Bizkaiko, Arabako eta Gipuzkoako aldundiek
2026ko Udalekuak programa aurkeztu dute.
Programa horren bidez, udalekuak antolatzen dituzte
7 eta 13 urte bitarteko haurrentzat.

Udalekuak uztailaren 1etik 29ra bitartean izango dira,
eta bertan haur bakoitzak
7 egunez parte har dezake.

Zenbat plaza daude 2026ko udalekuetan?

Aurten, programak 4.289 plaza eskainiko ditu,
Euskadiko 3 lurraldeetan banatuta:

• Bizkaian: 1.544 plaza.
• Araban: 1.695 plaza.
• Gipuzkoan: 1.050 plaza.

Plaza horietatik, 4.004 plaza euskaraz izango dira
eta 285 plaza euskaraz eta gaztelaniaz izango dira.

Plazak adinaren arabera

• 7 eta 8 urteko haurrentzat:
  404 plaza.
  Plaza guztiak euskaraz izango dira. 

• 9 eta 11 urte bitarteko haurrentzat:
  2.245 plaza.
  • 2.090 plaza euskaraz.
  • 155 plaza euskaraz eta gaztelaniaz.

• 12 eta 13 urteko haurrentzat:
  1.640 plaza.
  • 1.510 plaza euskaraz.
  • 130 plaza euskaraz eta gaztelaniaz.

Non izango dira udalekuak?                  

Udalekuak 15 instalaziotan egingo dira,
Euskadiko hiru lurraldeetan:

Bizkaian antolatuko dira:
La Arboledan, Gorlizen,
Lurraskan, Meakaurren, Legasan,
eta oraindik zehaztu gabe dauden
beste 2 tokitan.

Gipuzkoan antolatuko dira:
Txurrukan (Orio), Zarautzen,
Juan Sebastián Elkanon (Hondarribia)
eta oraindik zehaztu gabe dauden
beste 2 tokitan.

Araban antolatuko dira:
Zuhatzan, Barrian (Barria-Narbaiza) eta Espejon.

Zenbat balio du udalekuetan parte hartzeak?

Haur bakoitzak 146 euro ordainduko ditu.
Hobariak daude familia ugarientzat
eta gizarte laguntzak jasotzen dituzten familientzat.

Prezioaren barruan daude:
ostatua, jateko guztia, jarduerak,
dinamizazioa eta asegurua.
Donostiatik, Bilbotik edo Gasteiztik
udalekua egiten den tokirainoko garraioa
prezioaren barruan dago ere.

Premia bereziak dituzten
adingabeen parte-hartzea

Programak plazen ehuneko 5 gordetzen du
premia bereziak dituzten adingabeentzat.
Plaza horiek elkarte espezializatuen laguntza dute,
adingabe horien parte-hartzea errazteko.

Talde profesionala udalekuetan

Udalekuetan honako profesionalak izango dira:

• Aisialdiko begirale tituludunak.
• Udalekuetako zuzendariak.
• Bela edo windsurfa bezalako jardueretan
  espezializatutako langileak.
• Desgaitasuna duten adingabeei
  arreta emateko prestatutako profesionalak.

Izen-emate prozesua

Udalekuetako plazak zozketaren bidez
banatzen dira.
Lehenengo izena eman behar da,
zozketan sartu ahal izateko.

Honakoak dira izena emateko datak:

• Bizkaian: martxoaren 9tik 18ra.
• Gipuzkoan: martxoaren 6tik 20ra.
• Araban: martxoaren 18tik 27ra.

Eskaera bakoitzean gehienez
3 haurren izena eman daiteke.

Hauek dira plazak nori eman zaizkion jakiteko datak: 

• Bizkaian: apirilaren 20an.
• Gipuzkoan: martxoaren 26an.
• Araban: apirilaren 16an.

Familiek informazio guztia begiratu
eta udalekuen eguneroko jarraipena
egin dezakete web-orri honetan:
www.bizkaia.eus.

Hiztegia:

Udalekuak: Haurrek etxetik kanpo egun batzuetan
egiten dituzten hezkuntza- eta aisialdi-jarduerak.

Windsurfa: itsasoan, laku edo urtegi batean
egiten den ur kirola.
Kirola egiten duen pertsona uretan mugitzen den
taula baten gainean doa.