2023(e)ko irailaren 22(a) 13:27

Deriok bizikletentzako lehen aparkaleku estali eta segurua jarri du – BiziPark

Garraioak, Mugikortasuna eta Turismoa Sustatzeko Saila

Sonia Perez Garraio, Mugikortasun eta Turismoko foru diputatuak eta Esther Apraiz Derioko alkateak inauguratu dute zerbitzu berria. 24 aparkaleku, barruko argiztapena, segurtasuneko 6 armairu eta udaltzaingoarekin konektatutako bideozaintza-sistema bat ditu. - Aparkalekuak eguneko 24 orduetan funtzionatuko du. Bonuak edo tarifak 4 eurokoak izango dira hilabeteko, 10 eurokoak hiruhileko, 20 eurokoak seihileko eta 40 eurokoak urte osoko. Izena emateko epea zabalik dago jada www.bizipark.derio.eus webgunean, urriaren 15era arte. Zozketa (24 eskaera baino gehiago izanez gero) urriaren 17an egingo da, eta urriaren 19an argitaratuko da plazak baimentzeko zerrenda.

Ezkerretik eskuinera, Esther Apraiz eta Sonia Pérez

Zerbitzua urriaren 20an jarriko da martxan

Derio BiziPark sareko kide da. Derioko Udalak eta Bizkaiko Foru Aldundiak lortutako akordioaren ondorioz, Deriok bizikletentzako aparkaleku seguru berri bat inauguratu du gaur, BiziPark izenekoa, tren geltokiaren eta Bizkaibuseko hainbat geralekuren ondoan. Garraio, Mugikortasun eta Turismoko foru diputatu Sonia Perezek eta Derioko alkate Esther Apraizek inauguratu dute gaur goizean zerbitzu berria.

Aparkalekuak 24 aparkaleku, barruko argiztapen-sistema, suaren aurkako 6 segurtasun-armairu (objektuak segurtasunez uzteko) eta Derioko Udaltzaingoarekin konektatutako kameren bidezko zaintza-sistema ditu. Gainera, aparkaleku honek eguneko 24 orduetan funtzionatuko du. 

Tarifak eta erabilera-baldintzak

Bonuak edo tarifak 4 eurokoak izango dira hilabeteko, 10 eurokoak hiruhileko, 20 eurokoak seihileko eta 40 eurokoak urte osoko. Gutxienez 14 egunean behin erabili behar da, aparkalekua bizikleta-gordeleku bihur ez dadin.

Kudeaketa-aplikazioaren bidez erregistratzen den 16 urteko edo gehiagoko edozein pertsonak erabili ahal izango du zerbitzua. 16 urtetik beherakoek tutorearen bidez erregistratuta egon beharko dute.

Erabilera-baldintzak onartu beharko dituzte, telefono mugikorraren zenbaki bat, helbide elektroniko bat eta bizi diren udalerria eman beharko dituzte. Derion edo udalerritik kanpo bizi daitezke.

BiziPark zerbitzuan sartu ahal izateko, lehenengo eskaera bat egin behar da. Izena emateko epea zabalik dago jada www.bizipark.derio.eus webgunean, urriaren 15era arte. Zozketa (24 eskaera baino gehiago izanez gero) urriaren 17an egingo da eta urriaren 19an baimenen zerrenda argitaratuko da udaletxeko iragarki-taulan. Zozketan baimen hori lortu ez duten pertsonak itxaron-zerrenda batean sartuko dira, zozketa horren ondoriozko hurrenkeran. Zerbitzua urriaren 20an jarriko da martxan. 

Bonu aktibo bat duen eta ordainketak egunean dituen erabiltzaile baimendua BiziParkera sartu ahal izango da, QR kodea edo baimena aktibatzen den unean jasoko den zenbakizko kodea erabilita.

Aparkalekuko sarbidetik eta gune komunetatik ibiltzeko, bizikleta eskuan hartu behar da. Bizikletak giltzarrapoan jarri beharko dira nahitaez.  Informazio gehiago: 944 541 019 / bizipark@derio.eus

Mugikortasun aktiboa eta intermodalitatea

Bizkaiko mugikortasunean bizikletak leku nabarmena izatea nahi dugu, bai bakarrik, bai beste garraiobide publiko batzuekin batera, herritarren ohiko joan-etorrietarako benetako alternatiba izan dadin, bai aisialdirako, bai eguneroko zereginetarako, lanera joateko, ikastera joateko, etab., adierazi du Sonia Pérezek. Horretarako, udalekin lankidetzan, gaur hemen, Derion, inauguratzen duguna bezalako azpiegiturak bultzatzen ari gara, bizikletaren erabilera erraztu eta mugikortasun aktibo eta osasungarria nahiz intermodalitatea sustatzen dutenak. Foru Aldundiko arduradunak nabarmendu du BiziPark - Derio berriaren kokapen estrategikoa, tren geltokiaren eta Bizkaibuseko hainbat lineren ondoan.

