Elixabete Etxanobe: "Gure konpromisoa da lanean jarraitzea, Bizkaia behar duzuenean babestuko zaituzten leku izan dadin; lagun egingo dizuen baina mugatuko ez zaituzten lekua, zuen ahotsa entzutera emango duena, eta erabakiak hartzeko, sortzeko eta ekarpenak egiteko zuen gaitasunean konfiantza izango duena. Hori da Bizkaian Hazi: Bizkaian haztea, Bizkaiarekin haztea eta Bizkaia ere zuekin haztea."

Elixabete Etxanobe Bizkaiko ahaldun nagusiak
Bizkaian Hazi topaketan hartu du parte.

Bizkaian Hazi Bizkaiko Foru Aldundiak
antolatu duen topaketa bat da.
Topaketaren helburua da
umeek eta nerabeek gizartean parte hartzea
eta gaitasunak garatzeko
dituzten aukerei buruz hitz egitea.

100 pertsona inguruk hartu dute parte
Bilboko Zabalgune eraikinean
egin den topaketan.

Umeentzako eta nerabeentzako
hainbat programa eta jarduera
aurkeztu dituzte bertan.

Programa horietako helburuetako batzuk dira
umeek eta nerabeek:

• Iritziak azaltzea
  eta erabakiak hartzean parte hartzea.
• Beste pertsona batzuekin bizitzea.
• Gaitasun artistikoak garatzea.
• Kirola egitea.
• Zientziara eta teknologiara hurbiltzea.
• Ideiak proiektu bihurtzea.

Babestea eta aukerak ematea

Elixabete Etxanobek azaldu du
umeak eta nerabeak babestea eta zaintzea
garrantzitsua dela.
Etxanoberen ustez ere umeen eta nerabeen
gaitasunetan konfiantza izan behar da,
eta parte hartzeko eta interesak garatzeko
aukerak eman behar zaizkie.

Hori lortzeko, honako hauen elkarlana
behar da: familiak, ikastetxeak, udalak,
gizarte-, kultura- eta kirol-erakundeak
eta Bizkaiko Foru Aldundia.

Iritziak azaltzeko eta parte hartzeko guneak

Topaketaren zati batean
umeen eta nerabeen parte-hartzeaz aritu dira.

Bizkaiko 21 udalerrik
Haur eta Nerabeen Tokiko Kontseilua dute.

Kontseilu horietan umeek eta nerabeek
eragiten dieten gaiei buruz
iritziak azaltzen eta proposamenak egiten dituzte.

Azken 10 urteetan,
1000 umek eta nerabek baino gehiagok
hartu dute parte kontseilu horietan.
Gaur egun, 300 ume eta nerabe inguru dira.

Bizkaiko Foru Aldundia
Haurren eta Nerabeen Foru Kontseilu bat
sortzen ari da.

Kontseilu berri horri esker,
umeen eta nerabeen iritziak
kontuan hartu ahal izango dira
Bizkaiko Foru Aldundiko erabakietan
eta politika publikoetan.

Zientzia, teknologia eta sormena

Topaketaren beste zati batean
zientziari, teknologiari, sormenari
eta ekintzailetzari lotutako proiektuez aritu dira.

Proiektu horiek gazteei
ikasteko, sortzeko, ideia berriak probatzeko
eta gaitasunak garatzeko aukera ematen die.

Honako hauek dira proiektu horietako batzuk:
Egin eta Ekin, TUMO Bilbao-Bizkaia,
First Lego League Euskadi,
Zientzia Azoka eta Industria Erronka.

Bizkaiko milaka ikaslek hartu dute parte jada
zientziaren eta teknologiaren ekimenetan.

Beste jarduera batzuk

Umeen eta nerabeen garapenean
laguntzen duten beste jarduera batzuez ere
aritu dira Bizkaian Hazi topaketan.

Horietako bat Udalekuak da,
40 urte martxan daramatzan
udako kanpalekuen programa.

Udalekuek beste pertsona batzuekin bizitzeko
eta autonomoago izateko aukera ematen dute.

Musikari, kulturari eta kirolari
lotutako programez ere aritu dira.
Honako hauek dira programa horietako batzuk:

• Señeak Bizkaia Rock Kanpusa:
  gazteek musika-talentua garatu
  eta musikarekiko interesa
  beste pertsona batzuekin parteka dezakete.

• Eskola Kirola:
  kirola egitea, talde-lanean aritzea,
  konpromisoak betetzea
  eta errespetuz beste pertsonekin
  harremanak izateko aukera ematen die.

Hiztegia:

Politika publikoak: Gizarteko beharrei erantzuteko
administrazio publikoek hartzen dituzten erabakiak
eta gauzatzen dituzten ekintzak.

Sormena: Ideia berriak izateko
eta gauza desberdinak sortzeko gaitasuna.

Ekintzailetza: Ideia, proiektu edo negozio bat
martxan jartzeko ekintza.

Talentua: Zerbait ondo egiteko
gaitasuna edo trebetasuna.