Pertsona fisikoentzako identifikazio elektronikorako oinarrizko mailako bitarteko bat da, honako hauek osatua:

• Erabiltzailearen NAN/AIZarekin bat datorren erreferentzia-zenbaki batek.
• Pasahitz batek.

Doako sistema da, eta Internet bidez aktibatzen da.

Hauek behar dituzu aktibatzeko:

• Zure telefono mugikorra.
• Aktibazio-kode bat, etxean jasoko duzuna.
• Zure NANa edo AIZa, haren iraunaldia galdetuko dizute eta.

Ez, hirugarren batek ezin du inola ere eskatu Bak beste baten izenean.

Beste pertsona batek nire izenean jardun dezan, Bak edo identifikazio digitalerako beste bitarteko bat izan beharko du, eta ordezkaritza baliatu. Katastro-balioen berrikusketako izapideak egiteko, pertsona batek beste bat ordezkatuz jardun dezake, haren ordezkaritza-gakoa erabiliz.

Pasahitza berrezar dezakezu, eta Bak-eko kudeaketa-tresnen ataritik egin Bak-eko kudeaketa guztiak.

• Bak-en kudeaketa-panelera sartu
• Pasahitza berrezarri

Izenperen zerbitzuen ataritik eguneratu eta aldatu daitezke Bak-en harremanetarako datuak, Bak-en kudeaketa-panelera sartuta.

Bak-en kudeaketa-panelera sartu

Izenperen zerbitzuen ataritik eguneratu eta aldatu daitezke Bak-en harremanetarako datuak, Bak-en kudeaketa-panelera sartuta.

Helbide elektronikoa aukerakoa da Bak-en, baina komenigarria da Bak-en iraungitze-abisuak jasotzeko.

Bak-en kudeaketa-panelera sartu

Bak eta BakQ identifikazio-bitarteko osagarriak dira.

Biak identifikaziorako eta sinadura elektronikorako doako zerbitzuak dira, eta erabiltzen oso errazak.

Bak identifikaziorako eta sinadura elektronikorako doako zerbitzu bat da, behe-mailakoa eta erabiltzen oso erraza. Pertsona fisikoentzat baino ez da.

Oinarrian, identifikatzaile bat (erabiltzailearen NANa/AIZa) eta pasahitz bat ditu (pasahitza erraz berreskuratu daiteke). Izenpe erakunde ziurtatzailearen hodeian dagoen kualifikatu gabeko ziurtagiri bat da. BakQ-en antzeko sistema da, eta harekin partekatzen ditu identifikatzailea eta pasahitza (beraz, bakQ baduzu, bak ere baduzu). Bak aktibatzeko ez da beharrezkoa pertsonatzea.

BakQ sistemak, oinarrian, osagai hauek ditu: identifikatzaile bat (erabiltzailearen NANa/AIZa), pasahitz bat (erraz berreskuratu daiteke), erabilera bakarreko SMS bat edo itsasontzi-joko bat eta Izenperen hodeian dagoen ziurtagiri kualifikatu bat.

IZENPE erakunde ziurtatzaileak eman eta kudeatzen du, eta aurrez aurreko identifikazioa behar da, hura emateko.

Bak-ekin batera, sistemok beste batzuek baino ezagutza tekniko eta instalazio-betekizun gutxiago behar dituzte; horrek errazago eta erabilgarriago bihurtzen ditu.

BakQ leku hauen eskatu behar da eta momentuan bertan ematen da:

1. KzGuneazentroen sarean.
2. Ogasun eta Finantza Sailaren bulegoetan.
3. Gertu bulegoak eta Herritarrei laguntzeko Bizkaiko Foru Aldundiaren bulegoak.

Bulego guztien zerrenda kontsutatu hemen.

Ogasunaren / Gertu bulegoak, katastro-balioen berrikusketarekin lotutako gaiei erantzuteko.

