Bizkaiko Merkataritza Kanpainaren kartela OSO PRO

Bizkaiko Merkataritza Oso Pro.

Proaktiboa, profesionala eta oso gertukoa.

Zein da Bizkaiko zure merkataritza oso Pro? Parte hartu eta irabazi 300 euro Bizkaiko merkataritzetan erosteko.

Bizkaiko Foru Aldundia.

Zer da OSO PRO saltoki bat?

Bizkaiko merkataritza Oso Pro. Proaktiboa, profesionala eta oso gertukoa. Bizkaiko Foru Aldundia.

Honako hauengatik nabarmentzen den saltokia da OSO PRO saltokia:

  • Profesionala da

    Asko daki, aholku onak ematen ditu, badaki zer behar duzun eta, ez badauka, lortuko dizu.

  • Proaktiboa da

    Berritzailea da, eguneratu egiten da, produktu eta zerbitzu berriak eskaintzen ditu, eta aparteko zerbitzuak proposatzen ditu, hala nola tailerrak, hitzaldiak edo esperientziak.

  • Hurbilekoa da

    Zugandik hurbil dago: gertu-gertu… eta klik bakarrera. Presentzia digitala du eta bezeroekiko harremana zaindu egiten du.

Nola parte hartu dezakezu?

  • Oso erraza da parte hartzea:

    1. Adierazi zure OSO PRO saltokia

      (Bizkaiko 3 saltoki* proposa ditzakezu).

    2. Idatzi saltoki horri buruz nabarmendu nahi duzun esaldia edo iritzia. (aukerakoa).
    3. Idatzi zure datuak eta onartu oinarriak.

    ... eta kito! Bizkaiko dendetan* erosteko 300 €-ko 15 sariren zozketan sartuko zara.

    (*) 50 langile baino gutxiago izatea.

  • Nori dago zuzenduta?

    • 18 urtetik gorakoei.
    • Bizkaian bizi direnei.
    • Kontsumo arduratsuaren aldeko apustua egin eta Bizkaiko merkatartiza balioa eta babesa ematen dietenei.

Proposatu zure OSO PRO saltokia

Zer irabaz dezakezu?

Bizkaiko merkataritza Oso Pro. Proaktiboa, profesionala eta oso gertukoa. 300 euroak Bizkaiko dendetan erosteko. Bizkaiko Foru Aldundia.
  • 300 €-ko 15 sari Bizkaiko tokiko* dendetan erosketak egiteko. (*) 50 langile baino gutxiago izatea.
  • Mota guztietako establezimenduetan: ile-apaindegiak eta irudi pertsonaleko zentroak, artisau-lantegiak.

    (ostalaritzako establezimenduak ez dira kontuan hartzen).

  • Erosketak 2026ko martxoaren 27tik maiatzaren 30era bitartean egin ahal izango dira, biak barne.

  • Boto gehien lortzen dituzten saltokientzako saria

    Boto gehien jasotzen dituzten saltokiak bigarren fasera igaroko dira. Fase horretan, epaimahai profesional batek 9 saltoki hautatuko ditu Bizkaiko Foru Aldundiak sustatutako hurrengo Bizkaiko Merkataritza OSO PRO kanpainan parte hartzeko.

  • Zergatik da garrantzitsua zure parte-hartzea?

    Merkataritza berritzailea, eguneratua eta oso PRO den merkataritza daukagu Bizkaian.

    Hori aitortzea funtsezkoa da:

    • Ikusgarritasuna emateko.
    • Herritarrei egiten dieten ekarpena aitortzeko.
    • Haien lan ona onartzeko.
    • "Bizkaiko Merkataritza OSO PRO" kanpainako protagonistak izango diren saltokiak aukeratzea.

    Zure proposamenak saltokien ahalegina eta lan ona bultzatzen eta ikusarazten laguntzen du.

Zein da zure OSO PRO saltokia?

Izartxoarekin (*) markatutako eremuak nahitaez bete behar dira.

