Elixabete Etxanobe Bizkaiko ahaldun nagusiak

itun handi bat sortzea proposatu du

Bizkaian bizi diren pertsona guztientzat

aukera berriak lortzen laguntzeko.

Ahaldun nagusiak San Inazio eguneko

ekitaldi instituzionalean egin du proposamena.

Bizkaiaren orainari, etorkizunari

eta erronka nagusiei buruz hitz egin du ekitaldian.

Bizkaiaren etorkizuna hobetzeko ituna

Elixabete Etxanoberen iritziz

erakundeek, enpresek eta gizarteak

elkarrekin lan egin behar dute

Bizkaiko erronka nagusiei aurre egiteko.

Honako hauek dira erronka horietako batzuk:

• Gazteei etxea eskuratzea erraztea.
• Adinekoei eskaintzen zaizkien
  zaintzen aukerak hobetzea.
• Emakumeen eta gizonen arteko
  berdintasunean aurrera egitea.
• Bizkaiko eskualde guztietan

garatzeko aukera berak izatea lortzea.

Guztientzako aukerak sortzea

Bizkaia guztientzako aukerak dituen
lurraldea izatea da

ahaldun nagusiak proposatutako itunaren helburua.

Hori lortzeko, honako gai hauek

garrantzitsuak direla uste du:

• Kalitate oneko lana sortzea.
• Ekintzaileei eta enpresei laguntzea.
• Berrikuntza bultzatzea.
• Gazteei aukerak eskaintzea.
• Bizkaiko talentua erakartzea eta mantentzea.
• Enpresetan eta beste lan batzuetan

erretiroa hartzen dutenak
gazteek ordezka ditzaten erraztea.

Ahaldun nagusiaren ustez, elkarlanari esker,

Bizkaiak egoera zailei aurre egin die

beste une batzuetan.

Horregatik uste du elkarlana beharrezkoa dela

Bizkaiko gaur egungo erronkei aurre egiteko,

eta etorkizuna prestatzeko.

Bizkaiaren autogobernua

Elixabete Etxanobek autogobernuaren

eta Ekonomia Itunaren garrantziaz ere hitz egin du.

Etxanoberen iritziz, tresna horiei esker

Bizkaiko beharrentzat egokiagoak diren

erabakiak har daitezke

eta zerbitzu publikoak hobe daitezke.

Hiztegia:

Ekintzailea: proiektu edo negozio berria
martxan jartzen duena.

Berrikuntza: hobekuntzak lortzeko

ideia eta gauzak egiteko modu berriak

sortzea eta erabiltzea.

Talentua: zerbait ondo egiteko

gaitasuna edo trebetasuna.

Autogobernua: lurralde batek

bertako gaiei buruz erabakiak hartzeko

duen ahalmena.

Ekonomia Ituna: euskal erakundeei

bere zergak biltzeko eta kudeatzeko

aukera ematen duen sistema.