2024(e)ko otsailaren 05(a) 12:00

Basoa Bizi, Balmasedako basoa lehengoratzeko ekimena

Ingurune Naturala eta Nekazaritza Sustatzeko Saila

Enkarterriko udalerri honetako Udalak, Bizkaiko Foru Aldundiak, Bilbao BBK Live jaialdiak eta Basoa Fundazioak sustatutako ‘Basoa Bizi’ proiektuaren helburua da gizartea basoen kontserbazioaren garrantziaz ohartaraztea, baso-suteak prebenitzea eta 2022ko urrian suak kaltetutako eremuan egiten ari diren birpopulatze-lanetan laguntzea Ekimen horren barruan, landaketak eta bestelako jarduerak egingo dira, herritarrak aktiboki parte hartzera animatzeko. Aldi berean, esperientzia horri buruzko dibulgazio-materiala sortuko da ‘Basoa Bizi’ Bilbao Bbk Live jaialdiaren 2023ko edizioan saldutako sarrera bakoitzeko 3 €ko dohaintzarekin finantzatzen da Informazio guztia eta parte hartzeko izen-ematea eskuragarri dago jadanik Balmasedako Udalaren webgunean

Prentsaurrekoaren irudi bat

Balmasedako Udalak, Bizkaiko Foru Aldundiak, Bilbao BBK Livek eta Basoa Fundazioak "Basoa Bizi" ekimena aurkeztu dute gaur. Lankidetza publiko-pribatuko proiektua da, eta erakunde eta entitate horiek 2022ko urrian Enkarterrian izandako suteak kaltetutako lurren zati bat berreskuratzeko lan egingo dute, bertako bizilagunen lankidetza eta inplikazio zuzenarekin.

Horretarako, honako hauek bateratzen dituen ibilbide bat ezarri da: sentsibilizazioa eta prestakuntza, baso-sute hori —azken 30 urteetan Bizkaian izandako larriena— gertatu zen lursailetan hainbat zuhaitz-espezieren aleak landatzea, dibulgazio-materiala sortzea, ekimenaren azterketa akademikoa eta, aldi berean, karbono-aztarna konpentsatzeko proiektu bat, Udalaren eta Bilbao BBK Liveren eskutik.

Tailerrak eta prestakuntza-jardunaldiak

Prestakuntza-saioak jardunaldi desberdinetan egingo dira, eta horietako bakoitza publiko mota bati eskainiko zaio. Lehenengoa otsailaren 22an izango da, Balmasedako bi eskoletan (Zubi Zaharra Eskola eta Mendia HLHI), eta bi ikastetxeetako Lehen Hezkuntzako 5. mailako ikasleei zuzenduta egongo da.  Bigarren prestakuntza-tailerra egun berean egingo da Klaret Antzokian eta herriko biztanle guztiei zuzenduta egongo da. Otsailaren 29an tailer horietako hirugarrena eta azkena antolatuko da Zaharren Etxean eta herriko adinekoentzat.

Bizkaiko Foru Aldundiko aditu talde batek (Last Tour —Bilbao BBK Live jaialdiaren sustatzailea—), Udalak berak eta Basoa Fundazioak lau gairi buruzko informazioa emango dute: 2022ko sutea, basoek eskaintzen dituzten zerbitzu ekosistemikoak, baso-kudeaketa iraunkorra garatzeko beharra eta "Basoa Bizi" ekimena bera.

Bi landaketa eta bisita gidatu bat

Hiru tailer horiek egin ondoren, eta prestakuntzaren osagarri gisa, zuhaitz-espezie desberdinen bi landaketa egingo dira oraindik birpopulatzeko dauden beste hainbeste lursailetan.

Herriko bi eskoletako ikasleak martxoaren 18an joango dira lehenengo lursailera oinez, bertan zuhaitz horien 180 ale landatzeko.

Lehenengo landaketa horren ondoren, martxoaren 23an, landaketa herrikoi bat egingo da. Bertan parte hartzeko, aldez aurretik izena eman beharko da, Balmasedako Udalaren webgunean eskuragarri egongo den formularioaren bidez.

Ekimen hau sustatzen duten erakunde eta entitateek, halaber, bisita gidatua antolatu dute ekainaren 15ean basoberritutako eremura. Bertan, suak hartutako mendian egindako berreskuratze-lanen bilakaera azalduko da.

Basoa Biziren dekalogoa

Hamar gako izango dira kulturaren eta ingurumen-sentsibilizazioaren bidez gizartea eraldatzeko gida eta inspirazio-iturri. Gako horiek markatzen dituzte gaur hasiko den prozesuan jarraitu beharreko urratsak.

Proiektuak herritarren eta beste eragile eraldatzaile batzuen atxikimendua bilatzen du, planetan eta gizartean eragin positiboa izateko.

 

Parte hartu eta irabazi

Basoa Bizi proiektuko jardueraren batean parte hartzen duten pertsona guztiek, ikaskuntzaz eta konexio sozialak sortzeaz gain, prezio bereziak izango dituzte Bilbao BBK Live jaialdiaren aurtengo ediziorako bonuak erosteko.

