 31 klub eta 39 taldeetako ordezkariek hartu zuten parte ekitaldian.

Urteroko hitzordua Bizkaia Frontoian egin da, eta bertan Leixuri Arrizabalaga Fundazioaren Patronatuko presidente eta Euskara, Kultura eta Kiroleko diputatua.izan da buru. Topaketan, presidenteak lurraldeko kirolaren babesarekin konprometitutako erakundeen ahalegina nabarmendu eta eskertu du.

Leixuri Arrizabalagak eskerrak eman dizkie Bizkaialde Fundazioaren proiektua babestu duten enpresei, eta gizarte-erantzukizun korporatiboarekin duten konpromisoa eta eskuzabaltasuna nabarmendu ditu, gizartean aldaketa esanguratsuak bultzatzeko jarraitu beharreko adibide gisa. Era berean, Bizkaialde Fundazioko presidenteak ekitaldian egon diren kirol-erakundeen funtsezko zeregina aitortu du, eta eskerrak eman dizkie beren dedikazio, ahalegin eta talentuagatik, Bizkaiko kirola gorenera eraman baitute. Kirol-garapenarekin eta etorkizun handiko atleten prestakuntzarekin duten konpromisoa aintzatetsi du ere diputatuak.

Arrizabalagak batasun- eta lankidetza-mezu bat helarazi dio Bizkaiko gizarteari, eta nabarmendu du zer garrantzitsua den elkarrekin lan egitea gero eta indibidualistagoa den mundu honetan. Diputatuak azpimarratu du kirolak funtsezko zeregina duela talde-lana eta pertseberantzia bezalako balioak sustatzeko tresna gisa, gure lurraldea, lehiakortasunagatik ez ezik, kirolaren etikan errotutako balioengatik ere aitortzen da. Talde-lana eta pertseberantzia dira, besteak beste, Bizkaialde Fundazioaren nortasunaren bizkarrezurra .

Bizkaia Frontoiak Fundazioa osatzen duten entitate eta enpresen ordezkariak hartu ditu, bai eta Bizkaiko Foru Aldundiak bultzatutako Bizkaialderen ekarpenen onuradun diren kirolari eta kluben ordezkariak ere. Leixuri Arrizabalaga presidenteak eskerrak eman dizkio Bizkaiko kirol-ehunari bere arduragatik eta grinagatik.

Denboraldi honetan (2023-2024), Bizkaialde Fundazioak 1.075.000 euro bideratu ditu 16 modalitatetan eta 20 kirol-diziplina desberdinetan lehiatzen diren 31 klub eta 39 talde babesteko, lurraldean kirola garatzeko eta sustatzeko etengabeko konpromisoa erakutsiz.

Jarraian,2024 denboraldian Bizkaialde Fundazioaren babesa jasoko duten taldeak zehazten dira:

• Alusigma Peñota Dental Triathlon Team
• Athletic Club
• San Ignacio Beisbol kirol-elkartea
• Bermeo Arraun Elkartea
• Durangoko Bidezabal Atletismo Taldea
• B.S.R. Bilbao kirol-kluba
• Sestaoko Xake Taldea
• Askartza Claret kluba (waterpoloa)
• Basauriko Javi Conde atletismo egokituko kluba
• Bilboko Santutxu Atletismo Kluba
• Zuazo Emakumeen Eskubaloi Taldea
• Sakoneta Gimnasia Erritmiko Taldea.
• Leioa Igeri Taldea (waterpoloa)
• Durangoko Masters Kirol Kluba
• Gaztedi Club
• Gernika KESB
• Gernika Rugby Taldea
• Getxo Rugby Taldea
• Isuntza Arraun Elkartea
• Kaiku Arraun Taldea kirol-kluba
• Metropolitano irristaketa-kluba
• Ondarroa Arraun Elkartea
• Raspas Arraun Elkartea
• Real Club Jolaseta
• Zierbena Arraun Elkartea
• Gatikako Iusture Patinaje kluba
• Lemoizko Armintza Pilota Elkartea
• Portugaleteko Klub Nautikoa
• Bilboko Unibertsitateko Errugbia
• Lemoizko Uribealdea errugbi-elkartea
• Real Club Marítimo del Abra - Real Sporting Club

Foru Erakundeak eskertu egiten ditu fundazioa osatzen duten erakunde eta enpresa hauen babesa eta konpromisoa:

• Bizkaiko Foru Aldundia
• Bilboko Athletic Club
• Bilbao Port-Bilboko Portuko Agintaritza
• IMQ Igualatorio Médico Quirúrgico S.A.
• Petronor Petroleos del Norte, S.A.
• IDOM Consulting Enginnering, Architecture SAU
• Aceros Inoxidables Olarra
• Mikeldi  Ikasketa Zentroa
• Viuda de Sainz S.L.
• Ibarrondo garabiak eta Ibarrondo garraioak
• Boslan Ingenieria y Consultoria, S.A.
• Grupo Campezo SA.
• Asua Grupo Inmobiliario S.L.
• Sidenor Aceros Especiales S.L.
• Cycasa Canteras y Construcciones S.A.
• Alaiki S.L.
• SDEC Servicios Especiales de Codificación S.A: Deia.
• Iparraguirre argitaletxea
• El Correo
• Bizkaia Irratia
• Herri Irratia

Bizkaiko Foru Aldundiak berretsi egin du lurraldean kirola garatzeko konpromisoa, eta eskerrak ematen dizkie erakunde eta enpresa guztiei Bizkaian kirola sustatzen egindako lanagatik.