Europako kluben kirol ekitaldi handienetako bat San Mamesen izango da maiatzaren 21ean. Eta 398 boluntario behar dira rol desberdinetarako.

Lehenengo urratsa esteka honetan izena ematea da, eta Bilbon erregistratzea, hiri horrek hartuko baitu finala. Ondoren, hautaketa-prozesu bat irekiko da, aurrez aurreko edo telefono bidezko elkarrizketen bidez, langileak ondo aukeratzeko eta profil mota bakoitzerako rol egokia esleitzeko. 

Izena emateko baldintzak:

1. Maiatzaren 1a baino lehen adin nagusikoa izatea.
2. Prestakuntzetara joatea.
3. Ezarritako txandetara aurkeztea.
4. Partida egunean parte hartzeko gutxieneko prestasuna izatea.

Bete beharreko lanpostuak honako arlo hauetan izango dira: accreditation, access management, anti-doping, ceremonies, event logistics, event transport, football operations, guest management and protocol, hospitality production, ICT, Live Events, media operations and services, Mobility, sponsorship operations, sustainability, ticketing, tv operations, venue logistics eta volunteer management.

Boluntariotzako kide izateak, gainera, abantaila paregabeak ditu, hala nola opariak, final handirako UEFAko arropa esklusiboa, boluntarioen festarako gonbidapena eta data hurbildu ahala argituko diren sorpresa gehiago.

Ekitaldi honi buruzko berririk galdu nahi ez baduzu, HARPIDETU GURE NEWSLETTERRERA!