Bizkaiko Foru Aldundiak Kirolur erronka jarri du abian, lurraldeko udalerrien arteko kirol-liga, teknologian oinarritutako dinamika parte-hartzaile eta kolektibo baten bidez herritarren jarduera fisikoa sustatzeko tresna gisa sortua.

Erronka printzipio sinple baten arabera egituratzen da: parte hartzen duen udalerri bakoitzak talde bat osatzen du, inskribatutako pertsonek egindako kilometro aktiboen erregistroan oinarritutako liga batean lehiatuz, jarduera fisikoaren jarraipena egiteko hainbat gailu eta plataformarekin bateragarria den APP baten bidez. Sailkapen-sistemak, gainera, haztapen bat du biztanleriaren arabera, tamaina desberdineko udalerrien arteko lehiaketa orekatua bermatuz.

Zenbatutako jarduerak dira desplazamendu aktiboa eskatzen dutenak eta GPS bidez neur daitezkeenak, hala nola oinez ibiltzea, korrika egitea edo bizikletaz mugitzea. Erregistratutako kilometro bakoitza puntu bihurtzen da, egindako jarduera motaren araberako balorazio doituarekin.

Erronkaren egutegia hiru alditan egituratzen da urtean zehar:

1. Udaberrian, apirilaren 15etik maiatzaren 17ra
2. Udan, ekainaren 15etik uztailaren 15era
3. Udazkena, irailaren 23tik urriaren 23ra

Parte hartu nahi duten udalerriek izen-ematea formalizatu eta erreferentziako pertsona bat izendatu behar dute martxoaren 13a baino lehen, horretarako berariaz gaitutako formulario honen bidez.

Edozein zalantza argitzeko edo informazio gehiago eskatzeko, udal arduradunek Idazkaritza Teknikoarekin harremanetan jar daitezke aritz.guinea@wellk.eus helbide elektronikoaren edo 634 411 406 telefonoaren bidez.

Izena eman ondoren, Bizkaiko Foru Aldundiko Kirol Zerbitzua udalerri bakoitzarekin harremanetan jarriko da banakako bilera bat hitzartzeko. Bilera horretan, zehatz-mehatz azalduko dira ekimenaren funtzionamendua eta sarien sistema, zalantzak argituko dira eta behar bezala zabaltzeko behar diren komunikazio-materialak emango dira.