Era berean, publiko orokorrari irekitako lehiaketa bat antolatuko da, zeinean proiektuaren lau ardatz tematikoei buruzko hamar galdera egingo baitira. Galdera guztiak asmatzen dituztenen artean, eguneko 17 sarrera zozkatuko dira Bilbao BBK Live jaialdirako, Nazio Batuen Garapen Jasangarrirako 17 Helburuei eta 2030 Agendari erreferentzia eginez.

Karbono-aztarnaren konpentsazioa

Jarduera horiekin batera, Last Tourrek —Bilbao BBK Live jaialdiaren sustatzaileak—, Balmasedako Udalak eta Basoa Fundazioak jaialdiaren, Udalaren, Fundazioaren eta proiektu honen exekuzioaren karbono-aztarna kalkulatuko dute. Era berean, lehengoratutako eremuan karbonoaren finkapenak izan duen bilakaera neurtuko da, eta, horren ondoren, toki-erakundeak eta sustatzaileak karbono-kredituak konpentsatzeko akordio bat sinatuko dute, Basoko Sistemaren bidez Euskadin ezarritako merkatuaren bidez.

Ekimenaren azterketa akademikoa eta zabalkundea

Era berean, asmoa da unibertsitate-arloari edo ikerketa zientifikoari lotutako erakunde batek ekimenaren diseinuaren eta egikaritzearen azterketa akademikoa egin dezala.

Ildo beretik, ilustrazio zientifikoko panel mugikorrak diseinatu eta jarriko dira espazio publikoetan jartzeko. Espazio horietan, proiektu honetarako sortutako infografia erabiliz, hitzaldi eta tailerretan jorratutako lau gaien berri emango da. Panel horiek Balmasedan jarriko dira hasieran, baina gero beste leku batzuetara eramango dira, proiektua ezagutzera emateko.

Basoa Bizi proiektuko jardueretan parte hartzeko beharrezkoa izango da aldez aurretik izena ematea Balmasedako Udalaren webgunean dagoen formularioan.

BASOA BIZI: Jarduerak

  • Otsailaren 22a. Lehen Hezkuntzako 5. mailako ikasleei zuzendutako prestakuntza-tailerrak (sarrera mugatua)
  • Otsailaren 22a. Informazio-hitzaldia. Beharrezkoa da aldez aurretik izena ematea
  • Otsailaren 29a. Basoa Bizi tailerra zahar-etxean (sarrera mugatua)
  • Martxoaren 18a. Eskola-landaketa (sarrera mugatua)
  • Martxoaren 23a. Landaketa herrikoia. Beharrezkoa da aldez aurretik izena ematea
  • Ekainaren 15a. Bisita gidatua. Beharrezkoa da aldez aurretik izena ematea

Bideoak


Audioak

Egin zaitez Bizkaia Denontzat newsletter-en harpideduna

Hileroko buletina, Bizkaiko Foru Aldundiaren zerbitzuko albisteekin eta informazio nabarmenarekin.

Egon egunean Bizkaiko berrikuntza eta proiektu guztien inguruan: kultur jarduerak, azpiegitura berriak, laguntzak eta askoz gehiago.

(*) duten esparruak nahitaez bete behar dira

Sartu balio duen e-mail bat, adibidez: adibidea@adibidea.com

Datuak Babesteko Lege ofiziala onartu behar duzu

Harpidetza hau bat dator DBEOarekin, eta datu pertsonalen tratamenduari buruzko informazioa honako hau da:

TRATAMENDUAREN ARDURADUNA ETA KONTAKTUA:

Komunikazio Zuzendaritza Nagusia

Gran Vía, 25 – 48009 Bilbao

TRATAMENDUAREN HELBURUA:

Bizkaitarren Egiten: newsletter.

ESKUBIDEAK EGIKARITZEA:

interesdunak tratamenduaren arduradunaren aurrean erabil ditzake datuetan sartzeko, datuak zuzentzeko, datuen aurka egiteko, datuak ezabatzeko, datuen tratamendua mugatzeko eta banakako erabaki automatizatuak ez hartzeko eskubideak, Aholkularitza Juridikoaren, Informazioaren Segurtasunaren eta Datuen Babesaren Atalari zuzendutako idazki baten bidez. Honako helbide honetan aurkez daiteke:

  • Bizkaiko Foru Aldundiaren egoitza elektronikoa: https://www.ebizkaia.eus.
  • Bizkaiko Foru Aldundi Erregistro Nagusia (Laguntza Erregistro eta Herritarrentzako Arreta Bulegoa: Diputazio kalea 7, 48008 Bilbao).
  • Bizkaiko Foru Aldundiaren Herritarrei Arreta emateko Eskualdeko Bulegoak.
  • Bizkaiko Foru Aldundiaren sailetako erregistro orokorrak.
  • 39/2015 Legean aurreikusitako gainerako tokiak

Datu pertsonalen tratamenduari buruzko informazio zehatza eskura dezakezu hemen

Kargatzen...