• Balmasedako herritarrentzako arreta bulegoa: Kubo kalea, 3-5. 48800 Balmaseda.
• HIAZ Barakaldo: Foru pasealekua, 4. 48901 Barakaldo.
• HIAZ Basauri: Nagusia 38 (sarrera Santiago kaleko 3. zenbakitik), anbulatorioaren parean. 48970 Basauri.
• Bermeoko herritarrentzako arreta bulegoa: Dolariaga kalea, 19. 48370 Bermeo.
• HIAZ Bilbo: Basurtuko Kaputxinoen kalea, 2 eta 4. 48013 Bilbao.
• Durangoko herritarrentzako arreta bulegoa: Askatasun Etorbidea, 12. 48200 Durango.
• Gernika-Lumoko herritarrentzako arreta bulegoa: San Juan Ibarra plaza, 5. 48300 Gernika-Lumo
• HIAZ Getxo: Konporte, z.g. 48992 Getxo.
• Igorreko herritarrentzako arreta bulegoa: Agirre Lehendakariaren etorbidea, 19. 48140 Igorre.
• Markina-Xemeingo herritarrentzako arreta bulegoa: Erdotza Etorbidea, 4. 48270 Markina-Xemein.
• Mungiako herritarrentzako arreta bulegoa: Erribide, 5. 48100 Mungia.
• HIAZ Portugalete: General Castaños, 41. 48920 Portugalete.

Bulego guztietan eskatu behar da aurretiko hitzordua.

Aurretiko hitzordurako telefonoa: 94 612 55 00.

Aurretiko hitzordua eskatu  ogasuna

Bilboko eta Basauriko udalek katastroaren kudeaketa eskuordetu egin dutenez, bulego hauetara jo behar da gai hauei buruzko arreta jasotzeko:

• Bilboko Udala: San Agustin eraikina, Ernesto Erkoreka plaza, 12 Telefonoa: 944 009 294.
• Basauriko Udala: Kareaga Goikoa kalea, 52. Telefonoa: 944 666 359.

Katastro-balio berriak 2025eko urtarrilaren 1ean jarriko dira indarrean. Ondasun higiezinen gaineko zergaren (OHZ) kuota berriak 2025ean aplikatuko dira.

Lehentasun-hurrenkera honetan lehenengo eskubidea duen katastro-titularra da:

1. Ondasun higiezinen edo haiek afektatuta dauden zerbitzu publikoen gaineko administrazio-emakida.
2. Lurrazal-eskubide erreala.
3. Gozamen-eskubide erreala.
4. Jabetza-eskubidea.

Horren arabera, ondasun higiezin baterako aldi berean gozamen-eskubide bat eta jabetza-eskubide bat baldin badaude, OHZaren subjektu pasiboa gozamen-eskubidearen titularra izango da, eta jabe soila ez da izango zergapekoa.

Katastroko jakinarazpenean, informazio gisa, ondasun higiezinen gaineko zerga dela-eta 2025ean ordaindu beharreko kuota adierazten da udalerri bakoitzean ditugun higiezinetarako, baldin eta udalerri horretako udalak epe barruan adierazi badigu zein izango diren zerga-tasa berriak.

Jakinarazpenean honako datu hauek jasotzen dira katastro-elementu bakoitzerako: zerga-oinarria (katastro-balioa da), zerga-tasa, kuota osoa, errekargu-kuota, hobari-kuota eta kuota likidoa.

Kuota likidoa ordaindu beharreko zenbatekoa da, eta honela kalkulatzen da:

• Zerga-oinarria * Zerga-tasa = Kuota osoa.
• Kuota osoa ± Hobaria/Errekargua = Kuota likidoa.

OHZa udal-zerga bat da, hau da, udalen eskumena da, berek ezartzen baitituzte beren udalerrirako zerga-tasak eta errekarguak edo hobariak, hala dagokionean. Udal gehienek Aldundiari eskuordetu diote zergaren kudeaketa, eta, beraz, Aldundia arduratzen da, adibidez, ordainagiriak, helbideratzeak eta abar kudeatzeaz. Hala ere, udalerri hauek EZ dute eskuordetu kudeaketa; beraz, ordainagiriekin zerikusia duen gai oro zuzenean tratatu behar da udalerri horiekin: Barakaldo, Basauri, Bilbo, Durango, Getxo, Portugalete, Santurtzi, Zierbena, Leioa.

