Katastro-balioen berrikusketa

Lerratu gehiago erakusteko

Zer da katastro-balioen berrikusketa?

Katastro-balioa berrikusteko prozeduraren bidez, Administrazioak aldian-aldian katastro-balioa lehendik esleituta eduki duten ondasun higiezinen katastro-balioa eguneratzen du.

Katastro-balioa higiezinen balio fiskal bat da, eta Bizkaiko Foru Aldundiak modu objektiboan zehaztuko du, Higiezinen Foru Katastroan jasota dauden datuak oinarri hartuta. Batez ere, zerga batzuen zerga-oinarria kalkulatzeko erabiltzen da, bereziki ondasun higiezinen gaineko zergarena. Katastro-balioa ondasun higiezin bakoitzerako zehazten da, kontuan hartuta ondasun higiezin bakoitzaren ezaugarriak (azalera, produkziorako gaitasuna, erabilera, eraikuntzaren antzinatasuna, ondasun higiezinaren kategoria, etab.) eta udalerrian duen kokapena.

Zelan eragiten dit?

Katastro-balioa zenbait udal zerga eta tasa kalkulatzeko oinarria da, eta horien artean Ondasun Higiezinen gaineko Zerga (OHZ) nabarmentzen da. Katastro-balio berria 2025eko urtarrilaren 1ean jarriko da indarrean; beraz, zerga horren gaineko eraginak egun horretatik aurrera izango ditu ondorioak. Irailetik aurrera, titular bakoitzari bere ondasun higiezinen katastro-balio berriak jakinaraziko zaizkio.

Informazio gehiago katastro-balioen berrikusketa

Nire jakinarazpena

Katastroko titular bakoitzak jakinarazpen bat edukiko du eskuragarri Bizkaiko Foru Aldundiaren egoitza elektronikoan; bertan, titular bakoitzak, titulartasun motaren batean, Bizkaian dituen ondasun higiezin guztien katastro-balio berriak jasotzen dira.

Balio horiek 2025eko urtarrilean jarriko dira indarrean, eta 2024ko maiatzean onartutako Balio-txostenak aplikatuz lortu dira. Beraz, balio horiek kalkulatzeko kontuan hartu diren datuen eta koefizienteen zerrenda ere jasotzen da jakinarazpenean, baita jar daitezkeen errekurtso motak eta epea ere.

Bideotutoriala: jakinarazpenaren azalpena

Laguntza

Aurrez aurrekoa

  • Arreta eta informazio pertsonalizatua 12 bulegotan (Gertu eta Ogasuna) astelehenetik ostiralera, 8:30etik 19:00etara.
  • Hitzordua eskatu behar da aldez aurretik.
  • Baimena eman dezakezu beste pertsona batek, ordezkaritza-gakoarekin, zure jakinarazpena jasotzeko.

Bilbon eta Basaurin dauden ondasun higiezinetarako, arreta udaletan ematen da.

Telefono bidezko informazioa

  • Telefono bidezko laguntza: 94 612 55 00, astelehenetik ostiralera, 8:30etik 19:00etara.
  • Zure ondasun higiezina Bilbon badago: 94 400 92 94, astelehenetik ostiralera, 8:30etik 13:30era.
  • Zure ondasun higiezina Basaurin badago: 94 466 63 59, astelehenetik ostiralera, 8:30etik 19:00etara.

Digitala

  • Egoitza elektronikoko Nire izapideak/Nire espedienteak atalean, katastro-balio berrien espedientea eskuratu ahal izango duzu, eta, beharrezkotzat jotzen baduzu, errekurtsoa jarri ahal izango duzu.
  • Beharrezkoa izango da identifikazio elektronikorako bide bat izatea.
  • Informazio gehiago: Ordezkaritza edo identifikazio elektronikoa.
  • Bilbon eta Basaurin kokatutako ondasun higiezinen kasuan, izapidetze elektronikoa udal horien egoitza elektronikoen bidez egingo da.

2024ko Katastroko Balioen-txostena

Balio-txostena administrazio-agiri bat da, zeinean irizpideak, balioztatze-arau teknikoak, lurzoruaren mugatzea eta katastro-balioak finkatzeko behar diren gainerako elementu guztiak jasotzen baitira.

Balio-txostenak aplikatuz lortzen diren balioek lotura dute kasuan kasuko ondasun higiezinen merkatu-balioarekin.

Nork hartzen du parte balio-txostenen prestaketan?

Balio-txostena Bizkaiko Foru Aldundiko Katastro eta Balorazio Zerbitzuak prestatzen du, eragindako udalerriekin lankidetzan, Partaidetza Organoaren bidez, zeinaren kide baitira Aldundiko, kasuan kasuko udaleko eta EUDELeko talde teknikoak.

2024ko maiatzaren 21ean, Katastroaren eta Zerbitzuen zuzendariak hiri- eta landa-izaerako elementuak dituzten higiezinen balio-txosten berriak onetsi zituen Bizkaiko udalerri guztietarako.

Onesteko eta jendaurrean jartzeko iragarkiak Bizkaiko Aldizkari Ofizialean, kasuan kasuko udaletxean eta Bizkaiko Foru Aldundiaren webgunean argitaratu ziren 2024ko maiatzaren 30ean (BAO, 104. zk.), eta jendaurrean jartzeko aldia 15 egunekoa izan zen (2024ko maiatzaren 31tik ekainaren 14ra).

Balio-txostenei buruz gehiago jakiteko