Egoitza-baliabide soziosanitarioak

Itzuli Gizarte osasuneko arreta orrira

Norentzat dira?

Aldi berean konplexutasun txikiko eta intentsitate handiko gizarte- eta osasun-premiak dituzten pertsonentzat, baldin eta haien egoera soziofamiliarrak ez badu bermatzen etxean edo egoitza-zentroan behar duten arreta eta zaintza.

Zer baldintza bete behar dira?

  • 18 urte edo gehiago izatea eskabidea aurkezten den egunean.
  • Europako nazionalitatea izatea edo legezko egoitza Espainiako Estatuan izatea.
  • Bizkaiko Lurralde Historikoan erroldatuta egotea.
  • Osasun-arreta finantzatzeko osasun-aseguru publikoa edo pribatua izatea.
  • Eskatzailearen baimena izatea.
  • Osasun- eta gizarte-arretaren premia egiaztatzea.

Laguntza-profilak

  1. Hobetu daitekeen narriadura funtzionala eta/edo kognitibo-funtzionala eragin duen gaixotasun-prozesu akutu baten ondoriozko susperraldia.
  2. Immobilizazio luzeagatiko eriondoa eta errehabilitazioa, eta ortogeriatria-behar espezializatuak.
  3. Bizitzaren amaieran zainketak egiteko beharra eta bizi den lekuan geratzeko euskarri soziofamilar egokirik ez izatea, eta ezin dira ospitalera eraman.
  4. Tratamendua ziurtatzea, bertan behera uzteak osasun publikoko arazoa ekar dezakeenean.
  5. Gaixotasun infekto-kutsakorraren tratamendua, baldin eta, kontrola edo isolamendua behar izanda, egoitzetan aplikatu ezin bada.
  6. Portaera-nahasmenduak, narriadura kognitibo eta zorrotzarekin lotuta, egoitza-zentroko ohiko jarduera larriki nahasi dezaketenean.
  7. Intentsitate txikiko zainketak behar dituen eriondoa, ospitaleko alta jaso ondoren.
  8. Aldi bat behar izatea, ospitaleratu ondoren, ingurunea egokitzeko edo mendekotasun-egoeran dauden pertsonentzako egoitza batean modu iraunkorrean sartzea bideratzeko (II. edo III. mailako mendekotasuna aitortua dutenentzat).
  9. Aldi bat behar izatea ingurunea egokitzeko edo mendekotasun-egoeran dauden pertsonentzako egoitza batean modu iraunkorrean sartzea bideratzeko (mendekotasun-maila aitorturik ez duten pertsonentzat, baldin eta ospitaleratze baten ondoren mendekotasun handia badute eta suspertzeko itxaropenik ez badute).

Baliabide motak

  • Egoitza-unitate soziosanitarioak:
    • Unitate espezializatuetako plazak dira, autonomia funtzionala galdu duten pertsonei arreta soziosanitarioa emateko; helburua da pertsona horien gaitasun funtzionalak hobetzea eta, bizitzaren azken fasean dauden pertsonen kasuan, bizi-kalitatea ahal den neurrian hobetzea.
    • Era berean, etxean edo mendekotasuna duten pertsonentzako egoitzetan mantentzen zailak diren pertsonei arreta emateko baliabideak dira, baldin eta pertsona horiek, intentsitate handiko arreta soziosanitarioa behar duten arren, ezin badira ospitaleratu.
    • Aurreko atalean deskribatutako 1etik 6ra bitarteko laguntza-profila duten pertsonentzat.
    • Egonaldiaren gehieneko iraupena: 6 hilabete (salbuespenezko kasuetan izan ezik).
    • Gaur egun Zornotzan (Igurco-Orue egoitza), Bilbon (Birjinetxe laguntza-zentroa) eta Portugaleten (Aspaldiko egoitza) daude.
  • Mendekotasun-egoeran dauden pertsonentzako egoitza-baliabideak.
    • Mendekotasun-egoeran dauden pertsonei arreta soziosanitarioa emateko plazak dira, eta egoitzen foru zerbitzu publikoan integratuta daude.
    • Aurreko atalean deskribatutako 7tik 9ra bitarteko laguntza-profila duten pertsonentzat.
    • Egonaldiaren gehieneko iraupena: 3 hilabete (salbuespenezko kasuetan izan ezik).

Nola eskuratzen da?

Eskabidea aurkeztea

Eskabidea eredu normalizatuan aurkeztu behar da, eta osasun- eta gizarte-arretaren beharra honako hauen bidez egiaztatu:

  • Osasun-txosten eta zainketen mediku-preskripzioa: diagnostikoak, tratamenduak, profila, aurretiko egoera funtzionala, ebaluazio mentala, mendekotasun funtzionala, eskaera eragin duen egoera, planteatutako helburuak eta erizaintzako eta/edo fisioterapiako zainketa-plana.
  • Txosten soziala: gizarte-langile batek egina.

Eredua deskargatu eta eskabidearekin batera zer dokumentu aurkeztu behar diren kontsultatu

Aurkezteko lekuak

  • Erakunde publiko batean ingresatuta egonez gero, zentrotik zuzenean izapidetu daiteke, bertako gizarte-langilearen laguntzarekin. Erakunde publikoak Bizkaiko Foru Diptuaziora bidaliko du eskaera.
  • Interesdunak edo haren legezko ordezkariak aurkezten badu, helbide honetara jo dezake

Aplikatu beharreko araudia eta inprimakiak