Berriak

Zerga itunduen bilketa metatua apirilera arte 3.618,7 milioi eurokoa izan da, hau da, % 16,6ko igoera 2022ko apirilean lortu zenarekin alderatuta. Kopuru hori 2023ko ekitaldirako aurrekontuan jasotako zerga sarrera guztien % 38,9 da (9.295,9 milioi euro).

Zuzeneko zergak osoa 1.751,6 milioi eurokoa izan da, hau da, % 23,4ko igoera. Zuzeneko zergaren kontzeptu nagusien artean, igo egin dira PFEZ (% 15,7), Sozietateen gaineko Zerga (% 51,4) eta Ez egoiliarren Errentaren gaineko Zerga (% 226,1).

Puntu honetan kontuan izan behar da Ekonomia Itunaren Arbitraje Batzordeak klase pasiboei buruz emandako ebazpen batetik eta 56,1 milioi euro gehiago bildu dituzten akta bakar batzuetatik eratorritako diru-sarreren eragina.

Zeharkako zerga 1.661,5 milioi eurokoa izan da, hau da, % 2,5 igo da 2022ko apirilaren amaieran lortutakotik abiatuta.  Nabarmentzekoak dira BEZa eta Fabrikazioaren gaineko zerga bereziak, hurrenez hurren, % 7,6 eta % 1,5 igo dira. 2022ko ekitaldiarekin alderatuta, akta bakarrak gauzatzeak zuzeneko zerga baldintzatu du, horren ondorioz, 109,9 milioi euro gehiago bildu baitira.

Apirilean, BEZaren, Berezien eta Gas fluordunen barne doikuntzen lehenengo epea zenbatu da. Bizkaiak beste Foru Ogasunei emandako zenbatekoa 358,5 milioi eurokoa izan da. Banaketa 121,1 milioi eurokoa izan da Arabarentzat eta 237,4 milioi eurokoa Gipuzkoarentzat.

Tasek eta beste diru-sarrera batzuek % 32,2ko igoera izan dute, aurretik aipatutako aktetatik eratorritako zehapen eta berandutze interesengatiko 13,4 milioi euroak barne.

Horren guztiaren ondorioz, Kudeaketa Propioko Zerga Itunduaren Zenbatekoa, guztira, 3.448 milioi euro izan dira, % 16,9ko gorakada.

Kudeaketa propioari Estatuarekiko doikuntzak gehitu behar zaizkio; BEZaren doikuntza (311,8 milioi euro, hortaz, % 8,2 jaitsi da) eta Bizkaiko Zerga Berezien doikuntzan (141,2 milioi euro ordaindu dira, hau da, ordainketak % 23,6 murriztu dira).