Zergaren kudeaketa Aldundiari eskuordetu dioten udalerrietan, ordainagiri bat sortzen da hiri-izaerako ondasun higiezin bakoitzeko. Landa-izaerako ondasunen ordainagiriak, ostera, udalerrika multzokatzen dira, baldin eta ondasun guztiak titular berei badagozkie proportzio berean.

Kudeaketa eskuordetu ez duten udalerrietako ondasun higiezinen kasuan, kasuan kasuko udalari kontsultatu behar zaio.

Bizkaiko Foru Aldundiak kudeatzen dituen 2025eko ordainagiriak 2025eko irailaren 10etik urriaren 10era bitartean kobratuko dira. Ezin dira lehenago ordaindu.

Ez, katastro-balio berriak 2025eko urtarrilaren 1etik aurrera jarriko dira indarrean, eta data horretatik aurrera bakarrik eragingo diote balio horiek ondasun higiezinen gaineko zergaren kuota osoari, katastro-balioa baita zergaren zerga-oinarria.

Katastroko ordezkaritza-gakoak aukera ematen du beste pertsona batek zure izenean jarduteko katastro-balioen berrikusketarekin lotutako izapideetan:

• Katastro-ballio berrien jakinarazpena eskuratzea.
• Zure ondasun higiezinei buruzko informazioa eskatzea.
• Errekurtsoak jartzea.
• Dokumentazioa aurkeztea, errekerimenduei erantzutea, etab.

Ez, gakoa katastroan titulartasun motaren bat duten pertsona fisiko guztientzat sortzen da, alde batera utzita zer titular mota diren edo zer titulartasun-ehuneko duten. Berez, katastroko ordezkaritza-gakoa titular nagusiei bakarrik bidaltzen zaie postaz. Gainerako titularrek egoitza elektronikoaren bidez eskura dezakete katastroko ordezkaritza-gakoa, edo beste bat eska dezakete aurrez aurre (aurretiko hitzordua), telefonoz edo web bidez.

Ezkontideetako bat edo izatezko bikotekideetako bat hiltzen bada, legezko ordezkaritza ofizioz inskribatuko da ahalordetzeen erregistro elektroniko nagusian, bizirik dagoen ezkontidearen edo izatezko bikotekidearen alde. Inskribatutako ordezkaritzak bost urteko balioa izango du, heriotzaren datatik zenbatzen hasita.

Dena den, zenduaren oinordekoek aukera izango dute bizirik dagoen ezkontidearen edo izatezko bikotekidearen aldeko ordezkaritzaren ofiziozko inskripzioaren aurka egiteko eskubidea baliatzeko. Horretarako, oinordekoak direla egiaztatu beharko dute.

Adingabeen legezko ordezkaritza ofizioz inskribatuko da, ahalordetzeen erregistro elektroniko nagusian, bi gurasoen alde, familia-unitate bateko kide diren adingabeak badira, edo guraso bakarraren alde, guraso bakarra badute. Hori guztia, kontrakoaren froga fede-emailerik ezean.

Ordezkaritza-gakoak bost urteko balioa du, lehenengoz erabiltzen denetik.

Errekurtsoa jarri ahal izango duzu zure ondasun higiezinen edo ordezkatzen dituzun pertsonen ondasunen balio berria kalkulatzeko oinarritzat hartu diren katastro-ezaugarrien aurka, hala nola azalera, erabilera, laborantza, antzinatasuna, eraikuntzaren kontserbazio-egoera eta abar. Berebat, errekurtsoa jarri ahal izango duzu edo eskaera egin, titulartasuna edo mota eta ehunekoa zuzentzeko.

Errekurtso motak

• Aukerako berraztertze-errekurtsoa, Katastro eta Balorazio Zerbitzuan (Bilbon eta Basaurin dauden higiezinen kasuan izan ezik, horiek zuzenean aurkeztu beharko baitira kasuan kasuko udalean, katastroaren kudeaketa eskuordetuta dagoelako).
• Erreklamazio ekonomiko-administratiboa, Foru Auzitegi Ekonomiko Administratiboan (FAEA).

