Bizkaia Sortzailea

Itzuli Berritzeko eta sortzeko gaitasuna orrira

ZERTARAKO EMATEN DA DIRULAGUNTZA?

Enpresa sortzaile bat sortzeko.
Dibertsifikazio-proiektu sortzaileak edo berritzaileak garatzea, enpresaren egungo jardueratik argi eta garbi bereizitako produktu edo zerbitzu berriak garatzera bideratuak.
Lehiakortasuna hobetzeko proiektuak, prozesu, produktu edo zerbitzuetan berrikuntzak eginez, negozioa estandarizatzeko, eskalatzeko edo merkatu berrietara sartzeko.
Integrazio-, bategite- edo eskuratze-prozesuetarako bideragarritasun-azterlanak, neurri handiagoko enpresa-egiturak sortzera bideratuak eta negozio-ereduan eragin berritzailea dutenak.
Elkartutako enpresen gaitasun profesionalak, fakturaziokoak eta/edo enplegukoak areagotzea ahalbidetuko duten proiektuak garatzea, elkarteen, elkargo profesionalen eta klusterren kasuan.

Dirulaguntza jaso dezaketen gastuak:

Bideragarritasun, merkatu-azterlanak, marketin-azterlanak eta txosten teknikoak.
Produktuaren edo zerbitzuaren kontzeptua, ezaugarriak eta oinarrizko funtzionalitateak garatzea.
Proiektua garatzeko kanpoko aholkularitza.
Jabetza intelektuala edo industriala babestea, erregistroak, ziurtagiriak eta homologazioak.
Bidaiak egitea eta azoketan parte hartzea.
Abian jartzeko gastuak.
Lantaldea prestatzea proiektuarekin lotutako gaitasun berrietan.
Proiekturako jarritako langileen barruko gastuak.

Gainera, enpresa berrien kasuan, hau da, EJZko altaren lehenengo data 2024/01/01 gerokoa dutenak, lagungarriak dira:

Enpresa berria sortzeagatiko prima.
Bizkaian negozio-lokala errentan hartzea. Kontratua eskabideak aurkezteko epea bukatzen denean formalizatuta egon beharko da.
Negozioa garatzeko pertsona bat kontratatzea. Kontratua eskabideak aurkezteko epea bukatzen denean formalizatuta egon beharko da.

Gastuak 2025/01/01aren eta 2027/12/31ren bitartean egin beharko dira, eta 2028ko urtarrilaren 31n benetan ordaindutak egon beharko dira.

NORENTZAT?

Jarduera nagusia ikus-entzunezkoen, bideojokoen, modaren, produktu eta zerbitzuen diseinu industrialaren, diseinu grafikoaren eta musikaren arloetan garatzen duten sormen-enpresak.
Aurreko sormen-sektoreen ordezkari diren irabazi asmorik gabeko elkarte, elkargo profesional eta klusterrak, baldin eta enpresa eta/edo profesionalak biltzen badituzte, eta horien jarduera nagusia ekitaldiak, kongresuak, azokak, lehiaketak edo antzekoak antolatzeaz bestelako zerbitzuak ematea bada.

ESKABIDEAK

2026ko apirilaren 15eko 8:30etatik 2026ko maiatzaren 15eko 13:30era arte.

Ekonomia Sustatzeko Sailaren Bulego Birtualaren bidez aurkeztu beharko dira. Horretarako sinadura elektronikoa izan behar da(Izenpe, NAN elektronikoa, etab.), Bizkaibai zerbitzuan alta emanda egotea, edo B@kQ ziurtagiri elektronikoa erabili; azken hau Orueta Apezpikuaren kaleko 6an eska daiteke.

DOKUMENTUAK

Beste dokumentu batzuk: