Aurkezpen ofizialean Leixuri Arrizabalaga Euskara, Kultura eta Kirol diputatuak, Nerea Ortiz Athletic Clubeko zuzendaritza eta Bizkaiko Futbol Federazioko ordezkariak eta proiektuan parte hartzen duten kluben ordezkari batzuk izan ziren. Horien artean, Itxaso Gorostiza Sagastagoia (Betolaza CDko jokalaria), Jose Ángel García Aguilar (Sporting Lutxanako entrenatzailea) eta Jon Ander Arana (klub bereko kirol-zuzendaria), Uxue Hernández Ensunza (Uritarra KTko zuzendaria), baita Kimeteko PBNko arduradun Anartz Fullaondo, Leyre Blanca eta Gari Fullaondo ere.

Leixuri Arrizabalaga foru diputatuak foru erakundearen konpromisoa berretsi zuen "Bizkaiko neskek gure lehoiak erreferente izan ditzaten, profesionaltasunaren eta hobekuntzaren adibideak baitira".

Ekimen hau duela hiru urtetik Bizkaiko Foru Aldundiak, Athletic Clubek eta Bizkaiko Futbol Federazioak elkarrekin sustatzen duten "Pasa Baloia, Neska" proiektuaren barruan kokatzen da. Bere helburua oinarriko eta eskolako emakumezkoen futbolaren egitura sustatzea, ikusaraztea eta bultzatzea da, gaur egun 51 klub eta 1950 jokalari dituen lurraldean.

Athleticeko nesken taldeak San Mamesen jokatzen duten partida bakoitzean, 1.500 sarrera erreserbatuko dira "Pasa Baloia, Neska" programan parte hartzen duten 51 klubetako jokalari eta talde teknikoentzat.

"Pasa Baloia, Neska" programarako erreserbatutako eserlekuak helburu bikoitza du: emakumezkoen taldeari partida handietan laguntza eta gogo giroa eskaintzea, eta futbolari gazteei San Mameseko esperientziaz gozatzeko aukera ematea, futbolarekiko grina eta erreferenteak partekatuz.