Katastroko titularretako edozeinek jar dezake errekurtsoa.

Katastro-balio berrien aurkako errekurtsoa hilabeteko epean aurkeztu ahal izango da, balio berriaren jakinarazpena edozein bitartekoren bidez jaso eta hurrengo egunetik zenbatzen hasita.

Katastro-azalera ez da azalera erabilgarria, ezta eskrituretako azalera ere; beraz, errekurtsoa jarri aurretik, kontsiderazio hauek hartu behar dira kontuan:

• Eraikuntzen kasuan, eraikuntza baten perimetro-paramentuen kanpo-lerroaren barruan sartuta dagoen azalera hartzen da katastro-azaleratzat, eta, hala badagokio, mehelinen ardatzen barruan sartutakoa, argi-patioen eta elementu komunen azalera kenduta eta terraza eta/edo balkoien kalkulu-azalera gehituta. Kontsiderazio hauek:
  • Begiratokien azalera % 100ean konputatzen da.
  • Balkoien, portxeen eta terraza estalien azalera % 50ean konputatzen da. Hiru aldetatik itxita badaude, azalera % 100ean konputatzen da.
  • 1,50 m baino gutxiagoko altuera duten azalerak ez dira konputatze.

  Katastro-azalera eraikuntzaren obra-amaierako planoen arabera zehazten da, eta katastro-krokis batean jasotzen da katastroan.

  Etxebizitzetan katastro-azalera % 15-20 handiagoa izaten da azalera erabilgarria baino.

  Batzuetan, errakuntzaren arrazoia izaten da gure elementua txarto kokatuta daukagula eraikinaren solairu batean (adibidez, gure etxebizitza iparraldera begira dago, baina katastroan hegoaldera begira ageri da). Horretarako, komeni da katastroko bisorean solairuaren krokisa egiaztatzea, eta, errakuntzaren bat ikusten badugu, elementuak solairuaren barruan behar bezala kokatzeko eskatzea.

• Lursailen kasuan: Katastro-azalera mugen barruan dagoena da, horizontalean proiektatuta.

Aurkeztu beharreko dokumentazioa

• Eskalan egindako planoak, eraikuntzaren egungo egoera ageri dutenak, teknikari eskudunak sinatuta. Lursailen kasuan, gainera katastroko partzelei egingo zaie erreferentzia, eta geolokalizazioa jasoko da.
• Argazkiak, uste baldin bada katastroko teknikarientzat lagungarria dela egoera hobeto interpretatzeko.
• Ondasunaren tituluaren fotokopia (eskriturak, epai judiziala edo administrazio-agiria) edo erregistro-ohar soila, ondasunaren, azaleraren, mugen eta abarren deskribapena dakarrena
• Dokumentazio grafikoa formatu digitalean aurkeztu behar da (argazkiak eta kokapen-planoa, orubearen planoa, solairu bakoitzaren planoak, altxaera eta sekzioak). Formatu guztiek balio dute (.pdf .jpg edo CADeko formatuak: dwg .dxf .shx .shp .prj .dfb). Entregatzeko euskarria USB memoria izango da.
• Aldea edo atea oker esleituta badago, jabeen erkidegoko presidentearen idazkia, katastro-krokisaren gainean adierazita zein den titularrek duten kokapen zuzena.

Eraikuntzaren berezko erabilera eraikuntza osoaren helburu nagusia da (etxebizitza, bulegoak, industria, etab.).

Elementuaren erabilera ondasun higiezinaren (eraikuntza edo lurzorua) atal bakoitzaren helburu zehatza da. Adibidez, etxebizitza-eraikinetan, etxebizitzez gain, garajeak, trastelekuak, dendak eta abar egoten dira. Kasu horretan, eraikinaren berezko erabilera etxebizitza izango da, eta elementu bakoitzaren erabilera, berriz, merkataritza, trastelekua, garajea, etxebizitza eta abar.

