Gozatzeko ibilaldia. Ibilbide proposamena

Itzuli Museoak eta interes kulturaleko tokiakra

Basondo auzoan dagoen Lezika jatetxearen ondoan hasten da ibilbidea. Aparkalekuan hasi eta seinaleei jarraituz Omako Basora eramango gaituen pinudien arteko legar-bidea hartuko dugu. Basora heldu baino pixka bat lehenago, ordu erdi inguru ibili ondoren, seinale batean irakurriko dugu ezkerrerantz egin behar dugula pintatuta dauden zuhaitzetarako bidexkatik behera egiteko. Hemendik aurrera (Basoaren hegoaldea) norberak erabaki behar du zein ibilbide egin, irudiak bilatzeko jolasean arituz.

Basora hegoaldetik sartu gara baina iparraldetik aterako gara, Omarako auzo-errepidera eramaten gaituen baso-bidean zehar. Eskuinera egingo dugu eta, pixka bat aurrerago, ezkerraldean, Olakoerrota errota zaharraren hormak ikusiko ditugu. Aurrera eginez gero, Goikolea errotara helduko gara eta hemendik orain arte egindako bidean atzera egingo dugu.

  1. KOLORETAKO PINUAK

    Ibarrolak kolore biziak eta lauak erabili ditu Omako Basoko bostehun pinu ingurutan dauden 45 irudiak pintatzeko. Motibo oso ezberdinak erabili ditu: irudi geometrikoak, pertsonak, animaliak, begiak, ostadarra...

  2. IBAR PROTOINDUSTRIALA

    Omakoerrekako urek lau errotaren gurpilak mugitzen zituzten: Olakoerrotakoak, Goikoleakoak eta Bolinzuloko errota bitakoak.

  3. XV. MENDETIK AURRERAKO BASERRIAK

    Andikoetxea eta Beaskoetxea baserriak dira zaharrenak: arku gotikoak dituzte eta XV. mende amaiera edo XVI. mende hasierakoak dira. Ikuspegi arkitektonikotik, Zierre baserria (XVI. mendea) oso balio handikoa da, zurezko, adreiluzko eta harrizko egitura duen fatxada baitauka. Formen edertasunagatik, ordea, Omagogeaskoa baserria (XIX. mendea) nabarmendu behar da, fatxadan arku-forma duen portale handi bat baitauka.

  4. IRAGAZTEN DUTEN HARRIAK

    Basondo eta Oma ibarretako lurzorua kareharrizkoa da; itsasoko koral zaharren metaketaren ondorioz sortutako arroka oso iragazkorrak ditu. Eta horien gainean, aldapa handiena duten tokietan, artadi kantauriarrak hazten dira. Lur azpian, haitzuloz eta putzuz osatutako nahastean zehar doa ura, Gernikako Itsasadarrera helduz azkenean.

BISITA-FITXA

Ibili beharreko distantzia
7,4 Kilometroak
Gehieneko altuera
204 metruak
Gutxi gorabeherako denbora
2 orduko ibilbidea, gehi Basoa ikusten eman nahi dugun denbora.
Irisgarritasuna
Omako Basoan ezin da ibili gurpil-aulkiekin edo haur-kotxeekin.
Zerbitzuak
Aparkalekua, aisialdirako gunea (mahaiak, paperontziak, iturria) eta taberna-jatetxea.
Inguruan gomendatzen diren beste bisita batzuk
Santimamiñeko koba, aztarnategi arkeologiko garrantzitsua dena eta bisita birtuala.
Basondo zentroa, Urdaibaiko animalia basatien babeslekua.

KONTUAN HARTU BEHARREKOA

Ibilbide guztia oinez egin behar da: Omako Basorako sarreran ez dago baimenduta motordun ibilgailuak ibiltzea eta Basondo eta Omarako errepidea auzokoek baino ezin dute erabili.

Mendiko oinetakoak eraman behar dira: Basoko bidean malda aldapatsuak daude.