Sonia Pérezek azpimarratu duenez, BiziPark sarea forma hartzen hasi da. Ermua eta Derioz gain, datozen hilabeteetan bizikletentzako aparkalekuak egingo dira Portugaleten, Barakaldon, Gueñesen, Abadiñon, Bermeon eta Zallan, Garraio, Mugikortasun eta Turismo Sailaren laguntzarekin. Lehen fase honetan, 490.000 euro bideratu ditugu ekimen horretara, eta aurrerantzean ere zabaltzen eta hedatzen jarraituko du Bizkaiko beste udalerri batzuetara.

Esther Apraiz alkateak azpimarratu duenez, bizikletentzako aparkaleku berri honekin Udalak eta Aldundiak toki seguru, kontrolatu eta zaindua eskaintzen diete herritarrei, bizikleta lasaitasun osoz aparkatuta utz dezaten. BiziPark hau Udalak mugikortasun iraunkorra bultzatzeko eta bizikleta garraiobide osasungarri gisa erabiltzeko duen konpromisoaren adibide da. Zerbitzu honek, herritarren bizi-kalitatea hobetzeaz gain, garraiobideen arteko intermodalitatea sustatu nahi du, ibilgailu pribatuaren kaltetan, Esther Apraiz alkateak adierazi duenez.

Era berean, alkateak gogorarazi du Udalak bizikletaren alde egiten duen apustua gauzatzen ari dela Udalak Derion egiten dituen hainbat ekarpenekin. Horren adibide dira kanpoko aparkalekuak (Udala, Larrabarri baserria, kiroldegia, igerilekuak, Kultur Birika, futbol-zelaia, Uribe parkea eta Eskolaren ondoan eraiki berri den aparkalekua), bidegorri berriak eraikitzea eta daudenak hobetzea, hirigunean ingurune lasaia, BiziPark (barruko aparkalekua) edo BiziPunto (frontoiaren ondoan dagoen bizikleta-garbiketa eta gurpil-puztailea) sortzea.

Egin zaitez Bizkaia Denontzat newsletter-en harpideduna

Hileroko buletina, Bizkaiko Foru Aldundiaren zerbitzuko albisteekin eta informazio nabarmenarekin.

Egon egunean Bizkaiko berrikuntza eta proiektu guztien inguruan: kultur jarduerak, azpiegitura berriak, laguntzak eta askoz gehiago.

(*) duten esparruak nahitaez bete behar dira

Sartu balio duen e-mail bat, adibidez: adibidea@adibidea.com

Datuak Babesteko Lege ofiziala onartu behar duzu

Harpidetza hau bat dator DBEOarekin, eta datu pertsonalen tratamenduari buruzko informazioa honako hau da:

TRATAMENDUAREN ARDURADUNA ETA KONTAKTUA:

Komunikazio Zuzendaritza Nagusia

Gran Vía, 25 – 48009 Bilbao

TRATAMENDUAREN HELBURUA:

Bizkaitarren Egiten: newsletter.

ESKUBIDEAK EGIKARITZEA:

interesdunak tratamenduaren arduradunaren aurrean erabil ditzake datuetan sartzeko, datuak zuzentzeko, datuen aurka egiteko, datuak ezabatzeko, datuen tratamendua mugatzeko eta banakako erabaki automatizatuak ez hartzeko eskubideak, Aholkularitza Juridikoaren, Informazioaren Segurtasunaren eta Datuen Babesaren Atalari zuzendutako idazki baten bidez. Honako helbide honetan aurkez daiteke:

  • Bizkaiko Foru Aldundiaren egoitza elektronikoa: https://www.ebizkaia.eus.
  • Bizkaiko Foru Aldundi Erregistro Nagusia (Laguntza Erregistro eta Herritarrentzako Arreta Bulegoa: Diputazio kalea 7, 48008 Bilbao).
  • Bizkaiko Foru Aldundiaren Herritarrei Arreta emateko Eskualdeko Bulegoak.
  • Bizkaiko Foru Aldundiaren sailetako erregistro orokorrak.
  • 39/2015 Legean aurreikusitako gainerako tokiak

Datu pertsonalen tratamenduari buruzko informazio zehatza eskura dezakezu hemen

Kargatzen...