KIROL EKITALDIAK ETA LEHIAKETAK ALBISTEAK ETA PRENTSAURREKOAK

EUSKAL PILOTA

Hogeita lau pilotarik jokatuko dute Urdulizen ekainaren 1ean hasiko den XI. Bizkaia Torneoa

Bizkaia Torneoaren hamaikagarren edizioan pilotari hauek hartuko dute parte: Artola, Laso, Urrutikoetxea, Altuna III, Elordi, P.Etxeberria, Agirre, Jaka, Peña II, Bakaikoa, Senar, Zubizarreta III, Elezkano II, Ezkurdia, Zabala, Egiguren V, Exposito, Salaberria, Imaz, Mariezkurrena II, Albisu, Rezusta, Zabaleta y Martija. Txapelketa sei taldez osatutako kanporaketa sistema baten bidez jokatuko da Bizkaiko bost frontoitan, eta hiru modalitatetan jokatuko da: binaka, buruz buru eta lau t erdian. Finala Bizkaia Frontoian izango da abuztuaren 20an.

Leixuri Arrizabalaga, Euskara eta Kultura diputatua, Aspe eta Baiko Pilota enpresetako ordezkariekin batera, Bizkaia Torneoaren hamaikagarren edizioaren aurkezpenean izan da gaur goizean. Ekitaldian lehiaketaren xehetasunak azaldu dituzte eta bertan izan dira, halaber, txapelketa honetan parte hartuko duten pilotarietako batzuk.

Leixuri Arrizabalagak azpimarratu duenez, Bizkaian pilota ez da soilik kirol bat, gure historian errotutako tradizio bat da, denboran zehar transmititu den praktika bat. Herri gisa dugun nortasunaren funtsezko zati bat da, eta erakunde gisa dugun erantzukizuna da tradizio hori loratzen eta gure kulturaren parte izaten jarraituko dugula ziurtatzea.

XI. Bizkaia Torneoa ekainaren 1ean hasiko da Urdulizen. Torneo hau taldeka jokatzen den bakarra da; talde horiek Bizkaiko beste hainbeste mendiren izenak hartzen dituzte lehiatzeko: Oiz, Anboto, Kolitza, Ganekogorta, Sollube eta Gorbeia. Gainera hiru espezialitatetan jokatzen den lehiaketa bakarra da: banakakoa, binakakoa eta lau t 'erdikoa.

Txapelketa Bizkaiko lau udalerritan jokatuko da: Urdulizen, Zeanurin, Mallabian eta Bilbon. Kanporaketak ekainaren 14, 15 eta 16an jokatuko dira eta finala abuztuaren 20an jokatuko da, Bizkaia Frontoian.

Urdulizko pilotalekuak hartuko du lehen jardunaldia ekainaren 1ean. Bigarren jardunaldia ekainaren 14an jokatuko da Zeanurin. Club Deportivo Bilbaoko frontoian izango da hirugarren jardunaldia, ekainaren 15ean eta kainaren 16an laugarren jardunaldia ospatuko da Mallabian.

Torneoan pilotari hauek hartuko parte: Artola, Laso, Urrutikoetxea, Altuna III, Elordi, P.Etxeberria, Agirre, Jaka, Peña II, Bakaikoa, Senar, Zubizarreta III, Elezkano II, Ezkurdia, Zabala, Egiguren V, Exposito, Salaberria, Imaz, Mariezkurrena II, Albisu, Rezusta, Zabaleta y Martija.

Bizkaia Torneoan 24 pilotarik hartuko dute parte. Binakako modalitatean 12 pilotarik jokatuko dute; lau t 'erdikoa 6 pilotarik osatuko dute eta beste 6 banaka arituko dira.

Parte hartzen duten taldeak

Multzoen osaketa zozketa bidez egin da eta taldeen kapitainak honako hauek dira: Artola, Laso, Urrutikoetxea, Altuna III, Elordi, Peio Etxeberria.

Hauek dira taldeak:

  1. Ganekogorta: Artola eta Imaz binaka, Agirre lau t 'erdian eta Senar banakako modalitatean.
  2. Oiz: Altuna eta Rezusta binaka, Ezkurdia lau t 'erdian eta Egiguren V.a banakako modalitatean.
  3. Gorbeia: Elordi eta Zabaleta bikoteka, Elezkano II .a lau t 'erdian eta Salaberria banakako modalitatean.
  4. Sollube: Laso eta Mariezkurrena II bikoteka, Peña II lau t 'erdian eta Bakaikoa banakako modalitatean.
  5. Anboto: P. Etxeberria eta Martija bikoteka, Zabala lau t 'erdian eta Exposito banakako modalitatean.
  6. Kolitza: Urrutikoetxea eta Albisu binaka, Jaka lau t 'erdian eta Zubizarreta III .a banakako modalitatean.

Lehiaketa-sistema

XI. Bizkaia Torneoa final-laurdenetako, finalerdietako eta finaleko kanporaketa sistemaren arabera jokatuko da. Kanporaketa bakoitzean gutxienez bi garaipen lortu dituen taldea sailkatuko da. Partidak 22 tantora jokatuko dira bikoteen kasuan, eta 18 tantora banakako kanporaketetan.

Azkenik finalerdietako talde garaileek finala Bizkaia Frontoian jokatuko dute, abuztuaren 20an.

Sarrerak erostea

Lehiaketaren fase desberdinetarako sarrerak www.entradasfronton.com webgunean eta kasuan kasuko frontoietako leihatiletan jarriko dira salgai.

Informazio gehiago nahi izanez gero Bizkaia Frontoiaren webgunea kontsulta daiteke (www.bizkaiafrontoia.eus), baita www.aspepelota.eus eta www.baikopilota.eus webguneak ere.

Argazkiai eta albiste osoa www.bizkaia.eus

Bilaketaren emaitzetara itzultzea

Ez ezazu albisterik galdu

Izan ezazu kirol munduarekin lotutako albiste eta proiektu guztien berri. Zure beharretara egokitzeko zure lehentasunak aukeratu ahal izango dituzu.

HARPIDETU ZAITEZ NEWSLETTERRERA