2023ko Irailaren 30a -2023ko Irailaren 30a

KALISTENIA

Emakumeei zuzendutako Kalisteniako masterclass saioak Leioan

Irailaren 30ean, Bizkaiko Foru Aldundiaren Kirol Zerbitzuaren Udal Kirola eta Kirol Azpiegiturak atalak emakumeei zuzendutako kalisteniako masterclass saio bat antolatuko du Leioan. Genero-ikuspegia zeharkako funtsezko elementutzat hartuta, ekimen honen helburua emakumeen artean kirola sustatzea da, eta, bide batez, diziplina horri eta beste batzuei lotutako genero-estereotipoak eta -rolak eraisten laguntzea. Beraz, masterclass hau kalistenia praktikatu nahi duten edo praktikatzen duten eta trebetasun jakin batzuk hobetu nahi dituzten emakume guztiei zuzenduta dago. 

Dinamizazio honek bi fase ditu: hainbat bideo-tutorialak, ariketa mota horiei buruzko azalpenekin, eta kalisteniako masterclass saioak, Bizkaiko gazteen eta gazte helduen artean ariketa mota horiek sustatzea helburu dutenak.

Masterclass saioan bi txanda egongo dira. Bat, eskarmenturik ez duten emakumeentzat edo hasiberrientzat; bestea, honelako ariketetan jadanik aritzen direnentzat:

  • Oinarrizko egokitzapen fisikoa (10:30 -12:30): Oraindik Kalistenia praktikatzen ez baduzu, noizean behin praktikatzen baduzu edo duela gutxi hasi bazara hau izango da zure aukera (oinarrizko mugimendu-ereduak, indar-mailaren testa, ariketaren progresio-mailak, mailaren arabera eta oinarrizko entrenamendu-sistema, hasitakoentzat).
  • Hobekuntza kalistenian (12:30 - 14:00): Kalistenian denbora badaramazu eta trikimailu aurreratuak hobetu edo lortu nahi badituzu, hori izango da zure aukera (Bizkaiko erreferenteen erakustaldia, kalistenia-trikimailuak hobetzeko aholkua, puntu ahulen entrenamendua eta lesioen prebentzioa).

Itzuli

Ez ezazu albisterik galdu

Izan ezazu kirol munduarekin lotutako albiste eta proiektu guztien berri. Zure beharretara egokitzeko zure lehentasunak aukeratu ahal izango dituzu.

HARPIDETU ZAITEZ NEWSLETTERRERA