Elementuen erabilera aldatzeko aurkeztu beharreko dokumentazioa

• Ondasunaren tituluaren fotokopia (eskriturak, epai judiziala edo administrazio-agiria) edo erregistro-ohar soila, ondasunaren, azaleraren, mugen eta abarren deskribapena dakarrena.
• Erabilera aldatzeko lizentzia eta erabilera aldatzeko obra-amaierako ziurtagiria.
• Egungo egoeraren argazkiak.
• Orubeen kasuan: Hirigintza-araudiak onartutako erabilerak jasotzen dituen hirigintza-zedula.
• Nekazaritza eta abeltzaintzako erabilerarako elementuen kasuan, nekazaritza eta abeltzaintzako erabileraren udal-ziurtagiria eta egungo egoeraren argazkiak.

Eraikuntzen erabilera aldatzeko aurkeztu beharreko dokumentazioa

• Eraikuntzaren berezko erabilera udalerriko hirigintza-araudiak ezartzen du; beraz, onartutako erabilerak jasotzen dituen hirigintza-zedula bat aurkeztu beharko da.
• Nekazaritza eta abeltzaintzako erabilerarako eraikuntzen kasuan, nekazaritza eta abeltzaintzako erabileraren udal-ziurtagiria eta egungo egoeraren argazkiak.

Balio-txostenek 7 kategoria ezartzen dituzte hiri-eraikuntzetarako, eta 4 kategoria landa-eraikuntzetarako. Kategoriak puntuak esleitzeko sistema baten bidez ezartzen dira, eraikuntza mota bakoitzaren ezaugarrien arabera.

Adibidez, eraikinaren berezko erabilera etxebizitza denean, ezaugarri hauek erabili dira: igogailu bakoitzeko etxebizitza kopurua, etxebizitza bakoitzeko batez besteko bainugela kopurua, berokuntza, etab.

Horregatik, eraikuntza-kategoriaren aurkako errekurtsoa jartzeko, aurretik eraikinaren ezaugarrien fitxa berrikusi beharko dugu, atributuren bat katastroan txarto jasota egongo balitz ere. Eraikuntzen ezaugarrien fitxa www.bizkaia.eus/katastroa helbidean kontsulta eta deskarga daiteke, modu askean, identifikatu beharrik gabe.

Aurkeztu beharreko dokumentazioa

• Argazkiak edo beste edozein egiaztagiri.

Katastroan eraikuntza-urtea eta birgaitze-urtea batera agertzen dira. Lehenengoak adierazten digu zer urtetan amaitu zen eraikinaren eraikuntza (obra-amaierako ziurtagiria).

Eraikinaren birgaitze integrala egin bada, hura zer urtetan amaitu zen ere grabatuko da.

Bi urteak daudenean, birgaitzearen urtea hartzen da kontuan eraikuntza balioztatzeko.

Landa-eraikuntzetan, berrikuntza-maila eta berrikuntza-urtea daude, eta horrek aukera ematen du birgaikuntza integrala baino berrikuntza-maila txikiagoak zehazteko.

Aurkeztu beharreko dokumentazioa

• Obra-amaierako ziurtagiria eta/edo eskriturak, obraren amaiera-data egiaztatzeko.
• Argazkiak.

Kontserbazio-egoera eraikuntzaren edo eraikinaren ezaugarri bat da, ez haren zati baten ezaugarri bat.

Aurkeztu beharreko dokumentazioa

• Eraikuntzaren egoerari buruzko txosten edo tasazio teknikoa.
• Eraikuntzaren egoera erakusten duten argazkiak.

Udalak esleitutako helbidea esleitzen dio katastroak eraikuntza bakoitzari. Zenbait eraikinen etxabeetan kokatutako garajeei beren sarreratik hurbilen dagoen atariko helbidea esleitzen die katastroak; posta-helbiderik ez duten bigarren mailako eraikinei, berriz, hurbilen dagoen eraikuntzakoa esleitzen die, ondoren letra bat gehituta.

Aurkeztu beharreko dokumentazioa

• Helbide zuzena zein den adierazten duen idazkia. Katastroko Zerbitzuak ofizioz egiaztatuko du informazio hori kasuan kasuko udalarekin.

