Bizkaiko Foru Aldundiko Kirol Zerbitzutik atsegin handiz gonbidatzen zaitugu Kalistenia-ikastaroan parte hartzera. Ikastaro hori kiroleko eta jarduera fisikoko profesionalentzat bereziki diseinatuta dago.

Bi eguneko ikastaro trinko batean, aukera izango duzu kalisteniaren mundu liluragarrian murgiltzeko eta mugimenduaren bidez pertsonen osasuna hobetzeko tresna ahaltsu hau nola erabili ikasteko.

Ikastaro honetan, kalisteniaren oinarriak aztertuko dira, eta pertsonak beren gorputzaren pisua erabiliz nola entrenatu ikasiko dugu, indarra, malgutasuna eta gorputzaren kontrol integrala garatzeko.

Kalistenian adituak diren entrenatzaileen gidaritzapean, ezagutza praktikoak eta trebetasunak eskuratuko dituzu, eta, gero, zeure praktika profesionalean aplikatu ahal izango dituzu.

Albiste honetan, kartela eta ikastaroari buruzko informazio zehatza (datak, ordutegiak, kokalekua eta programaren edukia) biltzen duen dokumentu bat aurkituko dituzu.

Gonbidapen hau lankideekin eta parte hartzeko interesa izan dezaketen pertsonekin partekatzera animatzen zaitugu.

Ez galdu kirol-diziplina honi buruz ikasteko eta zure entrenamendu-praktika hurrengo mailara eramateko aukera.

Eman izena orain HEMEN eta ziurtatu plaza izango duzula!

NORENTZAT:

1. Bizkaiko udalerrietan kirol-zerbitzuak ematen dituzten teknikariak.
2. Bizkaian erroldatuta dauden JFKZ-ko graduatuak.
3. Kirol-jarduera fisikoen animazioko teknikariak, Bizkaian erroldatuak.

Helburuak:

1. Entrenatzaileak trebatzea kalistenia beste pertsona batzuen entrenamenduan erabil dezaten.
2. Teknikak ikastea eta, batez ere, horiek irakasteko eta bezeroekin edo ikasleekin partekatzeko aukera emango dizuten segurtasun-printzipioak ezagutzea.
3. Espezialitate horri buruzko baliabide mota guztiak lortzea eta zure esparrurako baliabide propio bat sortzea.

Datak:

1. Larunbata, maiatzak 18: Santurtziko kiroldegia
2. Larunbata, maiatzak 18: Santurtziko kiroldegia

Espero dugu ikaskuntza-esperientzia zirraragarri honetan zurekin egotea!