4. arloa: Azelerazioa

Itzuli Enpresa berritzaileak sortzea orrira

ZERTARAKO EMATEN DA DIRU-LAGUNTZA?

Enpresaren azelerazio-proiektuaren garapena honako helburu hauek lortzeko: abian dagoen negozioaren eskalabilitatea merkatu berrietara, fakturazioa eta enplegua handitzea eta lehiakortasuna areagotzea.

Honako ezaugarri hauek dituzte azelerazio proiektuak: enpresak merkatuan duten posizionamendua handitzea eta hobetzea dakarten proiektu estrategikoak garatzea.

Ondokoak dira diruz lagundu daitezkeen gastuak:

Azelerazio proiektua garatzeko kanpo-aholkularitza gastuak.

Lagunduko diren gastuak 2023ko urtarrilaren 1etik 2025eko abenduaren 31ra bitartean egin beharko dira, eta 2026ko urtarrilaren 31n benetan ordainduta egon beharko dute.

NORENTZAT?

Pertsona eta erakunde hauek eskuratu ditzakete 4. arloko gastuetarako diru-laguntzak:

Lehendik dauden enpresak,  EJZko lehen alta 2019/01/01ekoa edo ondorengokoa izanik, gutxienez 30.000 euroko kapital soziala ordainduta badaukate, eskabidea aurkezten denean gutxienez 4 lanpostu lanaldi oso baliokidean (horietariko 2 Bizkaian daudelarik) badituzte eta 2022an 150.000 euro baino gehiagoko fakturazioa izan badute. Sozietatearen helbidea, zerga helbidea eta ekoizpen-zentro bat Bizkaian izan behar dute. Bai eta ere, aurreko deialdietan Enpresa Berritzaileak Sortzeko Programaren onuradun izatea eta espediente horien justifikazioa amaituta egotea.

ESKABIDEAK

1. deialdia: 2024ko otsailaren 1eko 08:30etik otsailaren 29ko 13:30era.

2. deialdia: 2024ko uztailaren 15eko 08:30etik irailaren 13ko 13:30era.

Ekonomia Sustatzeko Sailaren Bulego Birtualaren bidez aurkeztu beharko dira. Horretarako sinadura elektronikoa izan behar da (Izenpe, NAN elektronikoa, etab.), edo B@kQ ziurtagiri elektronikoa erabili; azken hau Orueta Apezpikuaren kaleko 6an eska daiteke.

DOKUMENTUAK

Beste dokumentu batzuk

ENPRESA BERRITZAILEAK SORTZEKO PROGRAMA 2023 (4.arloa: Azelerazioa)

Burututako gastuen dokumentazioa eta dagozkien fakturak eta ordainketa-agiriak aurkezteko azken eguna: 2025ko urtarrilaren 31.

Beste agiriak

 

Fitxategi hauek ikusteko Adobe Reader doako programa behar duzu.