Katastroko titularrak dira ondasun higiezin oso baten edo haren zati baten gainean honako eskubide hauetakoren baten titulartasuna duten pertsona fisiko edo juridikoak:

1. Jabetza-eskubide osoa edo ez hain osoa.
2. Gozamen-eskubide erreala.
3. Azaleraren gaineko eskubide erreala.
4. Ondasun higiezin baten edo ondasun hori afektatuta dagoen zerbitzu publikoen gaineko administrazio-emakida.

Aurkeztu beharreko dokumentazioa

• Ondasunaren tituluaren fotokopia (eskriturak, epai judiziala edo administrazio-agiria) edo erregistro-ohar soila, ondasunaren, azaleraren, mugen eta abarren deskribapena dakarrena.
• Titulartasuna negozio pribatu baten bidez eskuratu bada, titulu pribatuaz gain, dagokion zerga aurkeztu izana egiaztatu beharko da.
• Jaraunspenen kasuan, titulartasuna ez da aldatuko jarauntsiaren onarpena egin arte. Aldaketaren eragina heriotza-egunean hasiko da.

Hona jakinarazpenaren edukia:

• Katastro-balioa jakinarazteko erabakia.
• Pertsonak Bizkaian titular gisa dituen ondasun guztien zerrenda.
• Ondasun higiezin bakoitzean duen titulartasun-mota eta -ehunekoa.
• Ondasun higiezina osatzen duen elementu bakoitzaren katastro-ezaugarriak.
• Balio-zonak, lurraren baldintzak, laborantza-balio optimoak eta balio-txostena aplikatzearen ondoriozko koefiziente zuzentzaileak.
• Ondasun higiezinen gaineko zergarako 2025eko zerga-tasa eta kuota likidoa, jakinarazpenak sortzeko unean Bizkaiko Foru Aldundiari hala jakinarazi dioten udalerrientzat soilik. Hauek dira: Ajangiz, Alonsotegi, Amoroto, Arrieta, Arrigorriaga, Atxondo, Aulesti, Bakio, Balmaseda, Barrika, Bedia, Berango, Elantxobe, Erandio, Ereño, Ermua, Errigoiti, Etxebarri, Etxebarria, Galdakao, Galdames, Gatika, Gordexola, Gorliz, Gueñes, Ispaster, Iurreta, Kortezubi, Lanestosa, Laukiz, Leioa, Lekeitio, Lemoa, Lezama, Mallabia, Markina-Xemein, Maruri-Jatabe, Mendexa, Morga, Mundaka, Murueta, Orozko, Otxandio, Sopela, Sopuerta, Ubide, Urduliz, Zalla, Zaratamo, Zeanuri, Ziortza-Bolibar.

Katastroko titular bakoitzak jakinarazpen bat edukiko du eskuragarri Bizkaiko Foru Aldundiaren egoitza elektronikoan; bertan jasotzen dira Bizkaian kokatuta dauden eta titularrak nolabaiteko titulartasuna duen hiri- eta landa-izaerako elementuak dituzten ondasun higiezin guztien katastro-balio berriak. Ondasun batek titular bat baino gehiago badu, titular nagusitzat hartuko da gainerako titularrek berariaz izendatu duten pertsona, edo, halakorik ezean, titulartasun-ehunekorik handiena duena, edo, ehunekoa berdina bada, jabetza-tituluan lehenengo agertzen dena. Titular nagusiak gainerakoen ordezkari gisa jardungo du, 3/2016 Foru Arauaren 11. artikuluan jasotakoaren arabera, eta posta bidez egindako jakinarazpenen hartzailea izango da, jakinarazpen elektronikoa Bizkaiko Foru Aldundiaren egoitza elektronikoan eskuratu ez badu.

Hau da:

• Titular guztiek jakinarazpen elektroniko bat edukiko dute eskura irailaren 2an. Aurrez aurre ere eska dezakete BFAren bulegoetan, aurretiko hitzordua erreserbatuta.
• Titular nagusi batek, jakinarazpen elektronikoa eskuratzen ez badu edo irailean aurrez aurre hartzen ez badu, bere etxean jasoko du, posta-formatuan (posta ziurtatua), urritik aurrera.
• Titular nagusi ez diren pertsonek ere beren jakinarazpena eskura dezakete, dela EGOITZA elektronikoan, dela aurrez aurre BFAren bulegoren batean, aurretiko hitzordua erreserbatuta.

