Osasun mentala funtsezko osagaia da Hiri Aktiboaren irizpideetan eta jarduera fisikoa eta kirola sustatzeko estrategietan, eta horrek nabarmen aberasten du politika horien irismena. Hori etapa guztietan islatzen da, sortu eta gauzatzen direnetik ebaluatzen diren arte. Horri heltzeko aukerak ikusi ditugu jardueretan, ekipamenduen eta espazioen diseinuan, baita hiriko kirol-sistemako eragileen arteko lankidetzetan eta gobernantzan ere. Ziur gaude bide horrek esploratzen eta garatzen jarraitzea merezi duela.