HERRITARRAK ERAGINKOR KLIMAREN ALDE

NATURAZALE

Naturazale, ingurumen boluntariotza koordinatzeko sarea da, natur ondarea zaindu, lehengoratu eta balioesteko. Sare horren bidez ingurumen boluntariotza dagoen lekuetan hauspotzen da eta, gainera, boluntariotzarik ez dagoenetan hori sustatu eta parte-hartzearen antolaketan laguntzea da helburu.

Boluntariotzaren sustapen horretan, tokiko eremuan sortzen diren ekimenen auto-laguntzea dago, eragile desberdinen arteko aliantzak bilatuz.

Bultzatuko diren ekintzen artean honako hauek daude: birpopulatze jarduketak, espezie exotiko inbaditzaileak kentzea, hezeguneak gaitzea, habi kutxak eta antzekoak jartzea, ingurumen balioa duten espazioak lehengoratzea eta garbitzea, eta abar.

Erantsitako fitxategiak

PDF 2019ko memoria (1.5 MB)

Zero Zabor Uretan

Ekimen honek ikusgai uzten du itsas hondakinen arazoa, eta gonbita luzatzen du prebentzio-aukerak eraiki daitezen. Horretarako, herritarrak nahasi nahi ditu itsas kutsadurarekin lotuta ingurumen-arazo larri bat konpontzeko: plastikoen isuria.

Zero Zabor Uretan kanpainak MATER itsasontzi ekoaktiboan itsas bisita eta ibilbidea egin nahi du, kostaldeko udako jaiekin bat etorriz, besteak beste, Bermeo, Bilbo, Ondarroa, Portugalete, Santurtzi... Modu horretan, tokian zabor asko sortzen den ekitaldian jarduten da, azkenean itsasoan hondakin izan baitaitezke, eta ondore negatiboak baititu, bai giza osasunerako, bai biodibertsitaterako.

Informazio gehiago Zero Zabor Uretan ekimenari buruz

SARE BERDEAK

Sare Berdeak iraunkortasunera bidean egin beharreko aldaketetan parte hartu nahi duten pertsonak ahalduntzeko mekanismoa da.

Sare Berdeak ingurumena hobetzeko borondatea duten erakunde, enpresa eta pertsonen arteko aliantzak sortzeko proiektua da. Bizkaiko Lurralde Historikoan burutzen diren ekintza eta ekimen eraldatzaile guztiak bideratu nahi ditu. Interes komunak dituzten pertsonen artean sareak ehuntzen lagundu nahi du.

Batu ditzagun indarrak eta egin dezagun bidea komunitate mailan aldaketak lortzeko.

Bizkaiko Foru Aldundiak gizarte-tresna berritzaile hau babestu du, GAP Global Action Plan gobernuz kanpoko erakundearekin lankidetzan.

Lotutako estekak

Erantsitako fitxategiak

PDF Aktibatu zure sare berdea (3.9 MB)