Lerratu gehiago erakusteko

Aldi baterako egoitzak

Egoitza batean aldi baterako egon behar izatea arrazoi hauengatik gerta daiteke:

  • Atsedena: zaintzaile nagusiaren atsedenaldia edo oporrak.
  • Beste egoera batzuk: zaintzailearen gaixotasun akutua edo ebakuntza kirurgikoa, heriotza, beste senide batzuk zaintzeko beharra edo ahaidearen heriotza, lekualdaketa edo etxean obra handiak egitea.

  • Gutxieneko iraupena 2 egunekoa da eta gehienekoa.

    • 30 egun natural, urtebetean (29 gau), zaintzaile nagusiaren atsedenaldiaren edo oporren ondorioz.
    • Urtean gehienez 3 hilabetera bitartean, eta salbuespenezko arrazoiengatik beste hilabete batez luza daiteke, honako kasu hauetan:
      • Zaintzailearen herio familia mendekotasuna duen pertsona zaintzeko berrantolatzen den bitartean.
      • Zaintzaileak gaixotasun larriren bat edukitzea edo ebakuntza kirurgikoren bat egin beharra izatea.
      • Zaintzaileak bere senide bat (bigarren gradurainoko odol ahaidetasuna edo ezkon ahaidetasuna duena zaindu behar izatea gaixotasun akutuaren edo istripuaren ondorioz.
      • Zaintzailearen senide bat hiltzea, bigarren mailarainoko odol ahaidetasuna edo ezkon ahaidetasuna duena.
      • Mendekotasuna duen pertsona etxez aldatzea edo bizi den etxean obra garrantzitsuak egitea.
      • Antzeko beste egoera batzuk, zaintzaileari bere lana behar bezala egitea larriki eragozten edo ezinezko bihurtzen diotenak betiere mendekotasuna duen pertsona bere ohiko ingurunera itzuliko dela bermatzen bada.

Nola lortu aldi baterako plaza bat egoitza batean

Mendekotasunaren balorazioa eta ABP edo eskaera

  • Foru egoitza batean plaza bat eskuratzeko, beharrezkoa da mendekotasunaren balorazioa egitea eta II. edo III. mailako aitortza jasotzea.
  • Arreta emateko Banakako Programan (ABP) aldi baterako egonaldiko egoitza zerbitzuan onartuta izatea edo eskaera normalizatua egitea.
Eskaera

Ondare eta ekonomia mailako balorazioa

Bizkaiko Foru Aldundiak:

  • Eskaera egiaztatzen du. Dokumenturen bat falta bada, eskatuko dizugu eta 10 eguneko epea izango duzu dokumentazioa aurkezteko.
  • Zure eta zure bizikidetza-unitatearen egoera ekonomikoa eta ondarezkoa ebaluatzen du prezio publikoa kalkulatzeko (ordaintzea dagokizun zenbatekoa) eta, kasuaren arabera, zure egoera soziofamiliarra eta sanitarioa baloratzen du.

Plaza esleitzeko prozesua

Bizkaiko Foru Aldundia:

  • Egoitzako foru zerbitzuko plazaren onuradun zarela aitortzen du.
  • Plaza esleitzeko prozesura sartzen zaitu.
  • Plaza publikoa premiazko kasuetan soilik esleitzen da.
  • Gainerako kasuetan, beste baldintzak betetzen badituzu eskubidea izango duzu prestazio ekonomiko bat jasotzeko, hots, zerbitzuari lotutako prestazioa aldi baterako egonaldia ordaintzeko baimendutako egoitza pribatu batean.

Sarrera

  • Aldi baterako sar zaitezke baimendutako egoitza pribatu batean eta prestazioa ordaintzeko eskatu.
Egoitzari loturiko prestazioa ordaintzeko eskaera

Ohiko galderak

  • 2025ean, eguneko gehieneko prezio publikoa 99,17 eurokoa izango da irailaren 30era arte, eta 101,69 eurokoa urriaren 1etik aurrera. Hala ere, kalkulatutako diru-sarreren arabera ordaintzen du erabiltzaileak, gaia arautzen duen dekretuan ezarritakoari jarraikiz.

  • Bai. Urte berean ezin dira eskatu aldi baterako egonaldia eta zaintzailearen atseden zerbitzuari lotutako prestazioa, salbu eta zaintzailea ospitaleratu beharra badago edo beste edozein arrazoi larri dela eta senidea zaindu ezin badu.

  • Ez. Aldi baterako egonaldiak ez du inola ere eskubiderik sortuko egoitza zentro batean plaza bat behin betiko eskuratzeko.

  • Ez. Mendekotasun egoeran dagoen pertsonak ezingo du zerbitzu hori eskuratu, baldin eta egoera hauetakoren batean badago:

    • Osasun laguntzarako bitarteko espezializatuak behar baditu edo arreta handia behar badu, hain zuzen ere hizpide ditugun egoitza zerbitzuen ahalbideetatik kanpoko arreta edo laguntza behar badu.
    • Infekzio kutsakorren bat badu; hala ere, kutsaduraren bidea dela eta egoitza zentroan har daitezkeenak horretatik salbu daude.
    • Egoitzako ingurunearen, beste pertsona batzuekiko harremanen edo bestelako inguruabarren eraginez ondore antiterapeutikoak jasan baditzake.
    • Jarrera edo jokabideko nahasdura larriak baditu, eta, horren ondorioz, zentroaren funtzionamenduan edo bertako bizikidetza arruntean kalte larriak sortzeko arriskua badu.

    Egoera horiek egoitzan dagoen bitartean gertatzen badira, zerbitzuan baja emateko eta egoitza zentroa uzteko erabakia hartu ahalko da.

  • Bai. Onuradunei plaza bat esleituko zaie aldi baterako egonaldiko zerbitzuan, honako lehentasun ordena honen arabera:

    • Presakotzat kalifikatutako sarrerak.
    • Ohiko prozeduraren araberako sarrerak, mendekotasun mailaren, gaitasun ekonomikoaren, eta eskariaren sarrera dataren eta zenbakiaren arabera.
Ikusi galdera guztiak

Argibide gehiago

Lotutako gaiak