«Bizkaia Kirolak Sariak 2025» emateko deialdiaren helburua da Bizkaiko pertsona fisiko eta juridikoek kirolaren arloan egin duten lana publikoki aitortzea da.

Sariak ohorezkoak izango dira; hau da, ez dute inolako ekarpen ekonomikorik izango. Haien bidez, egindako lana publikoki aitortzen da; horretarako egingo den ekitaldian ikurra emango zaie sarituei.

2025eko edizioan, honako «Bizkaia Kirola Sariak» emango dira:

Kirol-merezimendua aitortzeko sariak

1. Izar Gaztea Saria: 2009. urtea baino lehen jaio, Bizkaiko klub baten bitartez eta aurreko kategorietan, absolutuaren azpitik, lehiatzen diren kirolari federatuentzat.
2. Argizagi Saria: maila absolutuan Bizkaiko klub baten bitartez lehiatzen diren kirolari federatuentzat.
3. Iparrizar Saria: maila absolutuaren ondorengo kategorietan Bizkaiko klub baten bitartez lehiatzen diren kirolari federatuentzat.
4. Ostadarra Saria: Bizkaiko Lurraldeko Kirol Federazioetan izena emanda dauden eta lehiaketa federatuetan parte hartzen duten klubetako taldeei zuzenduta dago.

Sari horietan 2023/2024 edo 2024 denboraldian lortutako emaitzak baloratuko dira.

Kirol-ibilbidea aitortzeko sariak

1. Leialtasun Saria: Bizkaiko kirol-erakundeetan zuzendaritza-postuak dituzten edo betetzen aritu diren bizkaitarrei zuzendua.
2. Zuzentasun Saria: Bizkaiko arbitro eta epaileei zuzendua, lizentzia Bizkaiko Federazio baten bidez izapidetua dutenak.
3. Lidergotasun Saria: Bizkaiko entrenatzaileei zuzendua, lizentzia Bizkaiko federazio baten bidez izapidetua dutenak.
4. Kidetasun Saria: Bizkaiko kirol arloan diharduten Bizkaiko kirol erakundeei zuzendua.

Ikuskarritasun Saria

2024an Bizkaian egindako kirol-ekitaldi bat aintzatestera bideratua, lurraldeko kirol-sisteman duen inpaktuagatik, antolaketa-maila handiari esker.

Eskabideak Bizkaiko Foru Aldundiaren egoitza elektronikoan egongo dira eskuragarri, bertan bete eta izapidetzeko.

2025eko Bizkaia Kirolak Sarietarako hautagaitzak aurkezteko epea otsailaren 14ra arte egongo da zabalik.

2024an kirol arloan egindako lana jendaurrean aintzatesten duten Bizkaia Kirolak 2025 Sariak martxoaren 24an banatuko dira Bizkaia Frontoian egingo den ekitaldian.