Bizkaiko Foru Aldundiko Kirol Zuzendaritza Nagusiak Bizkaiko Udal Kiroleko Arduradunen II. Topaketa egingo du 2026ko urtarrilaren 27an, 9:00etatik 14:00etara, Deustuko Unibertsitatean (Bilbo).

Topaketa hau Bizkaia 2026ko Kirolaren Europako Eskualdea dela aitortzean kokatzen da. Testuinguru horrek udal-kirolak ongizaterako, inklusiorako, berdintasunerako eta gizarte-iraunkortasunerako funtsezko tresna gisa duen garrantzia indartzen du.

Jardunaldiaren helburu nagusiak Bizkaiko udal kiroleko arduradunekin topaketa bat izatea, KIROLUR proiektua aurkeztea eta lurraldeko udal kirolaren orainari eta etorkizunari buruz elkarrekin hitz egitea dira.

Programak erakundeen esku-hartzeak, talde-lanerako espazioak eta topaketa informaleko uneak uztartuko ditu, esperientziak partekatzera, proposamenak sortzera eta udalerrien arteko lankidetza-sareak indartzera bideratuta.

Kirolbide PRO gunetik udal kirolaz arduratzen diren pertsona guztiak animatzen ditugu topaketa honetan aktiboki parte hartzera, udal kirol sistema sendoago, konektatuago eta egungo erronkekin lerrokatuago baten aldeko ezagutza, esperientzia eta konpromisoa batzeko aukera gisa pentsatua.

Izena emateko, Bizkaiko Kirol Arduradunen II. Topaketarako prestatu den formularioa bete behar da.