OHZ/EJZ ORDAINAGIRIAK

Foru Aldundiak OHZ/EJZ kudeatzen duen udalerrietan zerga ordaintzeko epea irailaren 10etik urriaren 10era, edo atzean datorren lehena epearen azken eguna baliogabea bada.

• Banketxe batean helbideratutako ordainagiriei dagokienez, borondateko aldiaren azken egunean egiten da ordainketaren kargua, hau da, urriaren 10ean edo atzean datorren lehena epearen azken eguna baliogabea bada.
• Helbideratuta ez dauden ordainagiriei dagokienez, berriz, banketxe laguntzaile batera joan behar da, ezarritako epearen barruan, eta ordainketa-gutuna eraman ordaina egiteko.

Zorra ez bada epe horren barruan ordaintzen, ordainarazpen-aldia irekiko da ordaindu gabeko zor hori dela eta: %5eko errekargu exekutiboa eta berandutze-interesak eskatuko dira; gainera, zerga biltzeko premiamendu-prozedura abiaraziko da zordunaren ondarearen aurka.

Dena dela, zergaren ordainketa geroratu egin ahalko da, zergaren araudian ezarritako baldintzetan, baldin eta interesdunak horrela eskatzen badu. Geroratzea eskatzeko eskabidea borondatezko epearen barruan aurkezten bada, eten egingo da ordainarazpen-aldiaren hasiera.

Ordainagiria helbideratuta badaukazu eta kontua aldatu nahi baduzu, edo helbideratuta ez baduzu eta helbideratu nahi baduzu:

• Aurrez aurre, Bilboko Ogasunaren bulegoan, bulego deszentralizatuetan eta kutxa eta bankuetan.
• SEDE Elektronikoaren bidez, izapidean OHZ/EJZ ordainagirien kontsultak eta helbideratzeak. Horretarako, identifikazio elektroniko aitortua izan behar duzu.
• Zerga-eskaera baten bidez, gaitutako erregistroetan aurkeztuta edo telematikoki erregistratuta L 20 ereduaren bidez.
• OHZren kasuan, honako hauek ere helbidera daitezke:
  • Telefonoz: 946 125 500
  • Posta elektronikoz*: seccion.ibi@bizkaia.eus
    *Helbide elektroniko hau helbideratzeei eta kontsulta orokorrei erantzuteko baino ez dago gaituta. Ez da erantzungo bestelako eskaerak.
  • OHZ helbideratzeko, datu hauek eman beharko dira:
    • Etxebizitzaren zenbaki finkoa.
    • Higiezinaren helbidea.
    • Titularra den pertsonaren NANa.
    • Helbideratze-kontuaren zenbakia eta titulartasunaren egiaztagiria (bankuko karatularen fotokopia, banku-ziurtagiria).

Zerbitzu hau salbuetsita dago dagokion Udalak zuzenean kudeatzen dituen ordainagirietarako (udalerri hauek dira: Barakaldo, BASAURI, BILBAO, DURANGO,  MALLABIA, PORTUGALETE, SANTURTZI eta ZIERBENA eta OHZren kasuan, gainera, GETXO eta LEIOA).

Helbideratzeko kontuen aldaketak egiteko epea 2022ko irailaren 22an amaituko da.

• Bizkaiko Lurralde Historikoko Zergei buruzko martxoaren 10eko 2/2005 Foru Araua (805 KB)
• Abenduaren 16ko 9/2005 Foru Araua, Toki Ogasunei buruzkoa (222 KB)
• 215/2005 Foru Dekretua, abenduaren 27koa, Bizkaiko Lurralde Historikoko zerga-bilketari buruzko araudia onetsi duena (303 KB)
• 6/2019 Foru Araua, abenduaren 27koa, Bizkaiko Lurralde Historikoaren 2020. urteko Aurrekontu Orokorrei buruzkoa (909 KB)

Oinarrizko Arautegia

4/2016 FORU ARAUA, maiatzaren 18koa, Ondasun Higiezinen gaineko Zergari Buruzkoa (BAO Maiatzaren 24koa) (67 KB)

Oinarrizko Arautegia

2/1992 FORU DEKRETUA ARAUEMAILEA, martxoaren 17koa, Ekonomi Ihardueren gaineko Zergari buruzko ekainaren 30eko 6/1989 Foru Arauaren Testu Bategina onesten duena (BAO Apirilaren 2koa) (60 KB)

Garapena

• Bizkaiko Foru Aldundiaren 120/2010 FORU DEKRETUA, azaroaren 16koa, zeinaren bidez Ekonomi Jardueren gaineko Zerga kudeatzeko arauak ematen baitira (BAO Azaroaren 24koa) (51 KB)
• 1/1991 FORU DEKRETUA ARAUEMAILEA, apirilaren 30ekoa, Ekonomi Ihardueren gaineko Zergako Tarifak eta Jarraipidea onesten dituena (BAO Maiatzaren 30ekoa) (883 KB)
• 1/1992 FORU DEKRETU ARAUEMAILEA, martxoaren 10ekoa, abeltzantza lokabeari dagozkion tarifa eta jarraipideei buruzkoa (BAO Martxoaren 30ekoa) (34 KB)