Jakinarazpen elektronikoa eskuratzeko epea irailaren 2tik 27ra bitartekoa izango da. Jakinarazpena paperean jaso nahi dutenek Ogasunaren edo Gertu bulegoetara jo dezakete, 94 612 55 00 telefonoan hitzordua eskatuta.

Adierazitako epea igaro eta bitarteko elektronikoen bidez eskuratu ez bada, titular nagusiei jakinarazpena egiteko, ekainaren 28ko 118/2016 Foru Dekretuaren bidez onetsitako Bizkaiko Lurralde Historikoko Higiezinen Foru Katastroaren Erregelamenduaren 23. artikuluan ezarritakoari jarraituko zaio.

Katastroko titular hauek, nahitaez, behartuta daude katastro-balioen jakinarazpenak bitarteko elektronikoen bidez jasotzera, Bizkaiko Foru Aldundiaren egoitza elektronikoaren bitartez:

1. Pertsona juridikoak.
2. Balio erantsiaren gaineko zergaren hileko itzulketen erregistroan inskribatuta dauden pertsona fisikoak.

3. Estatuaren Administrazio Orokorra, autonomia-erkidegoetako administrazioak, toki-administrazioa osatzen duten erakundeak, organismo publikoak, unibertsitate publikoak, independentzia funtzionala edo legeak aitortutako autonomia berezia duten eta sektore edo jarduera jakin baten gaineko arauketa edo kanpoko kontrola egiteko eginkizunak legez esleituta dauzkaten zuzenbide publikoko erakundeak, administrazio publiko bati edo batzuei lotutako zuzenbide publikoko erakundeak edo haren mendekoak direnak, eta partzuergo administratiboak.

   20 egun natural igaro badira eta jakinarazpen elektronikoa jasotzera behartuta dagoen katastroko titularrak ez badu eskuratu jakinarazpenaren edukia, ulertuko da ez duela onartu, baina egintzat joko da lege-ondorio guztietarako, Bizkaiko Lurralde Historikoko Zergei buruzko martxoaren 10eko 2/2005 Foru Arauaren 109. artikuluan ezarritakoa dela bide.

Jakinarazpena eskuratzeko, www.bizkaia.eus/katastro-berrikusketa web-orrira jo dezakezu, zure Bak gakoa edo identifikazio elektronikoko beste edozein bitarteko erabiliz. Identifikazio elektronikoko bitartekorik ez baduzu, Bizkaiko Foru Aldundiak laguntza-zerbitzu berezi bat eskaintzen dizu, jakinarazpen elektronikoa eskura dezazun edo, aurrez aurre hartu nahi baduzu, aurretiko hitzordua erreserba dezazun.

Katastroko ordezkaritza-gakoaren bidez, posible da ordezkaritza beste pertsona bati ematea katastro-balioen berrikusketarekin lotutako izapide guztiak egiteko. Bizkaian ondasunen baten titular diren pertsona guztientzat sortu dira ordezkaritza-gakoak (adingabeentzat edo zenduentzat izan ezik). Ordezkaritza-gako horiek Bizkaiko egoitza elektronikoko jakinarazpenen ontzian egongo dira eskuragarri, irailaren 2tik aurrera, eta posta arruntez ere bidaliko zaizkie titular nagusiei, irailean bide elektronikoen bidez eskuratu ez badituzte.

Ordezkaritza-gakoa jaso ondoren, beharrezkoa da ordezkaria egoitza elektronikoko Ahalordetzeen Erregistroan inskribatzea. Behin inskribatuta, ordezkariak Nire izapideak/Nire espedienteak atalera jo beharko du, eta bertan bere izenean edo ordezkatzen duen pertsonaren izenean jardun ahal izango du. Jakinarazpena eskuratu ahal izango du, errekurtsoak jarri, errekerimenduei erantzun, etab.

Ahalordetzeen Erregistro Elektronikoan inskribatzeko eskaera