Parte-hartzailearen datuak
    Adierazi zure OSO PRO saltokia/k

    Parte hartzen duzun bakoitzean gehienez ere 3 saltoki (* 50 langile baino gutxiago dituena) proposa ditzakezu

    1 Saltokia
      Zer baloratzen duzu gehien saltoki honetatik?*

      Markatu identifikatuen sentitzen zaren alderdiak.

      0 / 140

      2 Saltokia
        Zer baloratzen duzu gehien saltoki honetatik?

        Markatu identifikatuen sentitzen zaren alderdiak.

        0 / 140

        3 Saltokia
          Zer baloratzen duzu gehien saltoki honetatik?

          Markatu identifikatuen sentitzen zaren alderdiak.

          0 / 140

          PARTE HARTZEKO OINARRIAK

          "Bizkaiko Merkataritza OSO PRO" hautaketa-prozesua

          1. Erakunde antolatzailea

          Bizkaiko Foru Aldundiak (aurrerantzean, Antolatzailea) Bizkaiko kontsumitzaileek hautagaitzak aurkezteko prozesu hau bultzatzen du, Bizkaiko OSO PRO saltokiak hautatzeko, "Comercio de Bizkaia MUY PRO – Bizkaiko Merkataritza OSO PRO" kanpainaren testuinguruan; horren helburua izanik Bizkaiko tokiko merkataritzari balioa ematea eta honako hauek betetzeagatik nabarmentzen diren saltokiak aintzatestea: PROfesionaltasuna, PROaktibitatea eta hurbilekoa izatea.

          2. Prozesuaren helburua

          "Comercio de Bizkaia MUY PRO – Bizkaiko Merkataritza OSO PRO" kanpainan herritarren partaidetza bultzatzea da helburua, horretarako oinarri hauetan ezarritakoaren arabera Bizkaiko "MUY PRO - OSO PRO" saltokiak proposatuta.

          3. Lurralde-eremua

          Bizkaiko merkataritza OSO PRO saltokietarako proposatutako hautagaiek eta hautagaitzak aurkezten dituztenek Bizkaiko Lurralde Historikoko lurralde-eremukoak izan beharko dute.

          4. Hautagaitzak aurkezteko epea

          Parte hartzeko epea 2026ko martxoaren 2tik 2026ko martxoaren 22ra izango da, biak barne.

          Epe horretatik kanpo aurkeztutako hautagaitzarik ez da onartuko.

          5. Parte hartzeko baldintzak

          5.1 Saltoki hautagaiak

          Saltoki hautagai gisa aurkeztu ahal izango dira honako baldintza hauek betetzen dituztenak:

          • Bizkaian gutxienez salmenta-establezimendu bat izatea.
          • 50 langile baino gutxiago izatea.

          5.2 Pertsona parte-hartzaileak

          Saltoki hautagaiak aurkeztu ahal izango dituzte honako baldintza hauek betetzen dituztenek:

          • 18 urtetik gorakoa izatea.
          • Bizkaian bizitzea.
          • Parte hartzeko prozesua behar bezala betetzea.
          • Oinarri hauek espresuki onartzea.
          • Eman proposatutako saltokiari/ei buruzko informazio hau:
            • Saltokiaren izena.
            • Azpisektorea.
            • Saltokiaren herria.
            • Proposatutako saltokiari/ei buruzko balorazio edo iritzi laburra.

          Salbuespenak

          Ezin izango dute parte hartu erakunde antolatzaileko langileek (Bizkaiko Foru Aldundiko Ekonomia Sustatzeko Saila), ezta kanpainaren kudeaketan zuzenean esku hartzen duten enpresetakoek ere.

          6. Parte hartzeko modua

          6.1. Saltokiak proposatzea

          • Parte-hartzaile bakoitzak 3 saltoki proposatu ahal izango ditu gehienez ere.
          • Hautagaitzak aurkeztean jarritako iritzi edo esaldiek ez dute parte-hartzea baldintzatuko, ezta zozketa ere.
          • Pertsona bakoitzak behin baino gehiagotan parte hartu ahal izango du kanpainak irauten duen bitartean, oinarri hauetan ezarritakoa betetzen badu betiere.

