Medikuntza Historiaren Euskal Museoa. Erakusketa iraunkorra

Medikuntza Historiaren Museoak (MHM) XIX. eta XX. mendeko objektu mediko eta zientifikoen bilduma aberatsa du. Horiek guztiak Euskadiko medikuek, ospitaleek eta bestelako erakundeek erabili dituzte.

Erakusten diren objektu gehienak frantziarrak, alemaniarrak edo beste herrialde europar batzuetakoak dira. 6.000 ale baino gehiago kontserbatu eta erakusten dira, espezialitate mediko guztietakoak eta bestelako zientzia diziplinetakoak ere bai.

Gure zientzia ondarea kontserbatzeaz gain, Museoak, unibertsitate zentroa den neurrian, bere zeregin ikertzailea eta irakaskuntzari buruzkoa betetzen du. Eremu ikertzailetik, gaixotasunen historia, geofisika edo meteorologia bezalako gaiak osasunaren eta zientziaren alderdi ezberdinetan tokiko errealitatearen aldeko interesarekin elkartu nahi ditu ikuspegi orokorra lortzeko. Irakaskuntzaren eremuan, Mintegian jakintzagai desberdinetako klaseak irakasten dira, baita praktikak egin ere, titulazioek osasunaren arloarekin zerikusia badute. Edukiak medikuntzaren historialarien eta, orokorrean, zientzialarien esku jartzeaz gain, oro har, ezagutzak jendearen artean zabaltzen saiatzen da.