          Honako bide hauetatik parte hartu ahal izango da:

          a) Onlineko formularioa

          Kanpainako webgune ofizialean https://www.bizkaia.eus/eu/bizkaiko-merkataritza-oso-pro jarritako formularioaren bitartez

          b) Boto-paper fisikoak

          Street marketing ekintzetan banatutako eta behar bezala bete ostean bildutako boto-paperen bitartez.

          Bildutako datuak eskuz sartuko dira datu-base batean, eta jatorrizko boto-paperak 2026ko ekainaren 30era arte gordeko dira.

          Parte-hartzailearen datuak

          Parte-hartzea baliozkoa izan dadin, datu hauek eman beharko dira:

          • Izen-abizenak.
          • Posta elektronikoaren helbidea.
          • Harremanetarako telefonoa.
          • Bizilekua.
          • Parte hartzeko oinarriak onartzea.

          7. Kanpaina eta ondorengo faseak

          Proposatutako saltokiei buruzko datuak herritarrek gehien bozkatutako saltokien zerrenda eta sailkapena osatzeko erabiliko dira.

          Proposamen gehien dituzten 25 saltokiak bigarren fase batera igarotzeko proposatu ahal izango dira. Fase horretan, epaimahai profesional batek balio diferentzial handiena duten saltokiak ebaluatuko ditu, irizpide kualitatiboen arabera.

          Balorazio horrek, besteak beste, honako alderdi hauek hartuko ditu kontuan: arretaren profesionaltasuna, bezeroekiko hurbiltasuna eta harremana, proaktibitatea eta berrikuntza bere jardueran, errotzea eta tokiko ingurunearekiko konpromisoa eta kanpainaren testuinguruan Bizkaiko tokiko merkataritzaren balioak ordezkatzeko duen gaitasuna.

          Hautatutako saltokiak Comercio de Bizkaia MUY PRO – Bizkaiko Merkataritza OSO PRO kanpainaren ondorengo faseetako protagonista izan ahal izango dira, aldez aurretik espresuki hala onartzen badute.

          8. Zozketa

          Saltoki hautagaiak aurkeztu eta oinarri hauetan ezarritakoaren arabera baliozko partaidetza egin duten pertsonek zozketa batean parte hartuko dute. Zozketa hori 2026ko martxoaren 25ean 12:00etan egingo da.

          Zozketa ausaz egingo da, zozketak kudeatzeko Easypromos plataformaren bidez. Plataforma horrek prozesuaren ausazkotasuna eta gardentasuna bermatzen ditu.

          Honako zerrenda hau lortuko da:

          • 15 irabazle.
          • 25 ordezko. Irabazleak ordeztuko dituzte, horiek baldintzak betetzen ez badituzte edo saria onartzen ez badute.

          9. Irabazle izan direnei jakinaraztea

          Irabazleekin, ahal dela, posta elektroniko bidez jarriko gara harremanetan eta, horrela ezin bada, telefonoz egingo da.

          Gehienez ere 48 orduko epea izango dute saria onartzeko jakinarazpena egiten denetik.

          Epe horretan erantzunik jasotzen ez bada, ordezkoekin jarriko gara harremanetan, atera diren ordenaren arabera.

          Kanpainaren landingean 15 irabazleen datuak argitaratuko dira (izenaren lehen letra, lehenengo abizena eta herria).

          10. Sariak

          10.1 Sariaren deskribapena

          15 opari-bonu zozkatuko dira. 300 €-ko balioa izango du bakoitzak.

          Gastuak itzultzeko sistema baten bidez funtzionatuko du bonuak.

          10.2 Bonuak erabiltzeko baldintzak

          Gastuaren banaketa orekatua egite aldera, bonuek baldintza hauek bete beharko dituzte:

          • Bizkaiko tokiko edozein saltokitan (50 langile baino gutxiago dituena) egindako erosketengatiko gastuak onartuko dira: nolanahiko establezimenduak, ile-apaindegiak eta irudi pertsonalerako zentroak, eta artisau-tailerrak (saltokien artean ez dira sartuko ostalaritzako establezimenduak.)
          • 2026ko martxoaren 27tik 2026ko maiatzaren 30era bitartean kontsumitu beharko dira, biak barne.
          • Saltoki bakoitzeko 100 €-ko gehieneko muga ezarriko da, gastua tokiko establezimendu desberdinen artean banatzeko asmoz.
          • Gastua justifikatzeko, irabazle bakoitzak zozketaren helbide elektronikora bizkaikomerkataritzaosopro@bizkaia.eus bidali beharko ditu, 2026ko ekainaren 12a baino lehen, honako hauek:
            • Establezimenduaren jatorrizko tiket edo fakturen argazkia.
            • Datafono bidez egindako ordainketa-frogagiriaren kopiaren argazkia, erosketa irabazleak egin duela egiaztatzeko.

          Dokumentazioa baliozkotu ondoren, erakunde antolatzaileak gastatutako zenbatekoa itzuliko du banku-transferentzia bidez, gehienez 300 €, oinarrietan ezarritako baldintzak betetzen badira betiere.

          Saria ezin izango da diruarekin edo ezarritakoez bestelako ondasun edo zerbitzuekin trukatu.

          11. Datu pertsonalen tratamendua

          Bizkaiko Foru Aldundia arduratuko da datu pertsonalen tratamenduaz.

          Parte-hartzaileen datuak zozketa kudeatzeko eta irabazleekin harremanetan jartzeko soilik erabiliko dira.

          Borondatez emandako iritziak edo esaldiak modu anonimoan erabili ahal izango dira, kanpainaz informatzeko eta hori zabaltzeko eta sustatzeko, hainbat komunikazio-euskarri eta -kanal instituzionaletan.

          Parte-hartzaileek datuen babesari buruz indarrean dagoen araudian aitortutako eskubideak baliatu ahal izango dituzte, kanpainako pribatutasun-ohartarazpenean adierazitakoaren arabera, helbide elektroniko honen bidez harremanetan jarrita: bizkaikomerkataritzaosopro@bizkaia.eus

          12. Oinarriak onartzea eta aplikatzekoa den legedia

          Zozketan parte hartzeak parte hartzeko oinarriak guztiz onartzen direla esan nahi du.

          DATU PERTSONALEN TRATAMENDUARI BURUZKO INFORMAZIOA

          TRATAMENDUAREN ARDURADUNA ETA HELBIDEA

          Ekintzailetza, Talentua eta Enpresa Lehiakortasuna bultzatzeko Zuzendaritza Nagusia

          Orueta Apezpikuaren kalea, 6 - 48009 Bilbo

          TRATAMENDUAREN HELBURUA

          Honako helburu hauek dituzten ekonomia-sustapeneko ekintzak kudeatu eta kontrolatzea: ekintzailetza aurreratua sustatzea; startupak azeleratzea; Bizkaia ekintzailetza eta berrikuntza irekiko erreferente gisa kokatzea; finantzaketa-ekosistema erakargarria sendotzea; talentua erakarri eta sustatzea; emakumeek enpresan, zientzian eta teknologian duten eginkizuna ikusarazi eta sustatzea; berrikuntza, lehiakortasun jasangarria eta trantsizio digital nahiz berdea bultzatzea; eta bikaintasun-zentroen sarea babestea.

          INTERESDUNAREN ESKUBIDEAK

          Tratamenduaren arduradunaren aurrean balia ditzakezu zure datuetan sartzeko, datuak zuzentzeko, tratamenduaren aurka egiteko, datuak ezerezteko edo haien tratamendua mugatzeko eskubideak, eta eskubidea duzu, halaber, erabaki indibidual automatizatuen helburu ez izateko; horretarako, idazki bat bidali behar duzu Lege Aholkularitza, Informazioaren Segurtasuna eta Datu Babesa Bideratzeko Atalari. Hemen aurkeztu daiteke idazkia:

          Datuen babesari buruzko informazio gehiagorako, hemen sakatu.